Kutang
Nanu ing buri nang sabyan ning pamagtanggap kang Jesus bilang sariling Talapagligtas?
Sagot
Nanu ing buri nang sabyan ning pamagtanggap kang Jesus bilang sariling Talapagligtas? Nanu ing buri nang sabyan pag atin kang sariling relasyun keng Dios king kapamilatan ning kasalpantayanan kang Cristo Jesus?
Nanu ing buri ng sabyan ning pamagtanggap kang Jesus bilang sariling Talapagligtas?
Tinggap mu ne ba i Cristo Jesus bilang sarili mung Talapagligtas? Ban mas aintindian me ining kutang, dapat mung abalu kung nanu ing buri ng sabyan ning “Cristo Jesus,” “sarili,” ampong “Talapagligtas.”
Ninu I Cristo Jesus? Dakal tau kilala de i Cristo Jesus bilang malugud a tau, bilang biasang mestru, pati bilang propeta ning Dios. Tutu lang tutu rening bage a reni tungkul kang Jesus, dapot, dening bage a reni ali dala dirinan ganap a pamagesplika kung ninu ba talaga Iya. Sasabyan na ning Bibliya na i Jesus ing Dios keng laman, ing Dios a miganyung tau (Juan 1:1, 14). Dinatang ya ing Dios keni yatu ban turuanan na katamu, ban uluan na katamu, ban itulid na katamu, ban patawaran na katamu—at ban mate para kekatamu! I Cristo Jesus ing Dios, ing Miglalang, ing mayupayang Ginu. Tinggap mu ne ba ining Jesus a ini?
Nanu ya ing Talapagligtas, at bakit kailangan taya ing Talapagligtas? Sasabyan na ning Bibliya na mikasala la ngan ding sablang tau; ginawa tamu ngan karokan (Roma 3:10-18). Uli na ning pamagkasala tamu, dapat mu kekatamu ing mua at atul ning Dios. Ing managyu mung kaparusan para kareng kasalanan a depat laban keng alang anggang Dios, apin ing alang anggang kaparusan (Roma 6:23; Kapahayagan 20:11-15). Apin ini kung bakit mangailangan tamung Talapagligtas.
I Cristo Jesus dinatang ya kening yatu at mete ya para kekatamu. Ing kamatayan nang Jesus ing migsilbing alang anggang kapamayaran keng pamagkasala tamu (2 Corinto 5:21). Mete ya i Jesus para bayaran ing kasalanan tamu (Roma 5:8). Beyaran neng Jesus ing presyu ban ali na ikatamu ing mamayad kanini. Ing pamanyubli nang mebieng Jesus ibat mete ing magpatune na menagyu neng kabayaran keng kasalanan ing Keyang kamatayan. Ini ing rason kung bakit i Jesus mu kabud ing Talapagligtas (Juan 14:6; Ding Dapat 4:12)! Magtiwala ka kang Jesus bilang kekang Talapagligtas?
I Jesus bang ing kekang sariling Talapagligtas? Dakal tau lalawen mu ing Kristiyanismu bilang pamamunta pisamban, pamagdapat mialiwang ritwal, ampo pamaniwas kareng aliwang kasalanan. Aliwa ita ing Kristiyanismu. Ing tune Kristiyanismu, apin itang atin kang sariling relasyun kang Cristo Jesus. Ibie me Keya ing kekang pamagsalpantaya ampong tiwala, apin ini ing buri nang sabyan ning pamagtanggap Keya bilang sarili mung Talapagligtas. Alang maliligtas king kapamilatan na ning kasalpantayanan da reng aliwa. Alang mipapatawad king kapamilatan na ning nanu mang dapat. Ing pamagtanggap kang Jesus bilang kekang sariling Talapagligtas mu kabud ing dalan na ning kaligtasan, ing pamagtiwala keng Keyang kamatayan bilang kapamayaran da reng kekang kasalanan ampo ing Keyang pamanyubling mebie ing kekang kasiguraduan king bie alang angga (Juan 3:16). I Jesus ing kekang sariling Talapagligtas ngeni?
Nung buri meng tanggapan i Cristo Jesus bilang sarili mung Talapagligtas, malyari meng pangadi ini keng Dios. Dapot tandanan mu na ali ing pangading ini o nanu mang pangadi ing makapagligtas keka. Magsilbi ya mung paralan ing pangading ini ban apakit mu ing pamagsalpantaya mu Keya ampo ban asabi mu ing pasasalamat mu uling binie Ne keka ing kaligtasan. “Ginu, aminan kung tutung mikasala ku laban Keka at dapat mu na miparusan ku. Dapot maniwala ku na pinusan neng Cristo Jesus ing kaparusan na dapat kanaku ban keng kapamilatan na ning kasalpantayanan Keya mipatawad ing kasalanan ku. Tatanggapan ke ing babie mung pamagpatawad ampo babie ku Keka ing tiwala ku para keng kanakung kaligtasan. Tatanggapan ke i Jesus bilang kanakung sariling Talapagligtas! Dakal pung salamat keng Kekayung grasya at kayupayan—ing regalu na ning bie alang angga! Amen!”
Mekapagdesisyun na ka ba tungkol kang Cristo uli na ning abasa mu keni? Nung makanta man, i-click me itang "tinggap ke I Cristo ngeni" kening lalam. English
Atin ka bang kutang?