مسیحیت وچ نویں سریوں جمن دا کیہ مطلب اے؟




سوال: مسیحیت وچ نویں سریوں جمن دا کیہ مطلب اے؟

جواب:
مسیحیت وچ نویں سریوں جمن دا کیہ مطلب اے؟ سچی راہ کلام پاک ولوں اے جیہڑی ایہناں سوالاں دا جواب دیندی اے یوحنا 3 باب 1 توں 12 آیت۔ خداوند یسوع مسیح نیکدیمس نال گلاں کردے نیں، ایک خاص فریسی تے یہودیاں دی مجلس دا رکن (اک یہودی حاکم)۔ نیکدیمس رات نوں یسوع دے کول گیا۔ نیکدیمس نے یسوع نوں سوال کیتا۔

یسوع نیں نیکدیمس نال انج گل کیتی، اوہنے آکھیا "۔۔۔ یسوع نے جواب وچ اوہنوں آکھیا میں تینوں سچ سچ کہناں کہ جدوں تیکر کوئی نویں سریوں نہ جمے گا اوہ رب دی بادشاہی نوں ویکھ وی نہیں سکدا۔ نیکدیمس نے اوہنوں آکھیا کہ بندہ جدوں بڈھا ہو جاندا اے تے فیر کیویں پیدا ہو سکدا اے؟ کیہ اوہ فیر اپنی ماں دی کُکھ وچ وڑ کے جمے گا؟ یسوع نے جواب دتا کہ میں تینوں سچ سچ کہنا آں جدوں تیکر کوئی بندہ پانی تے روح توں فیر پیدا نہ ہووے اوہ خدا دی بادشاہی وچ داخل نہیں ہو سکدا۔ جیہڑا پنڈے توں جمیا اے اوہ پنڈا اے، تے جیہڑا روح توں جمیا اے اوہ روح اے۔ حیران نہ ہو کہ میں تینوں آکھیا اے کیہ تینوں نویں سرے توں جمنا پوے گا۔۔۔" (یوحنا 3 باب 3 توں 7 آیت)۔ حرف "نویں سریوں جمنا" دے لغوی معانی نیں "اُتوں پیدا ہونا"۔ نیکدیمس نوں اصل وچ ایہدی لوڑ سی۔ اوہ اپنے دل نوں روحانی طور تے بدلنا چاہوندا سی۔ نویں پیدائش، نویں سرے توں جمنا، اک اجیہا کم اے جیہدے توں خداوند ایمان لیاؤن والے بندے نوں ہمیش دی حیاتی دیندا اے (2۔کرنتھیوں 5 باب 17 آیت؛ ططس 3 باب 5 آیت؛ 1۔پطرس 1 باب 3 آیت؛ 1۔یوحنا 2 باب 29 آیت، 3 باب 9 آیت، 4 باب 17 آیت، 5 باب 1 توں 4 آیت اتے 18 آیت)۔ یوحنا 1 باب 12 توں 13 آیت اشارہ کردی اے کہ "نویں سریوں جمنا" اس خیال دے نال نال چلدا اے کہ "خدا دے بال بن جانا" یسوع مسیح دے ناں تے ایمان لیاؤن دے نال ۔

منطقی طور تے ایہہ سوال اُٹھدا اے، "اک بندے نوں نویں سریوں جمن دی کیویں لوڑ اے؟" پولوس رسول افسیوں 2 باب 1 آیت وچ کہندا اے "تے اوہنے تہانوں وی جیوندا کیتا کہ، جدوں اپنے قصوراں تے پاپاں دے سببوں مردہ سی۔۔۔" رومیوں 3 باب 23 آیت وچ رسول لکھدا اے، "ایس لئی کے ساریاں نے پاپ کیتا تے رب دے جلال توں وانجھے نیں"۔ بس، اک بندے نوں چاہیدا اے کہ جیہڑا اپنے پاپاں دی معافی لئی نویں سریوں جمے تے رب دے نال سنگا رکھے۔

ایہہ کیویں ہو سکدا اے؟ افسیوں 2 باب 8 اتے 9 آیت دسدی اے، "کیونجے تہانوں ایمان دے وسیلے فضل دے نال ای مکتی ملدی اے، تے ایہہ تہاڈے ولوں نہیں خدا دے بخشن تے اے۔ تے نہ ای کماں دے سببوں تانجو کو ئی مان نہ کرے"۔ جدوں کوئی مرد یاں عورت نویں سرے توں جم کے مکتی پا لیندا اے تے اوہ روحانی طور تے نویں سرے توں جم پیندا اے، تے اوہ نویں پیدائش دی وجہ توں خدا دا بال اے۔ یسوع مسیح تے ایمان لیاؤن نال، اوہنے صلیب تے جان دے کے پاپ دا کفارہ دے دتا، کیہ ایہدا مطلب اے کہ روحانی طور تے "نویں سریوں جمنا " اے۔ "ایس لئی جے کوئی مسیح وچ اے تے اوہ نویں مخلوق اے۔۔۔ " (2۔کرنتھیوں 5 باب 17 آیت)۔

جے تسیں یسوع مسیح تے ایمان نہیں رکھدے کہ اوہ تہاڈا مکتی داتا اے، کیہ تسیں کدی ایس گل تے سوچ وچار کیتا اے کہ پاک روح تہانوں ہلاؤندی اے کہ تسیں اوہنوں اپنے دل وچ گل کردے ہوئے پاؤ۔ تہانوں نویں سریوں جمن دی لوڑ اے۔ کیہ تسیں اج ای توبہ لئی تے مسیح وچ اک نویں مخلوق بنن لئی دعا کرو گے ؟"پر جنیاں نیں اوہنوں قبول کیتا اوہنے اوہناں نوں خدا دے پُتر بنن دا حق دیتا یعنی اوہناں نوں جیہڑے اوہدے ناں تے ایمان لیائے نیں۔ اوہ نہ لہو، نہ پنڈے دی تانگھ ، نہ انسان دے ارادہ نال سگوں خدا توں پیدا ہوئے نیں" (یوحنا 1 باب 12 توں 13 آیت)۔

جے تسیں یسوع مسیح نوں اپنا مکتی داتا قبول کردے او تے نویں سریوں جمنا چاہوندے او، ایتھے دعا اے۔ یاد رکھو، اس دعا نوں پڑھن نال یاں کسے ہور دعا نوں پڑھن نال تہانوں مکتی نہیں مل سکدی۔ اُکا مسیح تے ایمان لیاؤن نال، اوہ تہانوں تہاڈے پاپاں توں مکتی دے سکدا اے۔ ایہہ دعا سادہ جیہا اک رہ اے خدا دے نال تہاڈے ایمان دے وکھالے دا تے تسیں اوہدا شکر وی کر سکدے اوہ کہ اوہنے تہانوں مکتی دتی۔ "ربا"، میں جان دا آں کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی پس اوہدے تے ایمان لیاؤن دے نال میں معافی پائی اے۔ میں اپنے پاپاں توں کنارہ کردا آں تے اپنا ایمان تیرے تے رکھدا آں اپنی مکتی لئی۔ میں شکر ادا کرنا تہاڈے اجیہے فضل تے بخشش دا۔ جیہڑا ہمیش دی حیاتی دا تحفہ اے آمین"۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔



پنجابی دے مڈھلے صفحے تے جاؤ



مسیحیت وچ نویں سریوں جمن دا کیہ مطلب اے؟