ميں خدا كولوں كيويں معافي پا سكدا آں؟

سوال: ميں خدا كولوں كيويں معافي پا سكدا آں؟

جواب: اعمال 13باب38آيت اعلان كردي اے، "فير اے بھائيوںتهانوں پته اے كه اوهدے اي وسيلے دے نال تهانوں پاپاں توں معافي دا سنيا ديتا جاندا اے"۔

معافي كيه اے تے كيوں مينوں ايهدي لوڑ اے؟

حرف "معاف كرنا"دا مطلب اے شے نوں چنگي طرح دھو دينا، معاف كرنا، قرض نوں مُكا دينا۔ جدوں اسي دے نال برُا سلوك كرنے آں، اسي اوهدے كولوں معافي چاهونے آں تانجے اوهدے نال ساڈا ساكھ فير بن جائے۔ معافي كسے نوں بخشي نهيں جاسكدي كيونجے كجھ لوك ايهدے حقدار هوندے نيں كه اوهناں نوں معاف كيتا جائے۔

معاف كرنا اك پيارا تے سوهنا كم اے، رحم تے فضل اے۔ معافي ايك فيصله اے كے هن كوئي وي شے كسے دوجے دے خلاف باقي نهيں ركھني، اوهناں نيں تهاڈے نال كجھ وي كيتا هووئے۔

كلام پاك سانوں دسدا اے كه سانوں سارياں نوں خدا كولوں معافي دي لوڑ اے۔ اسي سارياں نے پاپ كيتا۔ واعظ 7باب20آيت وچ كيتا گيا اے، "كيونجے دھرتي تے اجهيا كوئي بنده نهيں جهيڑا چنگے كم اي كرے تے خطا نه كرے"۔ 1 يوحنا1باب 8آيت دسدي اے، "جے اسي كهيے كه اسي پاپي نهيں تے اپنے آپ نوں فريب دينے آں تے ساڈے وچ سچائي نهيں"۔ هر طرح دا پاپ خدا دے خلاف بغاوت اے ﴿زبور51باب4آيت﴾۔جس دي وجه توں سانوں خدا دے كولوں معافي دي لوڑ اے۔ جے ساڈ ے پاپ بخشے نهيں جاندے، تے اسي هميش دي سزا پاوا ںگے كيونجے اے اي ساڈي پاپ دا اخير اے ﴿متي 24باب46آيت، يوحنا3باب36آيت﴾۔

معافي۔۔۔ميں معافي كيويں پا سكنا آں؟

شكر دے نال، خدا پيار كرن ولا تے رحم دل اے۔ سانوں ساڈے پاپاں توں معافي دينا چاهوندا اے 2 پطرس3باب 9آيت سانوں دسدي اے، "۔۔۔خداوند اپنے وعده وچ دير نهيں كردا ، جيويں دي دير كجھ لوك سمجھدے نيں، بلكه اوه تهاڈے پاروں تحمل كردا اے ايس لئي كه كس دي هلاكت نهيں چاهوندابلكه اے چاهوندا اے كه سارياں دي توبه تك نوبت آئے"۔ خدا وند سانوں معاف كرنا چاهوندااے پس اوه سانوں معافي ديندا اے۔

ساڈے پاپاں دے سزا صرف موت اے۔ روميوں 6باب 23آيت دا پهلا حصه اعلان كردا اے، "كيونجے پاپ دي مزدوري موت اے۔۔۔"هميش لئي موت سانوں اپنے پاپاں دي وجه توں ملدي اے۔ خداوند اپنے كامل منصوبے وچ ايك انسان بنيا۔ يسوع مسيح ﴿يوحنا 1باب1اور 14آيت﴾۔ يسوع سولي اُتے مريا، اوه سزا اپنے اُتے لئي جهيدے اسي حقدار سي"موت"۔ 2 كرنتھيوں5باب 21آيت سانوں سكھلاندي اے، "جهيڑا پاپ توں واقف نه سي اوهنوں اي اوهنے ساڈے لئي پاپ ٹھهرايا تانجواسي اوهدے وچوں هوكے خدا دي راستبازي هو جائيے"۔ يسوع سولي اُتے مريا، اوه سزا اپنے اُتے لئي جهيدے اسي حقدار سي انج خدا يسوع دي موت دے نال ساري دنيا نوں ايهدے پاپاں توں مكتي ديندا اے۔ 1 يوحنا2باب 2آيت اعلان كردي اے، "تے اوهواي ساڈے پاپاں دا كفاره اے نه صرف ساڈے اي پاپاں دا بلكه ساري دنيا دے پاپاں دا وي "۔ يسوع مردياں وچوں جي اُٹھيا، اوه پاپ تے موت تے اپني جيت دا اعلان كردا اے ﴿1 كرنتھيوں15باب1تا 28آيت﴾۔ خداوند دے جے جے هووئے، يسوع مسيح دي موت تے فير جي اُٹھنے دے نال، روميوں 6باب 23آيت دا دوجا حصه ايس سچائي نوں دسدا اے، "۔۔۔پر خدا دي بخشش ساڈے خداوند يسوع مسيح وچ هميش دي حياتي اے"۔

