Kutang
Nanu ya in dalan papuntang kaligtasan?
Sagot
Makaramdam kang danup? Ali pisikal a danup, nune atin ka bang danup keng mas maragul pang bage keng bie mo? Atin bang bage keng pilubluban mo na keng palage mu ali kapilanman matugunan? Nung makanita man, i Jesus ing dalan! Nganang Jesus, “Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku” (Juan 6:35).
Makaranas kang kalituan? Lupang ali ka ba manakit direksyun o kadailanan keng bie mo? Balamo ba ating mematda kareng sulu at ali me akit ing pisindian? Nung makanita man, i Jesus ing dalan keng kaligtasan! Nganang inayag Jesus, “Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie” (Juan 8:12).
Dinanas mo na ba ing pakiramdam a mipagsaran ka keng bie mo? Itang dakal na ka sibuknang buklat a pasbul para mu alang kapupusan ing dasnan mu kilub? Manintun ka bang piluban a mamie bieng ating kabulwan? Nung makanita man, i Jesus ing dalan keng kaligtasan! Nganang dineklarang Jesus, “Aku ing pasbul. Miligtas ya ing ninumang lungub king kapamilatan ku. Malaya yang lungub at lual at makatagpu yang pastulan” (Juan 10:9).
Aranasan mo na ba ing mabigo kareng aliwang tawu? Den bang relasyon mo kareng aliwa mababo la mo o alang katuturan? Panandaman mong sasamantalan daka mo reng tawu? Nung makanita man, i Jesus ing dalan! Nganang Jesus, “Aku ing mayap a pastul. Makasadia yang mate ing mayap a pastul para karing tupa na; Aku ing mayap a pastul. Balu ku la ding kanaku at balu da ku ding kanaku” (Juan 10:11, 14).
Aiisip mo ba kung nanu ing manenaya kayari ing bie a ini? Mapagal naka bang kakabie para kareng bage a mabubuluk mo? Mapapaisip ka ba minsan kung nanu ba ing kaulagan na ning bie? Bisa ka bang kumabie kaybat mung mete? Nung makanita man, i Jesus ing dalan keng kaligtasan! Nganang dineklarang Jesus, “Aku ing pamanyubling mebie at ing bie. Ing maniwala kanaku, agyang mate ya, mie yang pasibayu; at ing ninumang mabibie at maniwala kanaku e mate kapilan man” (Juan 11:25-26).
Nanu ya ing dalan? Nanu ya ing katutuan? Nanu ya ing bie? Nganang sagut Jesus, “Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku” (Juan 14:6).
Espiritual a danup ing danup a panamdaman mu, at i Jesus mu kabud ing makapamieng kaganapan keng danup mung iti. I Jesus mu kabud ing agyung makapaglako keng dalumdum. I Jesus ing pasbul papunta keng kalugud-lugod a bie alang angga. I Jesus ing kaluguran at pastul a panintunan mu. I Jesus ing bie—keti yatu at keng tutuking bie. I Jesus ing dalan keng kaligtasan!
Ing rason kaya ka makaramdam danup, ing rason kung bakit bala malilili ka keng dalumdum, ing rason kaya ali me akit ing kaulagan na ning bie, kasi makakawani ka keng Dios. Sasabyan na ning Bibliya na mikasala tamu ngan sablang tawu, at uli na nita mekawani tamu ngan keng Dios (Ecclesiastes 7:20; Roma 3:23). Makaramdam kang kawalan keng pusu mu uling ala ya keng bie mu ing Dios. Milalang ka ban mikarelasyun keng keng Dios. Uli na ning kasalanan mu, mikawani ka keng relasyun a ita. Ing masakit pa kanini, ing kasalanan mung iti ing magdulut keng alang anggang pangakawani mu keng Dios, kening bie ampo keng tutuki (Roma 6:23; Juan 3:36).
Makananu yang mitulid ing problemang iti? I Jesus ing dalan keng kaligtasan! I Jesus mismo ing pinusan keng kasalanan mu (2 Corinto 5:21). I Jesus ing mete para keka (Roma 5:8), iya ing minaku keng kaparusan a dapat para keka. King ikatlung aldo kinabie yang pasibayu, ini ing patune ning tagumpe na laban king kasalanan ampo kamatayan (Roma 6:4-5). Bakit gewa na ngan ini? I Jesus mismo ing sinagut keni: “Ala nang lugud a maygit pa kesa ketang ibie na ning metung a tau ing bie na para karing kakaluguran na” (Juan 15:13). Mete ya i Jesus ban kumabie ka. Nung sumalpantaya ka kang Jesus, pagkatiwalan mu ing Keyang kamatayan bilang bayad keng kekang kasalanan, mipatawaran ampo mawos la ngan palako deng sablang kasalanan mu. Uli na niti, mipunan ya ing danup a panamdaman mu. Misindi la reng sulu. Agyu mu nang mikabie a kasaya-saya. Akilala me ing tune at malugud mung kaluguran ampo ing mayap a pastul. Abalu mu na atin kapang tutuking bie kaybat mung mete—ing pamanyubling bie mu keng banua kayabe i Jesus a alang angga!
“Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga” (Juan 3:16).
Mekapagdesisyun na ka ba tungkol kang Cristo uli na ning abasa mu keni? Nung makanta man, i-click me itang "tinggap ke I Cristo ngeni" kening lalam. English
Atin ka bang kutang?