settings icon
share icon
سوال

میں آپ ہتیا کیوں نہ کراں؟

جواب


میرے دل وچ خیال آؤندا اے تے میں وچار کرنا اوہناں لوکاں لئی جیہڑے اپنی حیاتی نوں آپ ہتیا راہیں مُکا دیندے نیں۔ جے تسیں ایس ویلے ایہہ وچار رکھدے او، ہو سکدا اے کہ ایہہ جذبات نال بھریاں گلاں ہون، جیویں نا امیدی تے مایوسی دا احساس۔ ہو سکدا اے کہ تسیں محسوس کرو کہ تسیں اک ڈونگھے ٹوئے وچ او، تے تسیں شک کرو کہ ایتھے آس دی کوئی جوت اے جیدہے نال سب کجھ ٹھیک ہو جائے گا۔ کوئی وی تہاڈی پرواہ نہیں کردا کہ تسیں کتھے او کتھوں آ رہے او۔ حیاتی جیوندے رہن دے قابل نہیں ۔۔۔ یاں ہے؟

بہت سارے لوکاں نے کئی واری جذبات دی وجہ توں کمزوری دا تجربہ کیتا ہوئے گا۔ میرے ذہن وچ سوال آؤندے سن جدوں میں جذبات دے ٹوئے وچ سی، "ایہہ کدی رب دی مرضی سی، جیہنے مینوں پیدا کیتا؟ "کیہ میری مدد لئی رب بہت چھوٹا اے؟" "کیہ میریاں مشکلاں اوہدے لئی بہت وڈیاں نیں؟"۔

میں تہانوں دسن لئی خوش آں کہ جے کجھ ویلے لئی غور کرئیے تے رب نوں اجازت دیو کہ اوہ ہن توں ای تہاڈی حیاتی وچ خدا اے، اوہ ثابت کرے گا کہ اوہ اصل وچ کنا وڈا اے "کیونجے جیہڑا قول رب ولوں اے اوہ کدی وی بے اثر نہ ہوئے گا" (لوقا 1 باب 37 آیت)۔ خورے حد توں بہتی ناپسندیدگی تے دستبرداری پرانے زخماں دا نتیجہ اے۔ جیہڑی تہانوں اپنے لئی ترس، غصہ، عدوات، انتقام دی سوچ یاں طریقے، بے جا خوف ول لے جان وغیرہ، جیہڑے تہاڈے بہت ضروری سانگیاں وچ مشکلات دی وجہ بن دی اے۔ فیر وی آپ ہتیا ساڈے پیاریاں تے جیہناں نوں اسیںں جذباتی طور تے کدی وی نقصان پچانا نہیں چاہواں گے اوہناں لئی تباہی تے بربادی لیاؤندی اے کہ اسیں اپنی حیاتی توں اوہناں دی باقی حیاتی نوں مُکا دینے آں۔

تسیں کیوں آپ ہتیا نہیں کردے؟ یار، کوئی مسئلہ نہیں کہ تہاڈی حیاتی وچ کیویں دیاں بریاں شیواں نیں، ایتھے محبت دا رب اے جیہڑا اڈیکدا اے کہ تسیں اوہنوں اجازت دیو کہ اوہ مایوسی دے ایس غار وچوں اک سرے توں دوجے سرے تک تہاڈی راہنمائی کرے تے اپنی نویکلی لو وچ تہانوں باہر لے جائے۔ اوہ تہاڈی یقینی امید اے۔ اوہدا ناں یسوع اے۔

ایہہ یسوع رب دا بے عیب پتر اے، اوہ پچھان کرواؤندا اے جدوں تسیں ذلت تے ناپسندیدگی دے ویلے وچ ہوندے او۔ یسعیاہ نبی لکھدا اے، "پر اوہ اوہدے آگے نویں پتر وانگ تے خشک دھرتی وچوں جڑھ وانگوں نکلدا اے۔ نہ اوہدی کوئی شکل و صورت اے نہ خوبصورتی تے جدوں اسیں اوہدے تے نظر پاؤنے آں تے کجھ خوبصورتی نہیں کہ اسیں اوہدے مشتاق ہوئیے۔ اوہ بندیاں وچ حقیر تے مردود۔ مرد غمناک تے غم دا پچھانن والا سی۔ لوکی اوہدے توں پراں سی اوہدی بے عزتی ہوئی تے اسیں اوہدی کجھ قدر نہ کیتی۔ تے فیر وی اوہنے ساڈے بار چُک لے تے ساڈے غماں نوں جریا۔ پر اسیں اوہنوں رب دا ماریا تے ستایا ہویا سمجھیا۔ بھاویں ساڈیاں غلطیاں سببوں اوہ پھٹڑ کیتا گیا تے ساڈی بدکرداری پاروں اوہ کُچلیا گیا۔ ساڈی ای سلامتی لئی اوہدے تے سیاست ہوئی تانجے اوہدے مار کھان نال اسیں شفا پائیے۔ اسیں سارے بھیڈاں وانگوں بھٹک گئے۔ ساڈے وچوں ہر کوئی اپنی اپنی راہ تے چلا گیا، پر رب نے ساڈے ساریاں دی بدکرداری اوہدے اُتے پا دتی" (یسعیاہ 53 باب 2 باب 6 آیت)۔

