Epulilo:
Okwete omwenyo Kopwi?
Etambululo:
Embimbiliya li lekisa onjila ya lomboloka, ya yela yo komwenyo kopwi. Tete, twa sesamela oku limbuka okuti etu twa sinila Suku: “Vosi va linga akandu, kuenje va lipumbisa ulamba wa Suku” (Va Roma 3:23). Etu vosi twa linga ovina ka vya sungulukile kovaso a Suku kwenje ovina vyaco vi tu kokela ekangiso. Omo akandu etu osi oku sulako a lingiwila Suku, omo lyaco te vo lika ekangiso lyenda hu olyo li t~ela. “Momo onima yekandu okufa puãi ocali ca eciwa la Suku oco omuenyo kopui vu Kristu Yesu Ñala yetu” (Va Roma 6:23).
Haimo lumwe, Yesu Kilistu, u ka kwete akandu (1 Petulu 2:22), Omõla a Suku otembo yenda hu, wa linga omunu (Yoano 1:1, 14) kwenje wa fa oku feta ekangiso lyetu. “Puãi Suku wa tu muisa ocisola caye okuti, osimbu tua kala vakuakandu oco Kristu a tu fila.” (Va Roma 5:8) Yesu Kikistu wa fila kekulusu (Yoano 19:31-42) loku tambula ekangisolya tu sesamelele (2 Va Korindo 5:21). Kovaso yoloneke vitatu eye wa pinduka kolofa (1 Va Korindo 15:1-4) loku lekisa eyulo lyaye kekandu lo kokufa. “Suku, Isia ya Ñala yetu Yesu Kristu, a sivayiwe. Tua citiwa evali lohenda yaye yalua, kuenje, omo Yesu Kristu a pinduiwa kuava va fa, oco tu kuete elavoko li kasi lomuenyo” (1 Petulu 1:3).
Lekolelo, twa sesamela oku pongolola ovisimilo vyetu kweci ci tyamela ku Kilistu – Eye eye helye, nye A linga, kwenda nye a ci lingila – wa ci lingila eyovo (Ovilinga 3:19). Nda tu kapa ekolelo lyetu Vokwaye, loku kolela okuti olofa Vyaye kekulusu vya feta akandu etu, et utu ka eceliwa kwenda tu tambula ohuminyo yomwenyo kopwi kovailu. “Omo Suku a sola ndoco oluali, oco a ecela Omõlaye wongunga okuti wosi u kolela ka fi, puiãi o mola omuenyo ko pui” (Yoano 3:16). “Momo, nda o popia lomela wove, huti, Yesu eye Ñala, kuenda o kolela lutima wove okuti Suku wo pindula kuava va fa, o popeliwa” (Va Roma 10:9). Ekolelo lika lyalyo vupange wa maliwa wa Kilistu kekulusu oyo lika onjila yocili yi tu twala komwenyo kopwi! “Wa popelui ocali omo wa kaili. Ka wa kaili lekolelo. Ka wa ci lingili ene muele puãi ca tunda ocali ku Suku. Ka ceyilile ovilinga sanga umue o lipanda” (Va Efeso 2:8-9).
Nda ove o yongola oku tambula Yesu Kilistu ndonjovoli yove, palo tu kwete ocindekase cimwe cohutililo. Ivaluka okuti, oku tukula pamwe oku twala ohutililo yilo pamwe ohitililo yimwe yikwavo hacoko cu ku yovola. Te lika oku kolela Yesu oko ku ku yovola kekandu. Ohutililo yilo ya linga lika onjila yoku lekisa ku Suku ekolelo lyove Kokwaye loku u pandwila omo a ku angiliyila eyovo lyove. “A Suku, nda kuliha okuti ame nda ku lingila ekandu kwenda nda sesamela ekangiso, pwãi Yesu Kilistu wa tambula ekangiso nda sesamelele oco okuti lekolelo Vokwaye ame ngeceliwa. Ame ñapa ekolelo lyange vokwove oco njovoke. Ndi pandwila calwa ocali cove ci komohisa kwenda ongecelo –ocali comwenyo kopwi! Amem!”
Wa nõlapo oku kwama Kilistu omo lyeci wa tanga palo? Nda oco, linga ohenda yoku lamba pokambutawũ ka kasi vemehi “Nda tava Kilistu etali”.
English
Okwete omwenyo Kopwi?