Penjo
JaKristo en ang'o?
Duoko
Tiend Jakristo kaluwore gi bug lero weche en ni Jakristo en "ng'ato manyiso yie kuom yesu kaka Kristo kata e din kaluwore kod puonj mag Yesu." Sama mae en rachak maber, kaka tiend wachni mopogre opogre, oyudre kamoro mar wacho adiera makende mar Muma mar kaka Jakristo onego obed. Wach mar "Jakristo" otigodo nyadidek e Muma Manyien (Tich Joote 11:26; 26:28; 1 Petro 4:16). Jolup Yesu Kristo mokwongo ne oluong ni "Jokristo" e piny mar Antiokia (Tich Joote 11:26) nikech timbe gi, gik magitimo, kod weche magiwacho ne chalo gi Kristo. Wach "Jakristo" tiende mar achiel kachiel en, "bedo korka Kristo" kata "jalup Kristo."
Kuom haw marach bang' kinde, "Jakristo" oselalo berne maduong' kendo ohiny tiyo kode ka inyiso ng'at maen jadin kata ng'ama timbe ne beyo mak mana ni seche moko oken jalup Yesu Kristo mar adiera. Ji mang'eny maok oyie kata ogeno kuom Yesu Kristo nenre ga kaka Jokristo mana nikech gidhiga e kanisa kata gidak e piny "Jokristo". To makmana ni dhi e kanisa, konyo jok maongee nyalo, kata bedo ng'at maber oktimi Jakristo. Dhi e kanisa oktim ibed Jakristo mana kaka dhi e garaj kar loso mtokni ok tim ibed jalos geche. Bedo achiel kuom kanisa moro, dhi e chokruok kinde ka kinde, kendo golo chiwo mar tij kanisa ok tim ibed Jakristo.
Muma puonjowa ni tije mabeyo mawatimo daktim mondo Nyasaye oyienwa. Tito 3:5 wacho, "Nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien." Koro, Jakristo en ng'at ma osenyuol nyuol manyien gi Nyasaye (Johana 3:3; Johana 3:7; 1 Petro 1:23) kendo oseketo yie gi geno kuom Yesu Kristo. Jo-Efeso 2:8 nyisowa ni en "...kuom ng’wonone, oseresuu, kokalo kuom yie-to ok kuom gik mane utimo un uwegi, en mana mich mar Nyasaye."
Jakristo mar adiera en ng'ama oseketo yie kod geno kuom Yesu Kristo en owuon kod tichne, kaachiel gi tho mare e msalaba kaka chudo mar richo kod chier mare odiechieng' mar adek. Johana 1:12 nyisowa, "To ji duto mane orwake, mi oyie kuome, nomiyo teko mar doko nyithind Nyasaye." Rayangi Jakristo mar adiera en hera kuom jokmoko kod luoro Wach Nyasaye (1 Johana 2:4, 10). Jakristo mar adiera en nyathi Nyasaye, achiel kuom nyithi Nyasaye mar adiera, kendo ng'at ma osemi ngima manyien kuom Yesu Kristo.
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
JaKristo en ang'o?