Pergunta
Saida mak dalan salvasaun nian?
Hatán
Ita hamlaha? La’ós hamlaha fíziku, maibé ó hamlaha ba buat ruma ne’ebé kle’an liu iha moris? Iha ó-nia laran iha buat ruma ne'ebé kle'an tebes ne'ebé nunka sai bosu ka? Se nune'e, Jesus mak dalan ne'e! Jesus hatete: “Ha'u mak ai-han moris nian. Nia ne'ebé mai besik Ha'u sei nunka hamlaha, no nia ne'ebé fiar Ha'u sei nunka hamrook tan” (João 6:35).
Ita konfuzaun ka lae? Bele ka ita haree hanesan nunka hetan dalan ka objetivu iha moris? Haree hanesan ema ida hamate ahi-oan ne'e no ita la konsege hetan nia interruptór? Se nune'e, Jesus mak dalan atu hetan salvasaun! Jesus fó sai ona: “Ha'u mak naroman ba mundu. Ema ne'ebé la'o tuir Ha'u sei nunka la'o iha nakukun laran, maibé nia sei hetan naroman ba moris” (João 8:12).
Ita sente hanesan ema xave metin ona ita husi moris ka? Ita koko ona odamatan barak, maibé atu hetan de'it buat ne'ebé iha odamatan sira kotuk ne’e mamuk no folin laek? Ita buka hela dalan tama atu tama ba moris ne'ebé kontente? Se nune'e, Jesus mak dalan atu hetan salvasaun! Jesus dehan: “Ha'u mak odamatan. Ema se deit tama liuhusi Ha'u sei hetan salvasaun. Nia sei tama mai no sai no hetan du'ut matak” (João 10:9).
Ema sira seluk sempre halo ita neon-sala ka? Ita -nia relasaun sira klarek no mamuk ka lae? Karik ida-ne’e haree hanesan ema hotu koko atu hetan vantajen husi ita? Se nune'e, Jesus mak dalan ne'e! Jesus hatete: “Ha'u mak bibi-atan di'ak. Bibi-atan di'ak tau ona ninia moris ba bibi malae sira. Ha'u mak bibi-atan ne'ebé di'ak, Ha'u hatene Ha'u-nia bibi malae sira no Ha'u-nia bibi sira hatene Ha'u” (João 10:11, 14).
Ita husu an saida mak akontese depois moris ida ne’e? Ita kole ona atu moris tanba buat sira ne'ebé dodok ka ferrujen de'it? Dalaruma ita laran-rua karik moris ne’e iha sentidu ruma? Karik Ita hakarak moris depois ita mate? Se nune'e, Jesus mak dalan atu hetan salvasaun! Jesus dehan: “Ha'u mak moris-hi'as no moris. Nia ne'ebé fiar iha Ha'u sei moris, maski nia mate; no ema se deit moris no fiar iha Ha'u sei nunka mate” (João 11:25–26).
Saida mak dalan? Saida mak lia-loos? Said mak moris? Jesus hatán, “Ha’u mak dalan no lia-loos no moris. Ema ida labele hakbesik ba Aman se la liu husi haʼu” (João 14:6).
Hamlaha ne'ebé ita sente mak hamlaha ne'ebé espirituál, no Jesus de'it mak bele fó han. Úniku Jesus de'it mak bele hi'it sai nakukun. Jesus mak odamatan ba moris kontente no rohan-laek. Jesus mak belun no bibi-atan ne'ebé ó buka daudaun. Jesus mak moris – iha mundu ne'e no tuir mai. Jesus mak dalan atu hetan salvasaun!
Tan razaun ne’ebé mak ita sente hamlaha, razaun ne'ebé ita haree hanesan lakon iha nakukun laran, razaun ne'ebé ita labele hetan sentidu iha moris, tan ne’e mak ita haketak an husi Maromak. Bíblia fó-hatene mai ita katak ita hotu halo ona sala, tan ne'e haketak ona husi Maromak (Eklesiastes 7:20; Roma 3:23). Buat ne'ebé ita sente iha ita -nia laran mak Maromak ne'ebé lakon husi ita-nia moris. Maromak kria ona ita atu iha relasaun ho Maromak. Tanba ita-nia sala, ita haketak ona husi relasaun ne'e. Piór liután ne'e, ita-nia sala sei halo ita haketak an husi Maromak ba nafatin, iha moris ne'e no moris tuir mai (Roma 6:23; João 3:36).
Oinsá atu rezolve problema ne’e? Jesus mak dalan atu hetan salvasaun! Jesus lori Ita-nia ba sala An rasik (2 Korintu 5:21). Jesus mate iha Ita-nia fatin (Roma 5:8), simu kastigu ne’ebé Ita merese. Liutiha loron tolu, Jesus moris-hi’as husi mate, no Nia hatudu sai Ninia kbiit atu manán sala no mate (Roma 6:4–5). Tanbasá mak Jesus halo ida-ne'e? Jesus hatán pergunta ne’e ba An rasik: “Ema laiha domin boot liu ida ne’e, katak nia fó ninia moris tanba ninia belun sira” (João 15:13). Jesus mate atu nune'e ita bele moris. Se ita tau fiar ba Jesus, tau fiar ba Ninia mate nu'udar kolen ba Ita-nia sala sira, Maromak perdua ona no hamoos ona ita-nia sala hotu. Depois ne'e, sei fó han ita-nia espíritu ne’ebé hamlaha. Ahi-oan sei sai lakan fali. Ita sei hetan asesu ba moris ne'ebé kontente. Ita sei hatene ita-nia belun di'ak ne'ebé di'ak liu no bibi-atan di'ak. Ita sei hatene katak ita iha moris depois ita mate – moris hi’as fali iha lalehan hamutuk ho Jesus ba nafatin!
“Maromak hadomi tebes mundu ne'ebé nia fó ninia Oan-Mane ida mesak, atu nune'e ema ne'ebé fiar iha Nia sei labele lakon, maibé hetan moris rohan-laek” (João 3:16).
Ita halo ona desizaun ida ba Kristu tanba buat ne'ebé Ita lee ona iha ne'e? Se nune'e, favór klik iha botaun "Ha'u simu ona Kristu ohin" iha kraik.
English
Saida mak dalan salvasaun nian?