یار یسوع نے ایہہ سارا کجھ ایس لئی جریا کہ تسیں اپنے سارے پاپاں توں معافی حاصل کرو جیہناں وی پاپاں دا بھار تسیں اپنے نال لئی پھردے او، جانیئے کہ اوہ سانوں معاف کردا اے جے تسیں خاکساری دے نال اوہدے کولوں توبہ کردے او (اپنے پاپاں توں کنارہ کرکے رب ول آؤ)۔ "تے مصیبت دے دن میرے کولوں فریاد کر۔ میں تینوں چھڈاواں گا تے تو میرے تعریف کریں گا (50 زبور 15 آیت)۔ تسیں جو کجھ وی بہت برا کیتا اے اوہ یسوع دے ناں وچ معاف کردا اے۔ کلام پاک وچ اوہدے چُنے ہوئے خادماں نے بھارے بھارے پاپ کیتے نیں جیویں قتل (موسیٰ)، زناکاری (داؤد بادشاہ)، تے جسمانی تے جذباتی بدسلوکی (پولوس رسول)۔ فیر وی اوہناں نیں معافی پائی اے تے میں رب کولوں کثرت دے نال حیاتی پائی اے۔ "میری بدی نوں میرے کولوں دھو دے، تے میرے پاپ نوں میرے توں پاک کر دے" (51 زبور 2 آیت)۔ "ایس لئی جے کوئی مسیح وچ اے تے اوہ نویں مخلوق اے۔ پرانیاں شیواں جاندیاں رہیاں۔ ویکھو اوہ نویاں ہو گیاں" (2۔کرنتھیوں 5 باب 17 آیت)۔

تہانوں کیوں آپ ہتیا نہیں کرنی چاہیدی؟ یار، رب ٹٹے ہوئے نوں فیر بناؤن لئی موجود ہوندا اے ۔۔۔ یقینی، حیاتی جیہڑی تسیں رکھدے او، جیہڑی تسیں آپ ہتیا دے نال مُکا دینا چاہوندے او۔ یسعیاہ نبی کہندا اے: "رب دی روح میرے تے اے کیونجے اوہنے مینوں مسح کیتا کہ حلیماں نوں خوشخبری سناواں۔ اوہنے مینوں گھلیا کہ ٹٹے ہوئے دلاں نوں تسلی دیواں۔ قیدیاں نوں رہائی تے اسیراں نوں آزادی دا اعلان کراں۔ تانجے رب دے سال مقبول دا تے اپنے رب دے انتقام دے روز دا اشتہار دا تے سارے غمگیناں نوں دلاسے دا۔ صیہون دے غمزدہ لئی ایہہ مقرر کراں کہ اوہناں نوں سواہ دے بدلے سہرا تے ماتم دی تھاں تے خوشی دا روغن تے اداسیاں دے بدلے ستائش دی خلعت بخشاں تانجے اوہ سچائی دے رخ تے رب دے لائے کہواؤن کہ اوہدا جلال ظاہر ہوئے" (یسعیاہ 61 باب 1 توں 3 آیت)۔

یسوع دے کول آئیے، تے اوہنوں اجازت دئیے کہ اوہ تہاڈی خوشی تے فائدہ مندی نوں فیر بحال کرے جیویں ای تسیں اوہدے تے یقین کردے اوہ کہ اوہ تہاڈی حیاتی وچ اک نواں کم کرے "اپنی مکتی دی شادمانی میرے تے رکھ تے بالکل تیار روح دے نال مینوں سنبھال۔ اے رب میرے ہونٹاں نوں کھول دے تے میرے منہ توں تیری ستائش نکلے گی کیونجے قربانی وچ تیری خوشی نہیں ورنہ میں دین دا۔ سوختنی قربانی توں تینوں کجھ خوشی نہیں۔ شکستہ روح رب دی قربانی اے۔ اے رب توں شکستہ تے ٹٹے ہوئے دل نوں حقیر نہ جانیں گا" (51 زبور 12 آیت، 15 توں 17 آیت)۔

کیہ تسیں رب نوں اپنی مکتی داتا تے چروال قبول کرو گے؟ اوہ تہاڈے خیالاں تے قدماں دی راہنمائی کرے گا، ہر دن ہر ویلے اپنے کلام دے ذریعے، کلام پاک۔ "میں تینوں تعلیم دیواں گا تے جیہڑی راہ تے تینوں چلنا ہوئے گا تینوں دساں گا۔ میں تینوں صلاح دیاں گا۔ میری نظر تیرے تے ہوئے گی" (32 زبور 8 آیت)۔ "تے تیرے زمانے وچ امن ہوئے گا۔ مکتی تے حکمت دی بہتات ہوئے گی۔ رب دا خوف اوہدا خزانہ اے" (یسعیاہ 33 باب 6 آیت)۔ مسیح وچ، ہن وی تسیں کوشش کرو گے، پر ہن تہاڈے کول امید اے۔ اوہ اے "پر ایہو جہیا یار وی اے جیہڑا بھائی توں بہتی محبت کردا اے" (امثال 18 باب 24 آیت)۔ تہاڈے فیصلہ کرن دے ویلے رب یسوع دا فضل تہاڈے نال ہوئے گا۔

جے تسیں یسوع مسیح نوں اپنا مکتی داتا بنن تے یقین کرنا چاہوندے او، ایہہ لفظ اپنے دل وچ رب دے نال بولو۔ "اے رب، مینوں حیاتی وچ تہاڈی لوڑ اے۔ میں جو کجھ وی کیتا اے مہربانی کرکے مینوں معاف کرو۔ میں یسوع تے ایمان رکھدا تے یقین رکھداں کہ اوہ میرا مکتی داتا اے۔ مہربانی کرے مینوں پاک تے صاف کرو، مینوں شفا دیو، تے میری حیاتی وچ خوشی نوں بحال کرو۔ میں شکرگذار آں تہاڈے پیار لئی تے یسوع دی موت لئی جیہڑی اوہنے میرے لئی قبول کیتی"۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

English



پنجابی دے مڈھلے صفحے تے جاؤ

میں آپ ہتیا کیوں نہ کراں؟
Facebook icon Twitter icon Pinterest icon Email icon
© Copyright Got Questions Ministries