Askim
Kristen em i wanem samting?
Ansa
Diksenari mining bilong Kristen em i samting i wankain olsem “wanpela man i soim bilip insait long Jisas olsem Krais o insait long lotu we em i sanap long tising bilong Jisas.” Em i kamap wanpela gutpela stating point, olsem mining bilong ol planti diksenari, tasol em i kam sot liklik long trupela biblikol mining long kamap wanpela Kristen. Dispela wed “Kristen” ol i yusim 3pela taim insait long Niu Testament (Aposel 11:26; 26:28; 1 Pita 4:16). Ol disaipel bilong Jisas Krais ol i kolim ol namba wan taim “ol Kristen” long Antiok (Aposel 11:26) bikos long pasin bilong ol, wokabaut, na toktok we i wankain olsem Krais. Dispela wed “Kristen” i min olsem, ol i stap insait long pati bilong Krais” o “disaipel bilong Krais.”
Tasol, long taim inap i kam nau, dispela wed “Kristen” i lusim bikpela valiu bilong em na planti taim ol i yusim olsem man i gat hai moral valiu insait long lotu, tasol em i no trupela disaipel bilong Jisas Krais. Planti manmeri husait i no bilip na trastim Jisas Krais ol i yet ol i ting ol Kristen lain bikos ol i go long sios o stap long wanpela “Kristen” kantri. Tasol go long sios, mekim gutpela pasin long ol turangu lain, o kamap gutpela manmeri i no min olsem yu wanpela Kristen. Nogat. Go long sios ino inap mekim yu kamap wanpela Kristen, i wankain olsem go long garaj i mekim yu kamap wanpela automobail. Nogat. Yu kamap wanpela memba bilong sios, go long lotu olgeta taim, na givim i go long wok sios ino inap mekim yu kamap Kristen, Nogat.
Baibel i skulim yumi pinis, ol gutpela wok yumi save mekim bai ino inap aseptim yumi long God. Taitus 3:5 i tok, “Em i kisim bek yumi. I no long stretpela pasin bilong yumi yet i bin mekim, na em i kisim bek yumi. Tasol long sore bilong em yet em i kisim bek yumi. Em i wasim sin bilong yumi na em i givim nupela laip long yumi long wok bilong Holi Spirit.” Olsem na Kristen em i wanpela man o meri i bin bon gen insait long God (Jon 3:3; 3:7; 1 Pita 1:23) na putim bilip na trast bilong em long Jisas Krais. Efeso 2:8 i tokim yumi olsem, “…..long marimari na sore tasol yu bin kisim laip, tru long bilip-na ino long yumi yet, em i gift bilong God.”
Trupela Kristen em man o meri husait i putim bilip na trast bilong em long Jisas Krais, wantaim dai bilong Em antap long diwai kros olsem pe bilong olgeta sin na kirap bek bilong Em long namba tri dei. Jon 1:12 i tokim yumi, “Tasol husait manmeri i kisim em, em ol lain i bilip long nem bilong em. Em i givim ol namba long kamap pikinini bilong God.” Mak bilong kamap trupela Kristen em laikim, laikim ol arapela na bihainim Tok bilong God (1 Jon 2:4, 10). Trupela Kristen em i trupela pikinini bilong God, na em i wanpela trupela pat long femili bilong God, na tu, em i givim nupela laip bilong em long Jisas Krais.
Yu mekim wanpela disisen pinis long Krais bikos wanem samting yu rit long hia? Sapos i tru, plis klik long “Mi akseptim Krais tude” long baton daunbilo.
English
Kristen em i wanem samting?