Pergunta
Ha’u tau ona ha’u-nia fiar ba Jesus…agora saida?
Hatán
Parabens! Ita halo ona desizaun mudansa moris nian! Karik ita husu: “Agora saida? Oinsá mak ha'u hahú ha'u-nia jornada ho Maromak?” Pasu lima ne'ebé ema ko'alia iha kraik sei fó ba ita matadalan husi Bíblia. Bainhira ita iha pergunta kona-ba jornada ne'e, favór vizita www.GotQuestions.org/Tetun.
1. Asegura ita komprende salvasaun.
1 João 5:13 hatete ba ita: Ha’u hakerek ona buat sira-ne’e ba imi ne’ebé fiar ba Maromak nia Oan-Mane nia naran; atu nune’e imi bele hatene katak imi hetan moris rohan-laek.”
Maromak hakarak ita atu komprende salvasaun. Maromak hakarak ita atu fiar duni katak ita sei hetan salvasaun. Tan ne'e, mai ita haree pontu importante sira salvasaun nian:
(a) Ita hotu halo ona sala. Ita hotu halo ona buat sira ne’ebé la halo kontente Maromak (Roma 3:23).
(b) Tanba ita-nia sala, ita merese hetan kastigu ho separasaun rohan-laek nian husi Maromak (Roma 6:23).
(c) Jesus mate iha krús atu selu ita ita-nia sala sira (Roma 5:8; 2 Korintu 5:21). Jesus mate hodi ita-nia fatin, no simu kastigu ne’ebé ita merese simu, Ninia moris-hi’as hatudu katak Jesus nia mate ne’e sufisiente ona atu kasu ita-nia sala sira.
(d) Maromak haraik perdaun no salvasaun ba ema sira ne’ebé tai sira-nia fiar ba Jesus – fiar iha Ninia mate nudár selu ba ita-nia sala sira (João 3:16; Roma 5:1; Roma 8:1).
Ne’e mak mensajen salvasaun nian! Se ita tau ita-nia fiar ba Jesus Kristu nuda ita-nia Salvadór, ita hetan ona salvasaun! Ita-nia sala sira hetan ona perdaun, no Maromak promete atu nunka husik ita ka abandona ita (Roma 8:38-39; Mateus 28:20). Hanoin ba, ita-nia salvasaun ne’e seguru iha Jesus Kristu (João 10:28-29). Sei ita fiar ba Jesus mesak nudár ita-nia Salvadór, ita bele iha konfiansa katak ita sei pasa moris rohan-laek nian ho Maromak iha lalehan!
2. Buka igreja di’ak ida ne’ebé hanorin Bíblia.
Labele hanoin katak Igreja hanesan edifísiu ida. Igreja maka povu. Ne’e importante tebes katak fiar-na’in ba Jesus Kristu nian belun ba malu. Ida nee hanesan objetivu prinsipál ida husi igreja. Agora, tanba ita tau fiar ona ba Jesus Kristu, ami fó aten-brani maka'as ba imi atu buka igreja ida ne’ebé fiar iha Bíblia iha ita-nia área no ko'alia ba padre. Fó hatene ba nia kona-ba ita-nia fé foun ba Jesus Kristu.
Objetivu daruak husi igreja ne'e maka hanorin Bíblia. Ita bele aprende oinsá atu aplika Maromak nia mandamentu ba ita-nia moris. Komprende Biblia ne’e xave ba moris susesu no moris Kristaun ida ne’ebé forte 2 Timóteo 3:16-17 hatete: “Eskritura hotu mai husi Maromak no di'ak atu hanorin, fó konsellu, korrije no fó treinu iha hahalok loos, atu nune'e Maromak nia ema bele iha kbiit no prontu ba servisu di’ak hotu. ”
Objetivu datoluk husi igreja ne'e maka adora. Adora ne’e agradese ba Maromak ba buat hotu ne'ebé Nia halo ona! Maromak salva ona ita. Maromak hadomi ita. Maromak fó ona ba ita. Maromak lidera ita no dirije ita. Oinsá mak ita labele fó agradese ba Nia? Maromak mak santu, laran-loos, domin, laran-sadi'a, no nakonu ho grasa. Apokalipse 4:11: hateten, “Ita-Boot merese, ami-nia Na’i no Maromak, atu simu glória, onra no kbiit, tanba Ita kria ona buat hotu, tuir Ita-nia hakarak mak Ita kria ona sira no sira iha. ”
3. Fahe tempu loroloron hodi konsentra ba Maromak.
Importante tebes ba ita atu pasa tempu loroloron hodi konsentra ba Maromak. Ema balun bolu ida ne’e “tempu hakmatek". Ema seluk bolu ida-ne 'e nu'udar "devosaun, ”tanba ne'e mak tempu ne'ebé ita tenke dedika ita-nia an ba Maromak. Balu prefere liu atu fahe tempu iha dadeer, maibé balu seluk prefere liu kalan. Ne'e la'ós kestaun ita bolu tempu ne'e saida ka bainhira mak imi halo ida-ne'e. Buat ne’ebé importante mak ita pasa tempu beibeik ho Maromak. Eventu saida mak okupa ita-nia tempu hamutuk ho Maromak?
