Epulilo:
Ame nda kapa ekolelo lyange ku Yesu… kaliye nye?
Etambululo:
Mbambamba! Ove wa sima cimwe ci pongolola omwenyo! Pamwe okasi loku pula, “Kaliye nye ndinga? ¿N~ela oku fetika ndati ungende wange la Suku?” Ananga atãlo a tukwiwa ndeti vemehi a ka ku iha esongwilo oku upisila Vembimbiliya. Nda wa sanga apulilo vungene wove, linga ohenda yoku nyula www.GotQuestions.org
1. Kapelako okuti eyovo lya ku lomboloka.
1 Yoano 5:13 ci tu lombolwila hati: “Eci ndu ci soneheli ene wa koleli onduko ya Mõla a Suku. Ndu soneheli oco vu kulihe okuti vu kuete omuenyo kopui.” Suku o yongola okuti eyovo li tu lomboloka. Suku o yongola okuti tu kwata ocili coku kuliha okuti ocili etu twa popeliwa. Cilo, tu kulihisa atosi a linga osapi yeyovo:
(a) Vosi yetu twa linga akandu. Vosi twa linga ovina ka vya sungulukile kovaso a Suku (Va Roma 3:23).
(b) Omo lyakandu etu, tu posokela oku kangisiwa loku litepa la Suku otembo ka yi pwi (Va Roma 6:23).
(c) Yesu wa fila kekulusu oku feta ekangiso lyakandu etu (Va Roma 5:8; 2 Va Korindo 5:21). Yesu wa fila pomangu yetu loku tambula ekangiso lya tu sesamelele. Epinduko lyaye lya lekisa okuti olofa vya Yesu vya t~ela oku feta akandu etu.
(d) Suku eca ongecelo leyovo ku vosi va kapa ekolelo lyavo ku Yesu – loku kolela okuti olofa Vyaye vi feta akandu etu (Yoano 3:16; Va Roma 5:1; Va Roma 8:1).
Eyi oyo ondaka yeyovo! Nda ove wa kapa ekolelo lyove ku Yesu Kilistu Ndonjovoli yove, ove wa popeliwa! Akandu ove osi a eceliwa, kwenda Suku o likuminya okuti lalimwe eteke a ku sya ndaño oku ku yanduluka (Va Roma 8:38-39; Mateo 28:20). Ivaluka okuti eyovo lyove lya kolapo vu Yesu Kilistu (Yoano 10:28-29). Nda ove wa kolela lika Yesu Ndonjovoli yove, ove o t~ela oku kwata ekolelo lyokuti oka kala kovailu la Suku otembo ka yipui!
2. Vanja Ekongelo liwa li longisa Embimbiliya.
Ku ka sokolole Onembele ndonjo. Ekongelo omanu. Cikwete esilivilo lyalwa okuti ava va tava ku Yesu Kilistu va kala akamba omunu lukwavo. Eci oco cimwe pokati kovimãho vyatete Vyekongelo. Cilo omo ove wa kapa ekolelo lyove ku Yesu Kilistu ame hu vetiya longusu yalwa okuti o sanga ekongelo limwe vo songo omo wa tunga li kwãyi Embimbiliya kwenje vangula Lungombo. U lombolwila eci ci tyamela kekolelo lyove lyokaliye vu Yesu Kilistu.
Ocimãho cavali cekongelo oku longisa Embimbiliya. Ove o tela oku lilongisa ndomo o linga lovihandeleko vya Suku vomwenyo wove. Oku kwata elomboloko Lyembimbiliya oko osapi kukwaKilistu wa swapo. 2 Timoteo 3:16-17 hati: “Ovisonehua vi kola viosi ovitumasuku , kuenje vi silivila oku longisa, loku lungula,loku pindisa, loku ikisa esunga, okuti omunu waSuku o loñoloha, haeye angiliyiliwila ovopange osi awa.”
Ocimãho catatu cekongelo efendelo. Efendelo oku pandwila Suku ovina vyosi Eye a linga! Suku wa tu yovola. Suku o tu sole. Suku o tu angiliyila eci tu sukila. Suku o tu songwila kwenda o tu lekisa onjila. Ndoco, ka tu t~ela ndati oku u pandula? Suku o kola, ukwesunga, ukwacisola, ukwahenda kwenda weyuka ocali. Esituluilo 4:11 hati: “A Ñala yetu, a Suku yetu, wa posokela oku muisua ulamba lesumbilo lunene. Momo ove wa sovola ovina viosi. Vi kasilili ocipango cove, haico via lulikiwa laco.”
