Kutang
Sinalpantaya naku kang Jesus…nanu na kanyan?
Sagot
Matula ka! Gewa me ing pekamayap a desisyun keng bie mu! Kukutang mu siguru, “Nanu na kanyan? Makananu ke umpisan ing pamaglakad ku kayabe ing Dios?” Dening limang bage a reni a ibat keng Biblia reng malyari mung tukyan. Nung atin ka pang kutang tungkol keng pamaglakad mu, malyari kang munta www.GotQuestions.org.
1. Siguraduan mung aintindian meng masalese ing kaligtasan mu.
Sasabyan na ning 1 John 5:13, “Susulat ku iti ban ikayung maniwala king lagyu na ning Anak ning Dios abalu yu king atin kayung bie alang angga.” Buri na ning Dios na aintindian tamu ing kaligtasan. Buri na ning Dios na atin tamung kumpiyansa keng kasiguraduan tamung ligtas tamu. Lawen tala pasibayu rening importanting puntos tungkul keng kaligtasan.
(a) Mikasala tamu ngan. Ginawa tamu ngan karokang ali makalugud keng Dios (Roma 3:23).
(b) Uli na ning pamagkasala tamu, ing dapat a parusa kekatamu ing alang anggang pamagkawani keng Dios (Roma 6:23).
(c) Mete ya keng krus i Jesus ban bayaran ne ing parusa keng pamagkasala tamu (Roma 5:8; 2 Corinto 5:21). Mete ya i Jesus para kekatamu, pinusan ne ing kaparusan na dapat para kekatamu. Ing Keyang pamanyubling mebie ing patune na menagyu neng kabayaran kareng kasalanan tamu ing Keyang kamatayan.
(d) Babie ne ning Dios ing pamagpatawad ampo ing kaligtasan kareng ninu mang sasalpantaya kang Jesus – ing magtiwala keng Keyang kamatayan bilang kapamayaran kareng pamagkasala tamu (Juan 3:16; Roma 5:1, Roma 8:1).
Apin ini ing mensayi na ning kaligtasan! Nung sasalpantaya ka kang Cristo Jesus bilang kekang Talapagligtas, ligtas na ka! Mipatawaran na la ngan deng egana ganang kasalanan mu, ampo pangaku ning Dios keka na ali naka paburen o lakuan (Roma 8:38-39; Mateo 28:20). Tandanan mu, atin yang seguridad ing kaligtasan mu kang Cristo Jesus (Juan 10:28-29). Nung magtiwala ka kang Jesus—Kaya mu kabud—bilang kekang Talapagligtas, makasiguradu kang akayabe meng alang angga ing Dios keng banua.
2. Makiabe ka keng masalese a iglesia a tuturu ing Biblia
Patse sinabing iglesia, nanu ya ing buri nang sabian nini? Ing iglesia apin deta reng tau. Importanti kareng sasalpantaya kang Cristo Jesus na misasanmetung la. Apin ita ing pekamumunang diling layun na ning iglesia. Ngening sasalpantaya na ka kang Cristo Jesus, ikayatan dakang manintun a iglesiang malapit kekayu, itang maniwala keng Biblia at pakisabian me itang pastor da. Pabalu mu kaya ing bayu mung pamanialpantaya kang Cristo Jesus.
Ing kakadwang layun na ning iglesia ing ituru ing Biblia. Abalu mu kung makananu mu la agamit deng bilin na ning Dios keng bie mu. Importanti na aintindian meng masalese ing Biblia ban maging yang matagumpe ampo mayupaya ing bie Cristianu mu. Ngana ning 2 Timoteo 3:16-17, “Pengisnawanan na la ning Dios ding sablang Kasulatan at maragul la kasilbian king pamanuru king katutuan, king pamaglaban king kamalian, king pamitulid king maling dapat, at pamagsane king malinis a pamibiebie. King uli na niti, maging ganap ya ing talasuyu na ning Dios at mirinan yang kagiwan dapat king sablang mayap.”
Ing ikatlung layun na ning iglesia, apin ing pamaniamba. Ing pamaniamba apin ita ing babie mu ing pasasalamat mu keng Dios kareng egana ganang gewa Na! Ing Dios ing mengabus keka. Ing Dios ing lulugud keka. Ing Dios ing tataguyud keka. Ing Dios ing tuturu at tutuldu keng dapat mung dalanan. Ali me ba pasalamatan kanita? Ing Dios banal ya, matulid ya, malugud ya, makalulu ya, mitmu yang upaya. Ngana ning Kapahayagan 4:11, “Kekaming Ginu at Dios! Karapatdapat kang tanggap kapurian, dangal at upaya. Uling ika ing linalang karing sablang bage at lelangan mu la, at dininan bie ketang kekang kaburian.”