(a) Orasaun. Orasaun mak simplesmente ko’alia ba Maromak. Ko'alia ba Maromak kona-ba Ita-nia preokupasaun no problema sira. Husu Maromak atu fó matenek no matadalan ba ita. Husu ba Maromak atu fó buat ne'ebé ita presiza. Fó-hatene ba Maromak ita hadomi tebes Nia no mós ita hafolin tebes buat hotu ne’ebé Nia halo ba Ita. Orasaun ne’e nia sentidu mak ida ne’e.
(b) Leitura Bíblia. Aleinde hanorin Bíblia iha igreja, Eskola Domingu, no/ka estuda Bíblia – ita presiza lee Bíblia ba ita-nia an rasik. Bíblia iha buat hotu ne'ebé ita presiza hatene hodi bele hala’o vida Kristaun ida ne’ebé susesu. Nia fó matadalan Maromak nian kona-ba oinsá atu halo desizaun ne'ebé matenek, oinsá atu hatene Maromak nia hakarak, oinsá atu serbí ema seluk, no oinsá atu moris ho espirituál. Bíblia mak Maromak nia Liafuan ba ita. Bíblia mak esensialmente Maromak nia manuál hanorin kona-ba oinsá atu hala’o ita-nia vida ho maneira ne'ebé fó kontente ba Nia no kontente ba ita.
4. Dezenvolve relasionamentu ho ema ne’ebé bele ajuda ita espiritualmente.
1 Korintu 15:33 haktuir mai ita: “Keta husik ema lohi imi: ‘Ema aat estraga hahalok di’ak.’" Bíblia nakonu ho avizu tomak kona-ba influénsia ema “aat” ba ita. Pasa tempu ho sira ne'ebé hala'o atividade la loos sei halo ita hetan tentasaun hosi atividade hirak ne'e. Karákter husi ema sira ne'ebé hale’u ita ne'e sei “da’et” ba ita. Tan ne'e mak importante tebes atu hale'u ita-nia an ho ema seluk ne'ebé hadomi Na'i no komprometidu ba Nia.
Koko buka kolega ida ka rua, dalaruma husi ita-nia igreja, ne’ebé bele ajuda Ita no enkoraja Ita (Ebreu 3:13; 10:24). Husu imi-nia belun sira atu imi nafatin responsabiliza kona-ba imi-nia tempu hakmatek, imi-nia serbisu sira, no imi-nia hahalok la'o ho Maromak. Husu se karik ita bele halo hanesan ba sira. Ne'e la'ós katak ita tenke husik ita-nia belun hotu ne'ebé la hatene Na'i Jesus nu'udar sira-nia Salvadór. Kontinua sai sira-nia belun no hadomi sira. Hateke ba sira atu hatene katak Jesus muda ona ita-nia moris no ita labele halo buat ne’ebé hanesan baibain ita halo ona. Husu ba Maromak atu fó oportunidade ba ita atu fahe Jesus ho ita-nia kolega sira.
5. Hetan Batizmu.
Ema barak mak la intende kona-ba batizmu. Liafuan fó batizmu signifika “atu mergulla iha bee.” Batizmu mak dalan bíblika atu ho nakloke haklaken kona-ba ita-nia fiar foun iha Kristu no ita-nia komprometidu atu la'o tuir Maromak. Hahalok ne'ebé aat tebes iha bee laran hatudu katak ema hakoi nia hamutuk ho Kristu. Hahalok husi mergulla iha bee ilustra ka hatudu hakoi hamutuk ho Kristu. Tanba ita identifika ita-nia an rasik ho Jesus nia mate, hakoi no moris-hi' as (Roma 6:3-4).
Batizmu la'ós buat ne'ebé salva ita. Batizmu la hamoos ita-nia sala sira. Batizmu mak pasu ida de'it atu halo tuir, no haklaken ba ema hotu kona-ba ita-nia fiar ba Kristu mesak de'it atu hetan salvasaun. Batizmu importante tanba ne'e pasu ida atu halo tuir – publikamente deklara fiar ba Kristu no ita-nia kompromisu ba Nia. Se ita prontu atu hetan batizmu, ita tenke ko'alia ho padre ida.
English
Ha’u tau ona ha’u-nia fiar ba Jesus…agora saida?