هميش دي حياتي پائي جا سكدي اے؟

سوال: هميش دي حياتي پائي جا سكدي اے؟

جواب: كلام پاك هميش دي حياتي دا صاف تے سُچا ره وكھاندا اے۔ پهلاں سانوں اے جاننا چاهيے دا اے كه اسي سارياں نيں پاپ كيتا اے: "ايس لئي كے سارياں نيں پاپ كيتا تے خدا دے جلال توں واكھ هوگئے"﴿روميوں3باب23آيت﴾۔اسي اوهو سارے كم كيتے جهيڑے خدا نوں نا خوش كردے نيں، جهيڑے سانوں پاپي بناندے نيں۔ شروع توں ساڈے سارے پاپ هميش رهن والے خدا دے خلاف نيں، صرف هميش دي سزا اي ساڈے لئي بوهت اے۔ "كيونجے پاپ دي كمائي موت اے، پر ساڈے خدا دا رحم ساڈے خداوند يسوع مسيح وچ هميش دي حياتي هے"﴿روميوں6باب23آيت﴾۔

ايهد باجوں يسوع مسيح پاپ توں پاك صاف اے ﴿1۔پطرس2باب22آيت﴾،خدا دا هميش رهن والا پُتر بنده بنيا ﴿يوحنا 1باب1اور14آيت﴾تے ساڈے پاپاں لئي مريا۔ "پر خدا اپني محبت دي صفت سانوںانج وكھاندا اے كه جدوں اسي پاپي اي سي تے مسيح ساڈے لئي مريا"﴿روميوں5باب8آيت﴾۔يسوع مسيح نے سولي تے جان ديتي ﴿يوحنا19باب31تا42آيت﴾،جهيڑي سزا دے اسي حقدار سي اوه اوهنے اپنے اُتے سهي ﴿2۔كرنتھيوں5باب21آيت﴾۔ تينادِناں بعد اوه مُردياں وچوں اُٹھ پيا﴿1۔كرنتھيوں15باب1تا4آيت﴾، اوهنے پاپ تے موت تے جيت پائي۔"ساڈے خداوند يسوع مسيح دے خدا تے پيو دي جے جے هووئے جهنے يسو ع مسيح نوں مُردياں وچوں اُٹھ پين توں اپني چوكھي رحمت دے نال سانوں زنده اميد لئي نويں سرے توں پيدا كيتا ﴿1۔پطرس1باب3آيت﴾۔

ايمان دے نال اسي اصل وچ اپنے پاپاں توں دوري پا سكدے تے مكتي لئي مسيح دے ولمڑ سكدے آں﴿اعمال3باب19آيت﴾۔ جهے اسي اپنا پھروسه اوهدے اُتے ركھنے آ ں تے اوهدي سولي اُتے موت تے يقين ركھنے آں جهيڑي اوهنے ساڈے پاپاں دي معافي لئي ديتي تے انج سانوں وعده كيتي هوي هميش دي حياتي مل جاوے گي۔ "كيونجے خدا نے دنيا دے نال اجهي محبت كيتي كے اپنا اكلوتا پُتردے ديتاتانجے جهيڑا كوئي اوهدے تے ايمان لياوے هلاك نه هووے بلكه هميش دي حياتي پاوئے"﴿يوحنا3باب16آيت﴾۔

جے توں اپني زبان توں يسوع نوں خدامندا ايںتے اپنے دل توں ايمان لياويں كه خدا نے اهونوں مُردياں دے وچوں زنده كيتا اے تے توں مكتي پاويں گا"﴿روميوں 10باب9آيت﴾۔صرف اوس تے ايمان كه مسيح دا سولي اُتے مُكايا هويا كم اي هميش دي حياتي ول جان دا ره اے "كيونجے تانوں ايمان دے رايںفضل دے نال اي مكتي ملي اے تے اے تهاڈے ولوں نهيں خدا دي بخشش اے تے نه اے تهاڈے چنگے كماں دے سببوںتانجے كوئي مان نه كرے "﴿افسيوں2باب8تا9آيت﴾۔

جهے تسي يسوع مسيح مكتي داتا قبول كرنا چاوهندے اوه تے ايتھے اك دعا دا طريقه اے۔ ياد ركھو، ايس دعا نوں پڑھن نال يا ں كسے هور دعا نوں پڑھن نال تهانوں مكتي نهيں مل سكدي۔ صرف مسيح تے ايمان ليائو اوه تهانوں تهاڈے پاپاں توں مكتي دے سكدا اے۔ اے دعا ساده جهيه اك ره اے خدا دے نال تهاڈے ايمان دے اقرار دا تے اوهدا شكر كرو كه اوهنے تهانوں مكتي ديتي اے۔ "خداوند"، مينوں پته اے كه ميں تهاڈے خلاف پاپ كيتا اے تے ميں سزا دا حقدار آں۔ پر جس سزا دا ميں حقدار سي يسوع مسيح نے اوه سزا اپنے اُتے لے لئي ايس لئي ميں اوس تے ايمان ليان نال معافي پا لئي اے۔ ميں اپنے پاپاں توں منه موڑنا آں تے اپنا ايمان تيرے تے ركھنا آں اپني مكتي لئي۔ ميں شكر كرنا آں تهاڈے سمجھوں باهر فضل تے رحم دا۔ جهيڑا هميش دي حياتي دا تحفه اے آمين"۔

ستواں۔۔تسي جو كُج اتھے پڑھيا اے، كيه اوهدي لو وچ تسي مسيح لئي فيصله كيتا اے؟ جهے انج اے تے مهرباني كركے تھلے ديتے هوئے بٹن نوں دبائو "اج ميں مسيح نوں قبول كيتا اے"۔

چوتھا۔۔واپس پنجابي زبان دے پهلے صفحے تے

هميش دي حياتي پائي جا سكدي اے؟