ميرے لئي كيهڑا مذهب چنگا اے؟
سوال: ميرے لئي كيهڑا مذهب چنگا اے؟
جواب:
چٹ پٹے تے مصالحے دار كھانے بنان والے هوٹل سانوں ساڈي پسند دياں شياواں كھان لئي دسدے نيں۔ بني بنائي كافي دياں وڈياں دكاناں بڑے فخر دے نال سو قسم دے ذائقے تے وكھرے وكھرے قسم دياں كافي بنان دياں نيں۔ جدوں مكاناں تے كاراں دي خريد كيتي جائے تے اسي اوهدياں هر طرح دياں خوبياں دے پاروں ديكھ بھال كردے آں جهيڑي شے سانوں چاهيدي اے۔ اسي چاكليٹ ، ونيلا تے سٹرابري دي ايس دنيا وچ بوهت دير تيكر زنده نهيں رهندے۔ پسند اك مالك وانگر اے تسي اپني پسند تے ضرورت دے مطابق هر شے حاصل كرنا چاهندے اوه۔
فير مذهب دے پاروں كيه جهيڑا صرف تهاڈ لئي چنگا هووئے؟ اجهے كوئي مذهب اے جهيڑا پچھتائوے توں پاك هووئے، كوئي مطالبه وي نه كرے، بوهت زياده تكليف ده تے بوهتي روك ٹوك وي نه كرے تے نه اي اوهدے قوانين بوهتے اوكھے هون۔ اے ساڈے آسے پاسے موجود نيں جيويں كے ميں پهلے دسيا اے ، پر كيه مذهب اينج اي اے جيويں تسي اپني پسند دي آئسكريم نوں پسند كردے اوه؟
ساڈے آسے پاسے بوهت سارياں آوازاں نيں جهيڑياں ساڈي توجه حاصل كرنا چاهندياں نيں، تے فير كيوں كوئي يسوع نوں اي ايناں وچوں اوچا جانے، جيويںمحمد يا كنفوشس، گوتم بدھ يا چارليس تزه رسل يا جوزف سمتھ؟فير وي اے سارياں راهواں آسمان تيكر نهيں لے كے جاندياں؟ كيه سارے مذهب اصل وچ اكو ورگے نهيں؟ سچائي اے كه سارے مذاهب آسمان تيكر نهيں لے كے جاندے جيويں سارياں سڑكاں انڈيانا نهيں لے كے جاندياں۔
صرف يسوع اي خدا دے اختيار دے نال كهندے نيں كيونجے صرف يسوع نے موت تے فتح پائي اے۔ محمد، كنفوشس تے دوجے پهلے دن توں اي اپنياں قبراں وچ سڑ گئے، پر يسوع، اپني طاقت تے زور دے نال، رومياں دے هتھوں بے رحم صيلبي موت دے تين دن بعد وي قبر توں باهر آگئے۔ انج كوئي وي اپني طاقت دے نال موت تے فتح پائے تے اوه ساڈا دھيان اپني ول حاصل كر ليندا اے۔ جهيڑا وي اپني طاقت دے زور دے نال موت تے فتح پائے ضرور اے كه اوهدي گل وي سني جائے۔
.يسوع دا مردياں وچ جي اُٹھنا بوهت وڈا ثبوت اے۔ پهلا، يسوع دے فير جي اُٹھن دے پانج سو توں وي بوهتے گواه نيں اے گواهواں دي اك بوهت وڈي تعداد اے۔ پانج سو آوازاں نوں نظر انداز نهيں كيتا جاسكدا۔ اوتھے نال اي خالي قبر وي اك ثبوت اے؛ يسوع دے مخالفين اوهدے مردياں وچ جي اُٹھن دي گل نوں بوهت آساني دے نال روك سكدے نيں اوهدے مرده جسم نوں لوكاں دے سامنے ليا كے، مرن والا جسم، پر اوهناں نوں اوتھے كوئي جسم نه مليا قبر خالي سي كيه رسولاں نے اوهدا جسم چوري كرلايا؟ بوهت مشكل اے۔ ايس طرح دے حادثاتي واقع نوں بچن لئي ، يسوع دي قبر دے هتھيار بند سپاهياں دا سخت پهره لگا هويا سي۔ اوهدے قريبي شاگرداں تے اوهناں دي نظر سي تے اوه اوهدے پھڑ جان تے صليب دے توں پهلاں اے اوتھوں نس گئے سن، اے هو اي نهيں سكدا كه اوه پريشان تے خوف زده ماهي گيراں دا ٹوله تربيت يافته سپاهياں دے نال لڑ ن لئي چلے گئے هون گے۔ ساده جهي حقيقت اے كه يسوع دا مردياں وچوں جي اُٹھن نوں وكھرا كركے سمجھايا نهيں جاسكدا
