Epulilo:
Ca lomboloka ndati oku tava Yesu Kilistu Ndonjovoli yove?
Etambululo:
¿Ove watava Yesu Kilistu Ndonjovoli yove? Oco o kwate elomboloko lya swapo lyepulilo eli, ove wa sesamela tete oku kwata elomboloko lyolondaka “Yesu Kilistu,” “Covemwele, Comunu”, kwenda “Onjovoli.”
Yesu Kilistu eye helye? Omanu valwa veya va limbuka pamwe oku kuliha Yesu Kilistu ndomunu umwe uwa, ulongisi unene pamwevo ndupolofeto wa Suku. Ovina evi vyosi vyavo vya vangula ocili kweci ca tyamela ku Yesu, pwãyi ovyo ka vi lombolola ca swapo ca tyamela kweci okuti oco ocili Yesu Kilistu. Embimbiliya li tu lombolwila okuti Yesu Kilistu eye Suku vositu, , Suku vetimba lyomunu (vanja Yoano 1:1, 14). Suku weya kulo kilu lyeve oku tu longisa, oku tu kayisa, oku tu lungula, oku tu ecela – kwenda wa tu fila! Yesu Kilistu eye Suku, Usovoli, Ñala Ukuonene. Ove watava ale ku Yesu u?
Onjovoli oco nye , kwenda nye tu sukilila Onjovoli? Embimbiliya li tu lombolwila okuti etu vosi twa sina pamwe twa linga akandu. Etu vosi twa linga ovilinga vivi (Va Roma 3:10-18). Eci ca imila kakandu etu, oku sesamela onyeño ya Suku lesombiso lyaye. Ekangiso limosi lya swapo koku sinila Suku ka pwi enda ño hu, ekangisovo ka lipwi li enda ño hu (Va Roma 6:23; Esituluilo 20:11-15). Eci oco etu tu sukilila Onjovoli!
Yesu Kilistu weya kilu lyeve kwenje wa tu fila. Olofa vya Yesu vya linga ofeto yimwe yenda hũ omo lyakandu etu (2 Va Korindo 5:21). Yesu wa fila oku feta ekangiso lyakandu etu (Va Roma 5:8). Yesu wa feta ondando oco etu ka tu ka yi fete. Epinduko lya Yesu kolofa lya lekisa okuti olofa Vyaye vya tela vya swapo poku feta ekangiso lyakandu etu. Eci oco ci kasilili okuti Yesu eye lika Onjovoli (Yoano 14:6; Ovilinga 4:12)! ¿Ove wa kolela Yesu ndonjovoli yove?
¿Yesu Eye Onjovoli “yove”? Omanu valwa va sima okuti Etavo Lya Kilistu oku enda konembele, oku kwama olonoha lovina vikwavo , kwenda /pamwe oku yuvula akandu amwe. Eci hacoko ca lomboloka Etavo Lya Kilistu. Etavo lya Kilistu lyocili ukamba wocili womunu la Yesu Kilistu. Oku tava Kilistu Ndonjovoli yove mwele, ca lomboloka oku kapa ekolelo lyove mwele Kokwaye loku U kolela. Lomwe o popeliwa lekolelo lya vakwavo. Lomwe eceliwa omo lyoku linga ovina vimwe. Onjila yimosi lika yoku popeliwa omunu eye mwele oku kolela Yesu Kilistu Ndonjovoli yove, oku kolela olofa vyaye ndofeto yakandu etu kwenda epinduko lyaye ndonjeke yove yomwenyo kopwi (Yoano 3:16). ¿Yesu eye Onjovoli yove?
Nda o yongola oku tava ku Yesu Kilistu Ndonjovoli yove, popya la Suku olondaka vilo. Ivaluka okuti oku twala ohutililo eyi pamwe ohutililo yimwe yikwavo ka cu ku yovola. Te lika oku tava ku Yesu Kilistu kwenda kupange Waye a ku malelelela Kekulusu oco a tela oku ku yovola kakandu. Ohutililo yilo ya linga lika onjila yoku lekisa ku Suku ekolelo lyove Kokwaye kwenda oku U pandwila omo a ku angiliyilila eyovo. “A Suku nda kuliha okuti nda ku lweyela kwenje nda posokela ekangiso. Pwãyi nda kolela okuti Yesu Kilistu wopa ekangiso lya mosokelele oco okuti lekolelo Vokwaye ca tava okuti ame ngeceliwa. Ame nambula ocali cove congecelo kwenje ñapa ekolelo lyange Vokwove oco mopeliwe. Nambula Yesu Kilistu Ndonjovoli yange! Ndapandula ocali cove longecelo yove vi komohisa – ovyali vyomwenyo kopwi! Amen!”
Wa nõlapo oku kwama Kilistu omo lyeci wa tanga palo? Nda oco, linga ohenda yoku lamba pokambutawũ ka kasi vemehi “Nda tava Kilistu etali”.
English
Ca lomboloka ndati oku tava Yesu Kilistu Ndonjovoli yove?