Askim
Nau tasol mi putim bilip bilong mi long Jisas…na wanem moa?
Ansa
Congratulations! Ka fori eu angangen filata mi siwili manauwom! Melip kopwele ais, “Iwe met? Ifa usun ai upwe poputani ai sai fiti Kot?” Ekkei nimmu angang ika kinikin mi affat me fan repwe ngonuk aureur seni Paipel. Ika pwe mi wor omw kapas ais lon omw fetal, kose mochen chulo won https://www.gotquestions.org/Tok-Pisin
1. Tumunu fichi pwe kopwe weweiti met manau.
1 John 5:13 aiti ngeni kich, “Uwa makkei ekkei mettoch ngeni kemi ami mi luku iten ewe Neun Kot pwe oupwe silei pwe manau ese mwuch a nonom remi.” Kot a mochen pwe sipwe weweiti manauen ngunuch. Kot a mochen pwe sipwe ani apilukuluk lupwen ach silei pwe sia chon ngaselo. Sipwe mesenlapei ekkewe kien alen manauen ngunuch:
(a) Sia chon tipis meinisin. Sia fori mettoch ese apwapwaii Kot (Rom 3:23)
(b) Pwokiten ach tipis, ururun pwe sipwe angei kapwungun ach sipwe touauelo ika imwulo seni Kot (Rom 6:23).
(c) Sises a mallo won ewe irapenges pwe epwe meoni liwinin ach tipis (Rom 5:8; 2 Korinit 5:21). Sises a ani ach mallo, angei liwinin ach tipis ururun sipwe ani. An manau sefal a asisilata pwe an Sises mallo a naf an epwe meoni ach tipis.
(d) Kot a awora amusomusen tipis me manau ngeni ekkewe ir ra walong ar lukuluk lon Sises – luku lon an we mallo pwe iei meon ach tipis (John 3:16; Romans 5:1; Rom 8:1).
Ina ewe porausen manau! Ika pwe ka walong omw lukuluk lon Sises Kraist pwe epwe omw chon Amanau, ka ngaselo! Meinisin ach tipis a muselo, me Kot a pwon an esapw likiti kich ika amenungaw senuk (Rom 8:38-39; Mattu 28:20). Chechemeni, omw manauen ngunun a mwonleta lon Sises Kraist (John 10:28-29). Ika pwe ka luku lon Sises chek pwe I omw chon Amanau, ka tongeni ani apilukuluk pwe kopwe nonom ren Kot lon lang feinfeinlo!
2. Kutta eu mwichefel mi murine a afalfala ewe Paipel.
Kosapw akieki ngeni eu imwen fal pwe iei ewe mwichefel. Ewe mwichefel ieii ekewe aramas. Mi fokkun auchea pwe ekkewe chon luku lon Sises Kraist repwe fel fengen. Ina eu an mwichefel kewe sikining ika wiis. Iwe iei ka walong omw lukuluk lon Sises Kraist, sia fokkun pesei ngonuk omw kopwe kutta eu mwichefel mi alonga an lukuluk lon ewe Paipel ikewe ka nom ie me poraus ngeni neur kewe souemwen. Asilei ngenir usun omw ewe minefon lukuluk lon Sises Kraist.
Aruwen lamwoten ika wiisen ewe mwichefel epwe asukula usun ewe Paipel. Ka tongeni kaeo ifa usun omw kopwe fori ika fiti an Kot aureur ngeni manawom. Weweiti ewe Paipel eu kien omw kopwe tufichin nukuchar me sopwoch lon omw manawen souleng. 2 Timothy 3:16-17 apasa, “Ekkewe pwuk meinisin ra popw seni ngunun Kot me ra pwal lomot ngeni afalafal, feneu, apwungu me asukula lon pwuung, pwe neun Kot aramas repwe lipwakeoch me unuseoch lon sokkun fofor murine meinisin.”
Ewe aulingatin wisan ika lamwoten mwichefel iei angangen fel. Fel ngeni Kot iei eu alen pwarata killisou ngeni Kot ren meinisin mine a fori! Kot a amanawa kich. Kot a tongei kich. Kot a awora ngeni kich mettoch. Kot a emweni kich me pani kich. Epwe ifa usun ach sisapw killisou ngeni? Kot mi pin, pwung, tong, umeumeoch, me uren chen. Pwarata 4:11 a affata, “Mi fich ngonuk, ach Samol o ach Kot, omw kopwe angei ling me iteueoch me pochokul, pwokiten ka fori mettoch meinisin, mettoch meinisin ra fisita ren omw kapas me letipomw.”