فير، جهيڑا كوئي وي اپني طاقت دے زور نال موت تے فتح پائے ضرور اے كے اوهدي سني جائے۔ يسوع نے اپني طاقت موت تے ثابت كيتي، ايس لئي، سانوں سنن دے لوڑ اے كے اوه كيه كهندا اے۔ يسوع اعلان كردا اے كه اوه اي مكتي دا اكو رسته اے ﴿يوحنا14باب6آيت﴾۔اوه اك راه نهيں؛ اوه بوهت سارے رستاں وچوں اك نهيں ، پر يسوع اي رسته اے۔تے ايهي يسوع كهندا اے، "اے محنت اُٹھان والوتے بھار دے نال دبے هوئے لوكو، سارے ميرے كول آئو۔ ميں تهانوں آرام دياواں گا"﴿متي 11باب28آيت﴾۔
.دنيا ظالم اے تے زندگي بڑي مشكل اے۔ ساڈے وچوں بوهت سارے لهو لهان ، چوٹ كھدے هوئے تے لڑياں دے نال داغ دار نيں۔ تسي متفق اوه؟ فير تسي كيه چاهندے اوه؟ بحالي يا صرف مذهب؟ اك زنده مكتي داتا يا بوهت سارے مرے هوئے "بنياں"وچوں اك؟ اك بامعني رشته يا اك فاتي تعلق؟ يسوع اك پسند نهيں۔ يسوع اي پسند اے
يسوع چنگا اے "مذهب"جے تسي معافي چاهندے اوه﴿اعمال10باب43آيت﴾۔يسوع چنگا اے "مذهب"جے تسي خدا دے نال اك بامعني رشته ركھنا چاهندے اوه﴿يوحنا10باب10آيت﴾۔يسوع چنگا اے "مذهب"جے تسي آسمان تے ابدي گھر چاهندے اوه﴿يوحنا3باب16آيت﴾۔يسوع مسيح تے ايمان ركھو كے اوه تهاڈا مكتي داتا اے۔ تهانوں كوئي پچھتائو نهيں هووئے گا اپنے پاپاں دي معافي لئي اوهدے تے يقين كرو۔ تهانوں مايوسي نهيں هووئے گي۔
جے تسي خدا دے نال اك "چنگا رشته"ركھنا چاهندے اوه، ايتھے اك ساده جهي دعا اے۔ياد ركھو، ايس دعا نوں پڑھن يا كسے هور دعا نوں پڑھن نال تهانوں مكتي نهيں مل سكدي ۔ صرف مسيح تے ايمان ليائواوه تهانوں تهاڈے پاپاں توں مكتي دے سكدا اے۔ اے دعا ساده جهيا اك رسته اے خدا دے نال تهاڈے ايمان دے اظهار دا تے اوهدا شكر كرو كه اوهنے تهانوں مكتي ديتي اے۔ "خداوند "ميں جاننا كه ميں تيرے خلاف پاپ كيتا اے تے ميں سزا دا حقدار آں۔ پر جيهڑي سزا دا ميں حقدار سي يسوع مسيح نے اوه سزا اپنے اُتے لے لئي پس اوهدے تے ايمان نال ميں معافي پا لئي اے۔ ميں اپنے پاپاں توں دور رهواں گا تے اپنا ايمان تهاڈے تے ركھاں گا اپني مكتي لئي۔ ميں شكر كرنا تهاڈے اجهے فضل تے بخشش دا۔ جهيڑا هميش دي حياتي دا تحفه اے آمين"۔
ستواں۔۔تسي جو كُج اتھے پڑھيا اے، كيه اوهدي لو وچ تسي مسيح لئي فيصله كيتا اے؟ جهے انج اے تے مهرباني كركے تھلے ديتے هوئے بٹن نوں دبائو "اج ميں مسيح نوں قبول كيتا اے"۔
چوتھا۔۔واپس پنجابي زبان دے پهلے صفحے تے
ميرے لئي كيهڑا مذهب چنگا اے؟
|
