Penjo
Din mar Jo-Kristo en ang’o kendo yie mar Jo-Kristo en ma ne?
Duoko
1 Jo-Korintho 15:1-4 wacho niya, ”To koro owetena, adwaro paronu Wach Maber ma ne apuonjou, mondo anyisu tiende. Ne urwake, kendo yie maru ochung’ kuome motegno, bende en ema uyudo resruok kuome, to mana ka usiko uyie gi gima ne apuonjou, kapo ni ok uyie kayiem nono. Wach maduong’ie moloyo ma ne akelonu, kendo ma an bende nokelna, en ni: Kristo notho nikech richowa kaka Muma wacho. Noyike, kendo nochier oa kuom joma otho chieng’ mar adek, bende kaka Muma wacho.”
E yo ma chiek, mano e koko mar yie din mar Jo-Kristo. Pogruokne ma kende gi dinde moko en ni din mar Kristo othenore e winjruok gi wat ma ingo moloyo timbe ma kor ka lemo. Kar keto ni nyaka itim chenro “mitimo gi ma ok tim,” giko mar ja-Kristo en iko wuoth machiegni gi Nyasaye ma Wuoro. Winjruogno nyalore nikech nikech tij Yesu Kristo gi ote e ngima mar ja-Kristo ma itimo gi Roho Maler.
Jo-Kristo nigi yie ni Muma en Wach Nyasaye maliw mojiw, kendo ni puonjne e chik mogik (2 Timotheo 3:16; 2 Petro 1:20-21). Jo-Kristo nigi yie kuom Nyasaye achiel ma odak ei ji adek, Wuoro, Wuowi (Yesu Kristo) gi Roho Maler.
Jo-Kristo nigi yie ni dhano nochwe moyiedhe mondo obed gi winjruok gi wat gi Nyasaye, to richo thego ji duto gi Nyasaye. (Jo-Rumi 3:23, 5:12). Din mar jo-Kristo puonjo ni ne Yesu Kristo owuotho e pinyka, ka en Nyasaye, kendo bende ka en dhano ( Jo-Filipi 2:6-11), kendo notho e musalaba. Jo-Kristo nigi yie ni bang’ thone e musalaba, Yesu ne oyik, ne ochier kendo sani odak e bat korachwich mar Nyasaye, ka olemo ni joma oyie nyaka chieng’ (Jo-Hibrania 7:25). Din mar jo-Kristo yalo ni tho Yesu e musalaba ne oromo chutho chulo gowi mar richo mag ji duto kendo mano ema dwoko winjruok ma ne okethre e kind Nyasaye gi dhano (Jo-Hibrania 9:11-14, 10:10; Jo-Rumi 5:8, 6:23).
Mondo oyud warruok, ng’ato nyaka ket yiene duto kuom tij Kristo ma ne otieko e musalaba. Ka ng’ato nigi yie ni Yesu notho kare ma ochulo gop richone, ma ochier kendo, to ng’ano owar. Onge nengo ma ng’ato dichul mondo oyud warruok. Onge ng’ama dibed “ma ber moromo” moro Nyasaye ki-en owuon, nikech waduto wan joricho (Isaya 53:6, 64: 6-7). Mar ariyo, onge gima odong’ timo, nikech Yesu ne osetimo tich duto! Ma ne entie e musalaba Yesu ne owacho ni, “Oserumo” (Johana 19:30).
Mana kaka onge gima ng’ato nyalo timo mondo oyud warruok, ka ng’ato oseketo genone e tij Kristo e musalaba, onge gimoro amora ma ng’ato nyalo timo mondo warruokne olalne nikech tich ne oseti ma otieki gi Kristo! Onge gimoro amora ei warruok ma othenore kuom ng’ama yude. Johana 10:27-29 wacho ni ”Romba ong’eyo dwonda, kendo an bende ang’eyogi, kendo giluwo bang’a. amiyogi ngima ma nyaka chieng’, kendo ok ginilal ngang’, bende onge ng’at ma nyalo gologi e lweta. Wuora ma ne omiyage duong’ moloyo gik moko duto, kendo onge ng’at ma nyalo gologi e lweta.”
Jomoko nyalo paro ni, “Mae ber manadini—ka osewara, anyalo timo gima ahero to warruokna ok nyal lal!” To warruok ok en bedo thuolo mar timo gima ihero. Warruok en gony kuom tiyo ni kiti mar richo kendo bedo thuolo luwo bedo gi winjruok gi wat gi Nyasaye. Kuma ne wan wasumbini mag richo, koro wabedo wasumbini mag Kristo (Jo-Rumi 6:15-22). Kaka joma oyie medo dak e piny gi dendgi mag richo, pod ywaruok mosiko biro betie mar timo richo. Kata kamano, jo-Kristo nyalo yudo loch e ywaruok gi richo ka gipuonjore kendo gitimo gima Wach Nyasaye (Muma) chikogi e ngimagi, kendo ka Roho Maler ema chikogi—mano en, gibedo e bwo Roho Maler kendo en ema omiyogi paro ma gilu kendo telonigi e gik ma gikaloe odiechieng’ ka odiechieng’ kendo timo Wach Nyasaye gi teko mar Roho Maler.
Koro, kata ka en kit din mang’eny dwaro ni ng’ato otim gik moko kata kik tim gik moko, Din mar jo-Kristo en yie ni Kristo notho e musalaba kaka chudo mar gopi mar richo kendo ne ochako ochier. Gowini mar richo osechul kendo inyalo bedo gi lalruok gi Nyasaye. Inyalo bedo gi loch e wi kiti mar richo kendo wuotho e lalruok gi bedo e bwo chik Nyasaye. Mano e din mar jo-Kristo mar Muma mar adier.
English
Din mar Jo-Kristo en ang’o kendo yie mar Jo-Kristo en ma ne?