settings icon
share icon
Пытанне

Што такое план збаўлення?

Адказ


Ці адчуваеце вы голад? Не ў фізічным сэнсе; ці адчуваеце вы голад у адносінах чагосьці больш значнага ў вашым жыцці? Ці ёсць штосьці глыбока ўсярэдзіне вас, што вы нічым не можаце спаталіць? Калі гэта так, Ісус ёсць шлях! Ісус сказаў: “Я – хлеб жыцця. Хто прыходзіць да Мяне, не будзе галодны, і хто верыць у Мяне, ніколі не засмагне” (Яна 6:35).

Вы ў замяшанні? Вам здаецца, што вы ніколі не зможаце знайсці ваш шлях ці мэту ў жыцці? Быццам нехта выключыў святло, і вы не можаце знайсці выключальнік? Калі гэта так, Ісус – гэта шлях! Ісус абвясціў: “Я – святло свету; хто ідзе за Мной, не ходзіць у поцемках, але будзе мець святло жыцця” (Яна 8:12).

Ці адчувалі вы калі-небудзь, што вашае жыццё – нібы замкнуты круг? Вы стукаліся ў шмат дзвярэй, але выяўлялі, што за імі пустэча і бессэнсоўнасць? Вы шукаеце ўваход да паўнавартаснага жыцця? Калі так, Ісус – гэта шлях! Ісус сказаў: “Я – дзверы: калі хто праз Мяне ўвойдзе, будзе збаўлены; і ўвойдзе, і выйдзе, ды знойдзе пашу” (Яна 10:9).

Вы заўсёды расчароўваецеся ў людзях? Вашыя адносіны павярхоўныя і пустыя? Быццам кожны імкнецца выкарыстаць вас у сваіх інтарэсах? Калі так, Ісус – гэта шлях! Ісус сказаў: “Злодзей не прыходзіць інакш, каб толькі красці, забіваць і губіць; Я ж прыйшоў, каб мелі жыццё, і мелі ўдосталь. Я – Пастыр добры. Добры Пастыр аддае за авечак жыццё Сваё” (Яна 10:10, 11).

Ці задумваліся вы пра тое, што адбываецца пасля гэтага жыцця? Вы стаміліся жыць дзеля таго, што схільна да гніення і разбурэння? Да вас прыходзяць сумненні ў тым, што жыццё мае нейкі сэнс? Ці хочаце вы жыць пасля таго, як памрэце? Калі так, Ісус – гэта шлях! Ісус абвясціў: “Я ёсць уваскрэсенне і жыццё. Хто верыць у Мяне, хоць бы ён і памёр, жыць будзе; і кожны, хто жыве і верыць у Мяне, не памрэ вечна” (Яна 11:25, 26).

Што такое шлях? Што такое праўда? Што такое жыццё? Ісус адказаў: “Я – шлях, і праўда, і жыццё. Ніхто не прыходзіць да Айца, як толькі праз Мяне” (Яна 14:6).

Голад, які вы адчуваеце, – гэта духоўны голад, і толькі Ісус можа яго спаталіць. Толькі Ісус можа разагнаць цемру. Ісус – гэта дзверы, якія вядуць да паўнавартаснага жыцця. Ісус – гэта Сябра і Пастыр, Якога вы шукаеце. Ісус – гэта жыццё, у гэтым свеце і ў будучым. Ісус – гэта шлях збаўлення!

Прычына таго, што вы адчуваеце голад, згубленасць у цемры, на можаце знайсці сэнс жыцця, знаходзіцца ў вашай аддзеленасці ад Бога. Біблія апавядае нам, што мы ўсе зграшылі, і таму аддзелены ад Бога (Эклезіяста 7:20; Рымлянаў 3:23). Пустэча, якую вы адчуваеце ў сваім сэрцы, – гэта адсутнасць Бога ў вашым жыцці. Мы былі створаны для таго, каб мець непарывальныя адносіны з Богам. З-за нашага граха мы згубілі такія адносіны. І што яшчэ горш – наш грэх вядзе да аддзеленасці ад Бога назаўсёды, у гэтым жыцці і ў будучым (Рымлянаў 6:23; Яна 3:36).

Як вырашыць гэтую праблему? Ісус – гэта шлях! Ісус узяў наш грэх на Сябе! (2-і да Карынфянаў 5:21) Ісус памёр замест нас (Рымлянаў 5:8), панёсшы пакаранне, якое заслужылі мы. Праз тры дні Ісус уваскрос з мёртвых, паказаўшы Сваю перамогу над грахом і смерцю (Рымлянаў 6:4, 5) Чаму Ён зрабіў гэта? Ісус Сам адказаў на гэтае пытанне: “...Ніхто не мае большай любові за тую, калі хто аддае жыццё сваё за сваіх сяброў” (Яна 15:13). Ісус памёр, каб мы маглі жыць. Калі мы даручаем сябе Ісусу, прымаючы Яго смерць як плату за нашыя грахі, то ўсе нашыя грахі дараваны і абмыты. У такім выпадку наш духоўны голад будзе задаволены. Святло будзе ўключана. У нас з’явіцца доступ да паўнавартаснага жыцця. Мы будзем ведаць нашага сапраўднага Сябра і добрага Пастыра. Мы будзем ведаць, што, пасля таго, як мы памром, мы ўваскрэснем для вечнага жыцця з Ісусам!

“Бо так палюбіў Бог свет, што аддаў Сына Свайго Адзінароднага, каб кожны, хто верыць у Яго, не загінуў, а меў жыццё вечнае” (Яна 3:16).

Ці прынялі вы рашэнне ў адносінах да Хрыста ў выніку таго, што вы прачыталі тут? Калі так, то, калі ласка, пстрыкніце па ссылцы “Я прыняў Хрыста сёння”, якая размешчана ніжэй.

English



Вяртанне на беларускамоўную дамашнюю старонку

Што такое план збаўлення?
Facebook icon Twitter icon Pinterest icon Email icon
© Copyright Got Questions Ministries