كيه مرن دے بعد حياتي اے؟

سوال: كيه مرن دے بعد حياتي اے؟

جواب: كيه مرن دے بعد حياتي اے؟كلام پاك سانوں دسدا اے، "انسان جهيڑا جناني توں جميا اے تھوڑے دناں دا اے تے دكھ دے نال بھرا اے۔ اوه پھول وانگر نكلدا تے واڈ ديتا جاندا اے؛ اوه پرشاويں وانگر اُڈجاندا اے تے روك دا نهيں، جے بنده مرجائے تے كيه اوه فير زنده هوئے گا"﴿ايوب14باب1تا2اور14آيت﴾؟

ايوب وانگر ساڈے سارياں دا ايس سوال نال بڑا قريبي تعلق اے۔ كه ٹھيك مرن دے بعد ساڈے نال كيه هوندا اے؟ كيه اسي بڑي آساني دے نال مُك جاواں گے؟ كيه حياتي گومن والا اك بوها اے جيدے وچوں لنگ كه اسي زمين تے آنے تے جانے آں تے ايس راه چوں اسي اپنے لئي عزت وي حاصل كرنے آں۔ كيه هر كوئي اك اي وگري جگه تے جاندا اے، يا اسي وكھري وكھري جگه تے جانے آں؟ كيه اصل وچ آسمان تے دوزخ نيں، يا اے اك وچار اي اے۔

كلام پاك سانوں دسدا اے كه اوتھے صرف مرن توں بعد اي حياتي نهيں بلكه هميش دي حياتي اے جهيڑي بوهت وڈي تے عزت والي اے"۔۔۔جهيڑياں شياواں نه آكھاں نے ويكھياں نه كاناں نے سُنياں نه بنده دل وچ آئياں اوه سب خدا نے اپنے محبت كرن والياں لئي تيار كيتاں نيں"﴿1۔كرنتھيوں2باب9آيت﴾۔

يسوع مسيح ، مجسم خدا هويا، تے زمين تے سانوں هميش دي حياتي دا تحفه دين لئي آيا۔ "حالانكه اوه ساڈي غلطياں دے سببوں گھايل كيتا گيا تے ساڈي بدي دا كركے اوه كچليا گيا۔ ساڈي اي سلامتي لئي اوهدے تے سياست هوئي تانجو اوهدے مار كھان نال اسي شفا پائيے"﴿يسعيا53باب5آيت﴾۔

يسوع نے اوه سزا اپنے اُتے لے لئي جيدے اسي سارے حقدار سي تے اپني حياتي نوں قربان كرديتا۔ تيجے دن دے بعد ، اوهنے قبر وچوں زنده هوكے اپنے آپ نوں فتح مند ثابت كيتا، روح وچ جسم وچ۔ اوه اپنے هميش رهن والے آسماني گھر وچ چُكے جان توں پهلے زمين تے چالي دن تيكر رهياجيدے هزار ها گواه سي۔ روميوں4باب25آيت دسدي اے، "اوه ساڈے قصوراںلئي پھڑيا گيا تے سانوں چنگا بنان لئي جيوندا كيتا گيا"۔

مسيح دا مردياں وچوں جي اُٹھنا اك لكھي پڑھي گل اے۔ پولوس رسول نے اجهيے لوكاں دے سوالاں دا سامنا كيتا جهيڑے اس گل دي سچائي دے پكے گواه سي، تے اوهناں وچوں كوئي وي ايس سچائي دے سامنے نه ٹكياه ۔ مردياں وچ جي اُٹھنا اي مسيحي ايمان دي نيو اے؛ كيونجے مسيح مردياں وچوں جي اُٹھيا، اسي ايمان ركھ سكنے آں، كه اوه سانوں وي مردياں وچوں زنده كريگا۔