3. Awora omw fansoun ngeni Kot.
Mi fokkun auchea omw kopwe awora fansoun ngeni Kot. Ekkoch aramas ra aita ngeni ei fansoun “fansoun mosonoson.” Ekkoch ra aita ngeni “fansoun churi Kot”, pwokiten eu fansoun omw ka churi Kot. Ekkoch re sani ar repwe fori ei fansoun lesosor, nge ekkoch re sani repwe fori lekuniol. Ese pwal tichik inet ka mochen fori ei fansoun me met ka mochen aita ngeni. Met e auchea pwe kopwe fori iteiten me churi Kot iteiten ran. Met ekkoch fansoun e fis pwe ach fansoun ngeni Kot?
(a) Iotek. Iotek iei ach poraus ngeni Kot. Poraus ngeni Kot usun omw osukosuk me weires. Tungor ngeni Kot epwe ngonuk tipachem me emwenuk. Tungor ngeni Kot epwe ngonuk omw niit. Ureni Kot ukukun omw tongei me ukukun omw killisou ren meinisin mine a fori fanitom. Iei usun met iotek.
(b) Alea Paipel. Kapach fengen me met ra aiti ngonuk lon mwichefel faniten ewe Paipel, met ka kaeo lon fansoun Raninfel me/ika fansoun kaeo ngeni Paipel – en mi niit omw kopwe aleani ewe Paipel won pusin omw. Ewe Paipel a nom lon mettoch meinisin ke niit omw kopwe lipwakoch, tufich me unuseoch lon manawen omw souleng. A nom lon an Kot aureur faniten omw kopwe fori ika filata met mi murine, omw kopwe silei met letipen Kot, omw kopwe afalafal ngeni ekkoch, me usun omw kopwe mamarita lon ngunum. Ewe Paipel iei an Kot Kapas ngeni kich. Ewe Paipel iei an Kot aureur ren ifa usun ach sipwe manaweni ewe manau a apwapwaii Kot me murine ngeni manawach.
4. Amari omw chiechi ngeni aramas repwe alisuk lon ngun.
1 Korinit 15:33 a aiti ngeni kich, “Kosapw tupwulo”, chiechiach mi ingau ra angawalo fofor mi murine.” Ewe Paipel a wor chommong kapasen asilesil faniten ekkewe sokkun fofor mi ingau mi atokolo aramas aramas “ingaw” ra tongeni uwei ngonuk. Omw nonom ren ekkewe chon foforingaw epwe fori ach sipwe tupwuta ren ekkewe fofor. Foforun me manawen ekkewe sia nonom rer epwe “tota” woch. Iei popun mi auchea ach sipwe nonom lein ekkewe aramas ra tongei ach Samol me likitiw ngeni.
Sotuni le kutta emon iika fen ruemon chiechiom, melipw seni omw ewe mwichefel, repwe tongeni alisuk me peseok (Ipru 3:13; 10:24). Ureni chieom na epwe wisen tumunu ngonuk ika achema ngonuk omw ewe fansoun ngeni Kot, omw fofor, me omw fetal fiti Kot. Aisini ika en mi tongeni fori ena usun ngeni. Esapw wewen ita pwe kopwele likitalo chiechieom ekkewe rese silei ach Samol Sises pw ear chon Amanau. Sopweilo le chiechi ngenir me tonger. Nge asilei ngenir pwe Sises a siwili manawom me kose chiwen tongeni fori ekkewe mettoch en mi fofori me lomw. Tungor ngeni Kot epwe ngonuk fansoun omw kopwe tongeni aporausa usun Sises ngeni chiechiom kewe.
5. Kopwe Paptais.
Chommong aramas ra wewengaw ren paptais. Ei kapas “paptais wewen “tou seni lon konik” Paptais eu pwomweni me lon Paipel le pwarata usun omw minefon lukuluk lon Kraist me omw likitiw le tapwelo mwirin. Ewe foforun pwata ika touu seni lon konik a awewe ngeni usun omw fiti Kraist le peias. Ewe pwomwen omw tou seni ewe konik a liosuni an Kraist manau sefal. Omw paptais a pwarata usum ren an Sises mallo, peiaselo me manau sefal (Rom 6:3-4).
Paptais esapw iei met a amanauok. Paptais esapw iei met a telu senuk omw tipis. Paptais eu chek angangen pwomweni usun ach aleasochis, eu angangen pwarata ngeni aramas usun ach lukuluk lon Kraist pwe I ewe manau. Paptais mi auchea pwokiten eu lapalapen aleasochis – angangen pwarata ngeni aramas ach lukuluk lon Kraist me ach fiti ika tapwelo mwirin. Ika pwe ka mwonleta omw kopwe paptais iwe kopwe poraus ngeni emon soumas.
English
Nau tasol mi putim bilip bilong mi long Jisas…na wanem moa?