3. Dinan meng oras kada aldo ing Dios.
Importanti kekatamu na atin tamung lalaang oras kada aldo para keng Dios. Apin iti ing awsan dang “quiet time.” Deng aliwa awsan de iti “devotions,” kasi apin ini ing oras a tatalaga mu para keng Dios. Maralas magtalaga lang oras deng Cristianu patse abak, reng aliwa naman mas buri da pag bengi. Ala namang kasu kung nanu man ing iawus mu keni o nung kapilan me buring gawan. Ing importanti aldo aldo meng dirinang oras ing Dios. Nanu-nanu la reng mialiwang gagawan pag magtalaga tamung oras para keng Dios?
(a) Pamangadi. Ing pamangadi apin iti ing pakisabian me ing Dios. Sabian mu keng Dios reng bageng babagabag keka o reng problema mu. Manyad kang kabiasnan ampo patnube. Anyaran mu keng Diyos a ibie Na la reng sablang kailangan yu. Sabian mu keng Dios kung pakananu me kaluguran ampo kung pakananu mu la paulagaan deng egana ganang bage a gagawan na para keka. Apin yan ing pamangadi.
(b) Pamamasang Biblia. Bukud pa keng tuturuanan na ka keng Biblia ning iglesia, ning Sunday School, o ning Bible study — dapat ika mu rin mismo mamasa kang Biblia. Apaintun mu ngan keng Biblia reng egana ganang bage na dapat mung abalu ban ika magtagumpe ka keng bie Cristianu mu. Akit mu keni ing gabe ning Dios nung makananu gagawang ustung desisyun, nung makananu mu abalu ing kaburian na ning Dios, nung makananu maglingkud kareng aliwa, nung makananu munlad espiritual. Ing Biblia apin ing amanu ning Dios kekatamu. Ing Biblia apin ing binie na ning Dios a maging instruction manual ban ing pamibiebie tamu maging kalugud-lugud ya Kaya ampo katmu yang tula kekatamu.
4. Makiugne ka kareng tau a makapamie espiritual a saup keka.
Ngana ning 1 Corinto 15:33, “E kayu pailinlang: Ding e mayap a kayabe ila ding sisira karing mayap a panugali.” Dakal ya abisu ing Biblia tungkul kareng impluwensia da reng “marok” a tau kekatamu. Malyari tamung matuksu kareng gagawan dang karokan deng taung a reni nung akakayabe tala palagi. Miawa tamu kareng ugali da reng taung makapalibut kekatamu. Uli na niti, importanti a reng taung lulugud ampo magtiwala keng Dios deng taung ipalibut tamu kekatamu.
Maintun kang kaluguran, malyari mu rin keng iglesia yu, a makasaup ampo makaikayat keka (Hebreo 3:13; 10:24). Anyaran mu kareng kaluguran mu na panatilian dakang responsabli keng quiet time mu, kareng panggawan mu, ampo keng lakad mu kayabe in Dios. Kutang mu nung malyari mu rin gawan karela yan. Ali naman buri nang sabian nini na lakwan mu na la ngan deng kaluguran mung e kilala ing Ginung Jesus bilang karelang Talapagligtas. Manatili kang maging kaluguran da ampo luguran mula. Pabalu mu mu karela a binayu na neng Jesus ing bie mu, at uli na nini, ali mu na la malyaring gawan deng bage a dati mung gagawan. Manyad kang oportunidad keng Dios ban apakilala me i Jesus kareng kaluguran mu.
5. Pabautismo ka
Dakal taung mali ing unawa da keng pamagbautismo. Ing buri nang sabyan ning salitang bautismo, “ilublub keng danum.” Ing pamagbautismo apin ing sasabyan na ning Biblia a paralan na ning kekang proklamasyun kareng tau tungkul keng bayu mung kasalpantayanan kang Cristo ampo ing kekang kaburianan a tukyan Ya. Keng pamaglublub keng danum, anti me mong pakiapusan i Cristo anyang melibing ya. Ing pamagsaka keng danum pakiapusan ne ing pamanyubli nang mebie Cristo. Makisanmetung ka keng kamatayan, pamaglibing, ampo pamanyubli nang mebie Cristo patse mebautismo ka.
Ali ing bautismo ing magligtas keka. Aliwa ing bautismo ing magos palako keng kekang kasalanan. Metung yang lakbang keng pamagsunud ing bautismo, pampubliko yang proklamasyun ning kekang kasalpantayanan kang Cristo (ala nang aliwang paralan) para king kekang kaligtasan. Importanti ya ing pamagbautismo uling metung yang akbang ning pamagsunud iti—dedeklara mu keng publiko ing kasalpantayanan mu kang Cristo ampo ing kekang katapatan Keya. Kung bisa nakang pabautismo, magsabi ka mu keng metung a pastor.
English
Atin ka bang kutang?