Penjo
Chike ang’wen mag roho gin mage?
Duoko
Mokwongo e Chike Ang’wen mag Roho en, “Nyasaye oheri kendo entie gi chenro ma ber ni ngimani.” Johana 3:16 wachonwa ni,”Nyasaye nohero piny ahinya kama, omiyo nochiwo wuode ma miderma mondo ng’ama oyie kuome kik lal, to obed gi ngima ma nyaka chieng’.” Johana 10:10 nyisowa gimomiyo Yesu ne obiro,”An to asebiro ni mondo ji oyud ngima, kendo obed ngima moromo chuth. Ang’o ma geng’owa yudo hera mar Nyasaye?” Ang’o ma tamowa bedo gi ngima mogundho kata moromo chuth?
Mar ariyo kuom Chike Ang’wen mag Roho en, ”Oganda dhano otwonore gi richo kendo mano opoge gi Nyasaye. Koa kuom mano, ok wanyal ng’eyo chenro ma lich ma Nyasaye ochano ni ngimawa.” Jo-Rumi 3:23 siro wachni, “Ji duto oseketho, kendo girem kuom duong’ mar Nyasaye.” Jo-Rumi 6:23 miyowa gima richo biro kelonwa, “msach richo en tho.” Nyasaye ne ochweyowa mondo wabed gi lalruok kode. Kata kamano, oganda dhano ne okelo richo e piny, kendo richo okelo pogruok e kinde gi Nyasaye. Waseketho wat kata tudruok ma ne Nyasaye ochano ni wabedgo kode. Ang’o ma nyalo konyowa?
Mar adek kuom Chike Ang’wen mag Roho en, “Yesu Kristo kende e chiwo mar richowa. Kokalo kuom Yesu Kristo, inyalo wenwa richowa mi kendo inyalo duoknwa winjruokwa gi Nyasaye.” Jo-Rumi 5:8 wacho ni, ”To gima nyisowa ni Nyasaye oherowa gi hera maduong’ en ni Kristo nothonwa ka ne pod wan joricho.” 1 Jo-Korintho 15:3-4 nyisowa gik ma onego wang’e kendo wayie eka mondo owarwa, ”…ni Kristo notho nikech richowa, kaka Muma wacho. Noyike kendo nochier oa kuom joma otho chieng’ mar adek, bende kaka Muma wacho…” Yesu owuon wacho ni en kende ema en yor warruok e Johana 14:6, “An e yo, kendo an e adiera, bende an e ngima. Onge ng’ama dhi ka Wuora ma ok okadho kuoma.” Anyalo yudo nadi chiwo ma lich mar warruok?
Chike Ang’wen mag Roho mar ang’wen en,”Nyaka waket yiewa kuom Yesu Kristo kaka Jawarwa mondo eka wayud chiwo mar warruok mondo eka wang’e chenro ma lich mar Nyasaye ni ngimawa.” Johana 1:12 pimonwago, “To ji duto ma ne orwake, mi oyie kuome, nomiyo teko mar doko nyithind Nyasaye.” Tich Joote 16:31 wache maler ni,”Yie kuom Ruoth Nyasaye eka inikwo!” Inyalo warwa mana kuom ng’wono kende, kuom Yesu Kristo kende (Jo-Efeso 2:8-9).
Ka idwaro geno kuom Yesu Kristo kaka Jawarni, ful weche ma nitie pinyka ni Nyasaye Fulo wechegi okbiwari, to geno kuom Kristo ema biro wari. Lemoni en mana yo mayot mar nyiso Nyasaye yieni kuome gi goyone erokamano kuom chiwoni warruokni. “Nyasaye, ang’eyo ni asetimoni richo kendo aromo gi kum. To Yesu Kristo ne okawona kum mondo kuom yiena kuome inyalo wena richona. Aketo genona mar warruokna kuomi. Erokamano kuom ng’wononi ma lich gi weyonwa richo – chiwo mar ngima ma nyaka chieng’! Amina!”
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Chike ang’wen mag roho gin mage?