پولوس رسول نے پهلے مسيحياں نوں سمجھيا جهيڑے ايس گل تے يقين نهيں كردے سن: "پس جدوں مسيح دے اے منادي كيتي جاندي اے كه اوه مردياں وچوں جي اُٹھيا تے تهاڈے وچ كجھ كيويں كهندے نيں كه مردياں دي قيامت تے هے اي نهيں؟ جے مردياں دي قيامت نهيں تے مسيح وي نهيں جي اُٹھيا"﴿1۔كرنتھيوں15باب12تا13آيت﴾۔

صرف مسيح اي مردياں وچوں جي اُٹھن والياں وچ پهلوٹھا اے جينوں فير زنده كيتا گيا۔ جسماني موت آدم دے ذريعے آئي ، آدم ، جيدے نال اسي تعلق ركھنے آں۔ پر اوه سب جهيڑے خدا دے ٹبر وچ گود ليئے گئے نيں اوهناں نوں نويں حياتي يسوع مسيح تے ايمان ليان نال ديتي جائيگي﴿1۔كرنتھيوں15باب20تا22آيت﴾۔ اونج اي جيويں خدا نے يسوع مسيح نوں زنده كيتا، انج اي يسوع دے فير آئون تے سانوں زنده كيتا جائيگا﴿1۔كرنتھيوں6باب14آيت﴾۔

پاويں سانوں سارياں نوں زنده كيتا جائيگا، پر سارے كٹھے آسمان تے نهيں جان گے۔ هر بندے نوں ايس حياتي وچ اك موقع ديتا جائيگا جيدے توں اوه بنده يا بندي اپنے آپ دا جائزه لوئے گا كه ا وه هميش دي حياتي لئي كيتھے جان گے۔ كلام پاك دسدا اے كه سانوں اكو واري موت آئيگي، بعد وچ عدالت هووئے گي﴿عبرانيوں 9باب27آيت﴾۔جهيڑے لوك اپنے آپ نوں چنگا بناندے نيں اوه هميش دي حياتي لئي آسمان دي بادشاهي وچ داخل هون گے، پر بے ايمان هميش دي سزا لئي دوزخ وچ جان گے﴿متي 25باب46آيت﴾۔

دوزخ ، جيويں آسمان صرف اك وجود نوں اي نهيں بيان كردا، پر اے اك اصل جگه دے پاروں دسدا اے۔ اے اك جگه اے جيتھے بدكار لوك خدا دے هميش تے كدي نا ختم هون والے عذاب وچ آزمائش وچ رهن گے۔ اوه جان بوجھ كه دكھ تے شرم ، افسوس تے ذلت دے نال ، جذباتي ، ذهني تے جسماني عذاب سهن گے۔ دوزخ نوں دسدياه گيا اے جيويں ڈونگا ٹوياه﴿لوقا 8باب31آيت؛ مكاشفه9باب1آيت﴾،تے اك اگ دي جھيل ، گندھك دے نال جل دي هوئي، جيتھے رهن والے دن تے رات هميش لئي عذاب وچ رهن گے﴿مكاشفه20باب10آيت﴾۔ اوتھے رونا، داندا دا پيسنا هووئے گا، جو بوهت شرمندگي تے غصے نوں ظاهر كردا اے﴿متي13باب42آيت﴾۔اے اك جگه اے، "جيتھے اوهناں دا كيڑا نهيں مردا تے اك وي نهيں بجھ دي"﴿مرقس 9باب48آيت﴾۔"خداوند نوں شرير دے مرن نال كجھ خوشي نهيں، پر ايس توں اے كه شرير اپني راه توں باز آئے تے جيوندا رهے"﴿حزقي ايل33باب11آيت﴾۔پر اوه ساڈے توں زور دے نال فرمانبرداري نهيں كرواندا، پر اسي اوهنوں رد كرنے آں، اوه ساڈے تے نظر ركھدا اے پر جهناں شياواں دي سانوں لوڑ اے سانوں ديندا اے۔ پاويں اسي اوهدے توں دور رهيے۔