3. Eteke leteke syapo otembo yoku sokolola Suku.
Kokwetu cikwete esilivilo lyalwa, eteke olyo eteke oku pesela otembo la Suku. Omanu vamwe va ci tukula hati “otembo yetulumũho”. Vakwavo va ci tukula hati “alitumbiko,” momo otembo eyi okuti etu tu litumbika etu mwele ku Suku. Vamwe va nõla oku syapo otembo komele, osimbu okuti kuli ava va sole oku ci linga koñolosi. Otembo o nõlapo nda oyo ye, kwenda nda o yi tukula nye nda nye ka cikweteko cimwe. Eci ci kwete esilivilo ceci okuti ove eteke olyo eteke kapuluvi o nõla okwamako ño loku kala la Suku. Ovipito vipi tu pesela lavyo otembo la Suku?
(a) Ohutililo (elombelo). Ohutililo oku vangula la Suku. Vangula la Suku asakalalo ove kwenda ovitangi. Pinga ku Suku oku kwiha olondunge kwenda esongwilo. Pinga Suku oku ku lisiliyilako asukilo ove. Lombolwila Suku ndomo ove U sole kwenda ndomo ove o sole ovina vyosi Eye a ku lingila. Eci oco ohutililo yi linga.
(b) Oku tanga Embimbiliya. Oku vokiya kweci o longisiwa konembele Lembimbiliya, Osikola ya Calumingu (o Ndominikale) kwenda pamwe Ovipama Vyembimbiliya -- ove o sukila oku litangela ove mwele Embimbiliya. Vembimbiliya muli ovina vyosi ove o sukila oku kulĩha oco o kale lomwenyo Ukwakilistu wa swapo. Mu sangiwa esongwilo lya Suku ndomo o nõla lolondunge ovina o linga, ndomo o kuliha ocipango ca Suku, ndomo o songwila vakwele, kwenda ndomo o kula vomwenyo wespilitu. Embimbiliya Ondaka ya Suku kokwetu. Capyãla enene Embimbiliya elivulu lya Suku li tu pindisa ndomo tu kala lomwenyo wetu vonjila eyi okuti tu sanjwisa Suku kwenda tu lisanjwisavo etu mwele.
4. Linga ukamba lomanu va tela oku ku kwatisako vomwenyo wespilitu.
1 Va Korindo 15:33 li tu lombolwila hati: “Ko ka kembiwi. ‘Akamba vavi va nyõla ovituwa viwa.’” Embimbiliya lyeyuka lalungulo a tyamela kongangu “yivi” omanu va t~ela oku eca kokwetu. Oku pesela otembo la vana va limba vovopange avĩ, veya va tu kokela oku yonjiwa oku linga ovopange aco avĩ. Ovituwa vya vana va tu ñwala, viya vi tu pitisiwila (vi pongolwiwila) vokwetu. Eci oco ci kwetele esilivilo lyalwa etu oku ñwaliwa lomanu vakwavo va sole Ñala kwenda va litumbika Kokwaye.
Seteka oku sanda limwe ekamba pamwe avali, citava okuti oku upisila mwele kekongelo u o t~ela oku ku kwatisa kwenda oku ku kolisa I(Va Heveru 3:13; 10:24). Pinga akamba vove oco va ku kwatiseko oku kala locikele coku tata otembo yove yetulumuho, ovopange ove kwenda ungende wove la Suku. Pinga nda ove o lingavo cimosi lavo., Eci ka ca lombolokele okuti ove okwete oku syapo akamba vove vana ka va kulihĩle Ñala Ndonjovoli yavo. Amako loku linga akamba vavo kwenda va sola. Eci o va lombolwila lika ceci cokuti Yesu wa pongolola omwenyo wove kwenje ku tela vali oku linga ovina vyosi vimosi wa ikile oku linga. Pinga ku Suku oku ku iha apulivi pamwe avelo oku sandeka vya Yesu lakamba vove.
5. Papatisiwa.
Omanu valwa ka va kwete elomboloko lyepapatiso. Ondaka epapatiso ya lomboloka “oku iñila vovava”. Epapatiso onjila yembimbiliya yoku sapwila kowiñi ekolelo lyokaliye vu Kilistu kwenda onjongole yove yoku u kwama. Elinga lyoku tunda vovava li lekisa epinduko lya Yesu. Elinga lyoku papatisiwa li lekisa oku lisokisa ove mwele lolofa, lokukendiwa kwenda epinduko lya Yesu (Va Roma 6:3-4).
Epapatiso halyoko li ku yovola. Epapatiso ka li sukula akandu ove. Epapatiso lya linga lika enanga lyepokolo, okulekisa kowiñi ekolelo lyove ku Yesu lika oco o popeliwe. Epapatiso likwete esilivilo momo enanga lyepokolo – kovaso omanu vosi o lekisa ekolelo lyove ku Kilistu kwenda okulitumbika kwove Kokwaye. Nda ove wa lyangiliyila ale oku papatisiwa, wa sesamela oku vangula lungombo.
English
Ame nda kapa ekolelo lyange ku Yesu… kaliye nye?