كيه تسي چاهوندے اوه كے تهاڈے پاپ معاف كيتے جان؟ كيه تسي لوكاں وچوں كيڑے كڈن دے پاپ دا احساس ركھ دے اوه جيدے توں تسي كدي چھٹكارا پان دي كوشش وي نهيں كيتي؟ تهانوں تهاڈے پاپاں دي معافي مل سكدي اے جے تسي اپنا ايمان يسوع مسيح تے ركھو كه اوه تهاڈا مكتي داتا اے۔ افسيوں1باب7آيت دسدي اے ، "سانوں اوهدے لهو دے نال مكتي جيويں پاپاں دي معافي اوهدے اوس فضل دي دولت دے نال ملي اے"۔ يسوع نے ساڈا قرض چكا ديتا اے، ايس لئي اسي معافي پا سكنے آں۔ تهانوں سارياں نوں خدا نوں كهنا چاهيدا اے كه سانوں يسوع مسيح دي وجه توں معاف كردے تے يقين ركھنا چاهيدا اے كه اوهنے ساڈي معافي لئي اپني جان قربان كيتي اے۔ تے اوه تهانوں معاف كريگا يوحنا 3باب16تا17آيت ايس عجيب پيغام ركھدي اے، "كيونجے خدا نے دنيا دے نال اجهيي محبت ركھي كه اوهنے اپنا اكلوتا پتر بخش ديتا تانجے جهيڑا اوهدے تے ايمان ركھے مرے نه بلكه هميش دي حياتي پائے ۔ كيونجے خدا نے پتر نوں دنيا وچ ايس لئي نهيں كليا كه دنيا تے سزا دا حكم كرے بلكه ايس لئي كه دنيا اوهدے وسيلے نال مكتي پائے"۔

معافي۔۔۔كيه اے آصل وچ آسان اے؟

هاں اے آسان اے تسي خدا كولوں معافي لے نهيں سكدے۔ تسي خد انوں معافي لئي پيسے وي نهيں دے سكدے۔ تسي صرف اينوں پا سكدے اوه، ايمان دے نال، خدا وند دے فضل تے رحم دے نال۔ جے تسي يسوع نوں اپنا مكتي داتا قبول كرنا چاهوندے اوه تے خداكولوں معافي پانا چاهندے اوه، ايتھے دعا اے جهيڑي تسي خدا كولوں كرسكدے اوه۔ ياد ركھو، ايس دعا نوں پڑھنا يا كسے هور دعا نوں پڑھن نال تهانوں مكتي نهيں ملني۔ صرف مسيح تے ايمان ركھن كه اوه تهانوں تهاڈے پاپاں توں مكتي دے سكدا اے۔ اے دعا اك سدھا تے صاف رسته اے خدا دے نال گل كرن دا كه تهاڈا يمان اوهدے تے اے تے اوهدا شكر كرو كه اوهنے تهانوں مكتي ديتي اے۔ "خداوند"، ميں جانن آں كه ميں تيرے خلاف پاپ كيتا اے تے ميں سزا دا حقدار آں۔ پر جس سزا دا ميں حقدار سي يسوع مسيح نے اوه سزا اپنے اُتے لے لئي پس اوهدے تے ايمان ركھن توں ميں معافي پا لئي اے۔ ميں اپنے پاپاں توں كناره كرنا آں مكتي پان لئي۔ ميں شكر كرنا آں تهاڈے عجيب فضل تے بخشش دا ۔ جهيڑا هميش دي حياتي كا تحفه اے آمين"۔

ستواں۔۔تسي جو كُج اتھے پڑھيا اے، كيه اوهدي لو وچ تسي مسيح لئي فيصله كيتا اے؟ جهے انج اے تے مهرباني كركے تھلے ديتے هوئے بٹن نوں دبائو "اج ميں مسيح نوں قبول كيتا اے"۔

چوتھا۔۔واپس پنجابي زبان دے پهلے صفحے تے

ميں خدا كولوں كيويں معافي پا سكدا آں؟