زمين تے حياتي اك آزمائش اے۔ كيه تياري اے كه كيه هون والا اے۔ خدا دي حضوري وچ ايمانداراں لئي تے اے هميش دي حياتي اے۔ پس اسي كيويں چنگے بن سكنے آں تے كيويں هميش دي حياتي پا سكنے آں؟ ايتھے صرف اك اي رسته اے۔ خدا دے پتر يسوع مسيح تے يقين تے ايمان ليانا۔ يسوع نے اكھيا، "يسوع نے اوهنوں اكھيا قيامت تے حياتي تے ميں آں۔ جهيڑا ميرے تے ايمان لياندا اے پاويں اوه مرجائے تے فير وي زنده رهوئے گا۔ تے جهيڑا زنده اے تے ميرے تے ايمان لياندا اے اوه كدي وي نهيں مرے گا۔۔۔"﴿يوحنا 11باب25تا26آيت﴾۔

هميش دي حياتي دا مفت تحفه هر كسے لئي موجود اے، پر اوه چاهندا اے كه اسي دنيا دياں خواهشاں نوں چھڈ ئيے تے اپنے آپ نوں خدا لئي وقف كر ئيے۔ "جهيڑا پتر تے ايمان لياندا اے هميش دي حياتي اوهدي اے۔ پر جهيڑا پتر دي نهيں من دا حياتي نوں نه ويكھيے گا، بلكه اوهدے تے خدا دا غضب رهندا اے"﴿يوحنا3باب 36آيت﴾۔سانوں اپني موت دے بعد اپنے پاپاں توں توبه كرن دا موقع نهيں ملے گا كيونجے جدوں اسي اك واري خدا نوں اپنے سامنے ويكھ لياه ، فير ساڈے كول اوهدے تے يقين كرن دے علاوه هور كوئي چاره نهيں هووئے گا۔ اوه چاهندا اے كه اسي هن اي اوهدے تے ايمان ليائيے تے پيار نال آئيے۔ جے اسي يسوع مسيح دي موت نوں قبول كرنے آں جيدے نال قيمت ديتي گئي ساڈي پاپ دے نال بھري هوئي بغاوت دي جهيڑي خدا دے خلاف سي۔ سانوں زمين تے صرف بامعني زندگي دي ضمانت اي نهيں ملدي، پر نال اي مسيح دي حضوري وچ دائمي حياتي وي ملدي اے۔

.جے تسي يسوع نوں اپنا مكتي داتا قبول كردے اوه، ايتھے اك دعا دا نمونه اے۔ ياد ركھو، ايس دعا نوں پڑھن يا كسے هور دعا نوں پڑھن نال تهانوں مكتي نهيں مل سكدي ۔ صرف مسيح تے ايمان ليائواوه تهانوں تهاڈے پاپاں توں مكتي دے سكدا اے۔ اے دعا ساده جهيا اك رسته اے خدا دے نال تهاڈے ايمان دے اظهار دا تے اوهدا شكر كرو كه اوهنے تهانوں مكتي ديتي اے۔ "خداوند "ميں جاننا كه ميں تيرے خلاف پاپ كيتا اے تے ميں سزا دا حقدار آں۔ پر جيهڑي سزا دا ميں حقدار سي يسوع مسيح نے اوه سزا اپنے اُتے لے لئي پس اوهدے تے ايمان نال ميں معافي پا لئي اے۔ ميں اپنے پاپاں توں دور رهواں گا تے اپنا ايمان تهاڈے تے ركھاں گا اپني مكتي لئي۔ ميں شكر كرنا تهاڈے اجهے فضل تے بخشش دا۔ جهيڑا هميش دي حياتي دا تحفه اے آمين"

ستواں۔۔تسي جو كُج اتھے پڑھيا اے، كيه اوهدي لو وچ تسي مسيح لئي فيصله كيتا اے؟ جهے انج اے تے مهرباني كركے تھلے ديتے هوئے بٹن نوں دبائو "اج ميں مسيح نوں قبول كيتا اے"۔

چوتھا۔۔واپس پنجابي زبان دے پهلے صفحے تے

كيه مرن دے بعد حياتي اے؟