Epulilo:
Wa tambula ongecelo? Nambula ndati ongecelo ya Suku?
Etambululo:
Ovilinga 13:38 hati: “Oco akuetu, limbuki okuti komunu waco oko ku u sapuilui ongecelo yakandu.”
Ongecelo oyo nye kwenda nye ndi yi sukilila?
Ondaka “Ecela” ya lomboloka oku pwenya utale oco u yele, oku ecela, oku imula pamwe oku ecela ofuka. Nda twalweyela umwe, tu vanja ongecelo yaye oco umanji u tumbulwiwe. Ongecelo ka yeciwilaño omo omunu wa sesamela oku eceliwa. Kakuli omunu wa sesamela oku eceliwa. Ongecelo elinga limwe lyocisola, lyohenda kwenda ocali. Ongecelo oku nõla oku likandangiya oku lingila omunu ukwavo cimwe civi, ndaño wa ku lweyela.
Embimbiliya li tu lombolwila hati vosi yetu tu sukila oku eceliwa la Suku. Vosi yetu twa linga ekandu. Ukundi 7:20 hati: “Ocili ka kuli ukuesunga kilu lieve okuti o lingainga esunga kuenje ka lueya.” 1 Yoano 1:8 hati: “Nda tu popia tuti, Ka tu kuete akandu, tu lilimbika, kuenda Ocili vitima vietu ka cimo.” Akandu osi oku sulako pamwe oku teta onimbu a linga elinga lyoku sinĩla Suku (Osamo 51:4). Cimilako pamwe esulilo lyaco lyeli lyokuti etu vosi lekambo lyelavoko tu sukila ongecelo ya Suku. Nda akandu etu ka a eceliwa, etu tu ka pesela otembo yosi loku talela ohali apako akandu etu (Mateo 25:46; Yoano 3:36).
Ongecelo – Nela oku yi sanga ndati?
Lolopandu, Suku ukwacisola haye ukwahenda – wa yanga loku ecela akandu etu! 2 Petulu 3:9 li tu lombolwila hati: “…Ñala ka livala lohuminyo yaye ndeci vamue va tukula vati, Oku livala, puãi o pandikisa lene, momo ka yongola okuti umue o nyõleha, puãi o yongola okuti vosi va likekembela akandu avo.” Suku o yongola oku tu ecela, omo lyaco Eye wa tu angiliyila ongecelo yetu.
Ekangiso limosi lika lya lisoka lakandu etu okufa. Onepa ya tete ya Va Roma 6:23 yi lombolola hati: “Momo onima yekandu okufa….” Olofa vyenda ño hu ovyo etu twa sesamelele omo lyakandu etu. Suku, voku sokiya kwaye kuwa, wa linga, wa lipongolola omunu – Yesu Kilistu (Yoano 1:1, 14). Yesu wa fila kekulusu, wa tambula ekangiso lya tu sesamelele – okuti okufa. 2 Va Korindo 5:21 ci tu longisa hati: “Una ka kulihile ekandu Suku wo linga ekandu mekonda lietu, okuti vokuaye tu lingiwa esunga lya Suku.” Yesu wa fila kekulusu loku tambula ekangiso twa sesamela! Omo eye Suku, olofa vya Yesu vya nena ongecelo yakandu olwali lwosi. 1 Yoano 2:2 yi sandeka hati: “Eye ocitundasonde cakandu etu, puãi akandu etu ha-oko lika, te la-a oluali luosi.” Yesu wa pinduka kolofa loku sandeka eyulo lyaye kekandu lo kokufa (1 Va Korindo 15:1-28). Pandu pandu ku Suku, lolofa kwenda epinduko lya Yesu Kilistu, onepa yavali ya Va Roma 6:23 ya linga mwele ocili “…puãi ocali ca eciwa la Suku oco omuenyo kopui vu Kristu Yesu Ñala yetu.”
Ove o oyongola oku kwata ongecelo yakandu ove? Okasi loku liyeva ndomunu okasiño leko okuti ku lete ndomo o tundamo? Ongecelo yakandu ove yu ku tayĩlili nda o kapa ekolelo lyove ku Yesu Kilistu Ndonjovoli yove. Efeso 1:7 hati: “V Omõlaye, okuti vosonde YOmõlaye, omo tu kuetele eyovo longecelo yakandu. Via tunda kokulua kuocali caye.” Yesu wa tu fetelako ofuka yetu, oco etu tu eceliwe. Cosi ove wa sesamela oku linga oku pinga ku Suku oku ku ecelela vu Kilistu poku tava okuti Yesu Kilistu wa fa ha feti ongecelo yove – kwenje Eye o laika oku ku ecela! Vo Yoano 3:16-17 muli ondaka eyi ya fina yiti: “Omo Suku a sola ndoco oluali, oco a ecela Omõlaye wongunga okuti wosi u kolela ka fi, puãi o mola omuenyo kopui. Momo Suku ka tumilile Omõla voluali oku pisa oluali, wo tumila okuti oluali lu popeliwa laye.”
Ongecelo – anga oyo ya leluka?
Oco ya leluka! Ove ku tela oku yi sesamela pamwe oku yi tambula ku Suku. Ove ku tela oku feta ongecelo ku Suku.
Ove o tela lika oku yi tambula, lekolelo, kwenje caco eci ci lingiwa locali kwenda ohenda ya Suku. Nda ove o yongola oku tambula Yesu Kilistu ndonjovoli yove loku tambula ongecelo ya Suku, palo tu kwete ohutililo wa sesamela oku twala. Oku linga ohutililo yilo pamwe ohutililo yimwe yikwavo ka ciya ka cu ku yovola. Te lika oku kolela Yesu Kilistu oco ceca ongecelo yakandu. Ohutililo yilo ya linga lika onjila yoku lekisa ku Suku ekolelo lyove Kokwaye loku u pandwila omo lyoku ku iha ongecelo. “A Suku ame nda kuliha okuti nda ku lweyela kwenje nda sesamela ekangiso. Pwãyi Yesu Kilistu wa tambula ekangiso lya tu sesamelele oco ame lekolelo Vokwaye ngeceliwe. Ame ñapa ekolelo Vokwove oco mopeliwe. Mandwila ocali cove ci komohisa kwenda ongecelo yaco! Amen!”
Wa nõlapo oku kwama Kilistu omo lyeci wa tanga palo? Nda oco, linga ohenda yoku lamba pokambutawũ ka kasi vemehi “Nda tava Kilistu etali”.
English
Wa tambula ongecelo? Nambula ndati ongecelo ya Suku?