كيه يسوع خدا اے؟ كيه يسوع نے كدي دعويٰ كيتا اے كه اوه خدا اے؟

سوال: كيه يسوع خدا اے؟ كيه يسوع نے كدي دعويٰ كيتا اے كه اوه خدا اے؟

جواب: يسوع نوں كدي وي كلام پاك وچ اينج دے لفظاں وچ نهيں لكھيا گيا كه "ميں خدا آں"۔ ايهدے باوجود ايهدے اے مطلب نهيں، اوهنے دعويٰ نهيں كيتا كه اوه خدا اے۔ "يسوع"دے لفظاں دي مثال لينے آںيوحنا10باب30آيت،"ميں تے پيو اك آں"۔پهلي نظر وي، اينج اي ويكھالي نهيں ديندا كه اوه خدا هون دا اعلان كردا اے۔ ايهدے الٹ ، اوهدے بيان تے يهودياں دے ردِ عمل ويكھيے، "چنگے كم دے سببوں نهيں بلكه كفر دے سببوں تينوں سنگسار كرنے آں تے ايس لئي كه تو بنده هوكه اپنے آ پ نوں خدا بنيا اے"﴿يوحنا 10باب33آيت﴾۔ يهودي سمجھدے سن كه يسوع دا بيان خدا هون دا دعويٰ اے۔ تھلے دتي هوئي آيات وچ يسوع يهودياں دے ايس وچار دي مذمت نهيں كردے، "ميں خدا هون دا دعويٰ نهيں كردا"۔ جو ظاهر كردا اے كه يسوع اصلي طور تے اعلانيه كهندے سن كه اوه خدا سن، "ميں تے پيو اك آں"﴿يوحنا10باب30آيت﴾۔ يوحنا8باب85آيت اك هور مثال اے، "يسوع نے اكھيا ، ميں تهانوں سچ سچ كهنا كه پيشتر ايس توں كه ابرا هام پيدا هوئے ميں آں"فير ايهدے جواب وچ، يهودياں نے يسوع نوں مارن لئي پتھر چُكے﴿يوحنا8باب59آيت﴾۔ كيونجے يهودي يسوع نوں سنگسار كرنا چاهندے سن جے اوه اينج نهيں كهندا جهيڑا اوهناں دے ايمان دے مطابق گستاخي سي، ناں لين نال، خدا هون دا دعويٰ؟

.وحنا1باب1آيت وچ كهندا اے "كلام خدا سي"۔ يوحنا1باب14آيت كهندا اے كه "كلام مجسم هويا"۔اے صاف طور تے ظاهر كردا اے كه يسوع اي انساني شكل وچ خدا اے۔ اعمال 20باب28آيت سانوں دسدي اے، "۔۔۔پس اپني تے ايس سارے گله دي خبرداري كرو جيدا روح القدس نے تهانوں نگهبان ٹھهرايا اے تانجو خدا دي كليسيا دي گله باني كرو جينوں اوهنے خاص اپنے خون دے نال مول لئيا اے۔ كينے كليسيا نوں اپنے خون نال خريديا اے؟ يسوع مسيح۔ اعمال 20باب28آيت اعلان كردي اے كه خدا نے كليسيا نوں خاص اپنے خون دے نال مول ليا اے۔ ايس لئي يسوع خدا اے

توما رسول يسو ع دے پاروں اعلان كردا اے، "اے ميرے خداوند اے ميرے خدا"﴿يوحنا 20باب28آيت﴾۔ يسوع نے اوهنے روكيا نهيں۔ ططس2باب13آيت ساڈا حوصله ودھاندي اے كه اسي انتظار كرئيه اپنے خداوند تے مكتي داتا دے آن دا۔ يسوع مسيح ﴿ديكھيں 2۔پطرس1باب1آيت﴾۔ عبرانيوں1باب8آيت وچ پيو يسوع دا اعلان كردا اے، "پر پتر دي بابت اوه كهندا اے كه ، اے خدا تيرا تخت ابدالآباد رهے گا تے تيري بادشاهي دا عصا راستي دا عصا اے"۔

مكاشفه وچ اك فرشته نے يوحنا رسول نوں صرف خدا دي عبادت كرن دي تعليم دتي﴿مكاشفه 19باب10آيت﴾۔كئي واري كلام پاك وچ يسوع عبادت نوں قبول كردا اے﴿متي2باب11آيت؛ 14باب33آيت؛ 28باب9اور17آيت؛ لوقا24باب52آيت؛ يوحنا9باب38آيت﴾۔اوهنے كدي وي ملامت نهيں كيتي جهيڑے اوهدي عبادت كردے نيں۔ جے يسوع خدا نهيں سي، اوه لوكاں نوں دس سكدا سي كه ميري عبادت نه كرو، جيويں فرشتے نيں مكاشفه وچ اكھيا۔ ايتھے بوهت سارے حوالے نيں جهيڑے يسوع نوں هميش رهن والا خدا ثابت كرن دي دليل ديندے نيں۔

سب توں بوهتي ضروري وجه يسوع دے خدا هون دي اے كه جے اوه خدا نهيں اے، اوهدي موت ناكافي اے ساري دنيا دے پاپاں دے كفاره ادا كرن لئي﴿1۔يوحنا2باب2آيت﴾۔ صرف خدا اي اے ايس بيش بها كفارے نوں ادا كرسكدا اے۔ صرف خدا اي دنيا دے پاپاں نوں چُك سكدا اے ﴿2۔كرنتھيوں5باب21آيت﴾،مرنا، تے جي اُٹھنا۔ اوهدي موت تے پاپ تے فتح نوں ثابت كردا اے۔

چوتھا۔۔واپس پنجابي زبان دے پهلے صفحے تے

كيه يسوع خدا اے؟ كيه يسوع نے كدي دعويٰ كيتا اے كه اوه خدا اے؟