Kutang
Dios ya ba i Jesus? Inangkin na bang Jesus na Dios ya?
Sagot
Karetang tatanggi na Dios ya i Jesus sasabyan da na ali na inangking Jesus na Dios ya. Tutu na alang makatala keng Biblia na sinabi nang Jesus deng mismong salitang, “Dios ku.” Pero ali na buring sabian nini na ali na inangking Jesus na Dios ya.
Dios ya ba i Jesus? — Inanggkin nang Jesus na Dios ya.
Metung alimbawa kanini anyang sinabi nang Jesus keng Juan 10:30, “Aku at ing Ibpa metung kami mu.” Lawen ta nala mu deng reaksyun da reng Judio ketang sinabi na ban abalu tamung aangkinan nang Dios ya. Ini ing dahilan bakit buri deng basibasan batu: “magbansag kang Dios kabang metung ka mung tau” (Juan 10:33). Aintindian da reng Judio nung nanu ing aangkinan nang Jesus—kadiosan. Aniang dineklara nang Jesus, “Aku at ing Ibpa metung kami mu,” sasabyan nang memetung la mu kalikasan at kabaldugan ning Ibpa. Metung ya pang alimbawa ing Juan 8:58. Nganang Jesus, “Ing katutuan sasabian ku kekayu: atyu na ku bayu ya mibait i Abraham.” Tutukuyan na nini ing Exodo 3:14 anyang inayag ne ning Dios ing sarili na bilang “Aku ing Aku.” Ing tugun da reng Judio a mekaramdam kanini, memulut lang batung pamasibas kaya ban paten ya, uling apin ini ing utus nang Moises kareng maglapastangan keng Dios.
Dios ya ba i Jesus? — Inayag da reng tagasunud nang Dios ya.
Paulit-ulit ya i Juan keng kaisipan a ini tungkul keng kadiosan nang Jesus: “nung nanu ya ing Dios makanyan ya naman ing Amanu [Jesus]” ampo “Meging tau ya ing Amanu” (Juan 1:1, 14). Malino la reng talatang a reni na i Jesus apin ing Dios keng katawang tau. Ngana ning Dapat 20:28, “Pastulan ye sa ing iglesia na ning Dios a pemuhunan na king mismung daya na” Ninung memuhunan keng iglesia king sarili nang daya? I Cristo Jesus. Sasabyan na ning talatang aini na ing Dios ing memuhunan keng iglesia gamit ing sarili nang daya. Inya naman, Dios ya i Jesus.
Dineklara nang Tomas a alagad ng Jesus patungkul Kaya, “Ginu ko at Dios ko” (Juan 20:28). Ali ne tinulid Jesus ing sinabi na. Ikayatan na katamu ning Tito 2:13 a manaya keng pamagdatang na ning kekatamung Dios at Talapagligtas, i Jesu-Cristo (lawen mu rin ing 2 Pedro 1:1). King Hebreo 1:8, dedeklara na ning Ibpa kang Jesus, “Oneng tungkul king Anak, nganang sinabi ning Dios, ‘Ing kekang tronu, O Dios, manatili ya kapilan pa man! Sumakup ka bilang Aring makatuliran.’” Inaus neng Dios ning Ibpa i Jesus, papaiwatig na nini na Dios ya talaga i Jesus.
King Kapahayagan, sinabi na ning anghel kang Juan na ing Dios mu kabud ing dapat samban (Kapahayagan 19:10). Dakal beses king Kasulatan a tinanggapn yang pamagsamba i Jesus (Mateo 2:11; 14:33; 28:9, 17; Lucas 24:52; Juan 9:38). Ali nala binawal deng tau a sasamba kaya. Kung ali ya Dios i Jesus, sabianan Nala reng tawu na ali ya dapat samban, kalupa na ning gewa na ning anghel keng Kapahayagan. Bukud kareni, dakal pang makatala keng Kasulatan a magpatune kang Jesus bilang Dios.
Dios ya ba i Jesus? — Ing rason nung bakit Dios ya dapat i Jesus
Ing pekaimportanting rason nung bakit Dios ya dapat i Jesus, nung ali ya Dios, ali ya maging sapat ing kamatayan na ban bayaran ing kaparusan na ning kasalanan da ring sablang tau (1 Juan 2:2). Ing metung a melalang, alimbawa i Jesus kung ali ya Dios, ali ne agyung bayaran ing alang-anggang kaparusan na ning kasalanan a dapat ibayad keng alang-anggang Dios. Ing Dios mu kabud ing agyung makapamayad keng makanini karagul a parusa. Ing Dios mu kabud ing agyung mamusan king kasalanan da ring sablang tau (2 Corinto 5:21), ing mate, at ing sumubling kumabie, ban ipakit ing Keyang tagumpe laban king kasalanan at kamatayan.
Dios ya ba i Jesus? Uwa. Dineklara ne mismung Jesus ing sarili na bilang Dios. Meniwala la reng alagad na a Dios Ya. Ing binieng paralan para king kaligtasan mepektu ya mu kung Dios ya i Jesus. I Jesus ing Dios a migkatawang tau, ing alang-aggang Alpha at ing Omega (Kapahayagan 1:8; 22:13), at ing Dios a Talapagligtas (2 Pedro 1:1).
English
Atin ka bang kutang?