Pergunta
Jesus Kristu mak sé?
Hatán
La hanesan ho pergunta “Maromak iha ka?” Pergunta kona-ba se Jesus Kristu iha ka lae ne’e, ema uitoan de'it mak husu. Ema barak simu katak Jesus mak mane ida ne'ebé hela iha Izraél tinan 2,000 liubá. Debate ne'e hahú ho diskusaun kona-ba Jesus nia identidade kompletu. Kuaze relijiaun boot hotu hanorin katak Jesus mak profeta ida ka mestre di’ak ida ka ema ida ne'ebé di'ak. Maibé Bíblia dehan ba ita katak Jesus liu dook fali nudár profeta ida, mestre di'ak ida, ka ema ida ne'ebé di’ak.
C. S. Lewis iha nia livru Mere Christianity hakerek liafuan tuirmai ne'e: “Ha'u koko iha ne’e atu prevene ema se deit hodi hateten buat aat, ne’ebé ema barak ko'alia kona-ba Nia [Jesus Kristu]: ‘Ha'u prontu atu simu Jesus nu'udar mestre moral boot ida, maibé ha'u la simu ninia afirmasaun nu'udar Maromak.’ Ne'e mak buat ne'ebé ita labele hatete. Ema ida hanesan de'it ho ema ida no ko'alia buat saida de'it ne'ebé hanesan Jesus hatete, sei la sai mestre morál boot ida. Nia sai hanesan ema bulak. Iha nivel hanesan ho ema ida ne’ebé hatete nia nudár manu-tolun da’an—ka nia hanesan Diabu husi infernu. Ita tenke hili ita-nia opsaun. Karik ema ne’e uluk, no agora, no nia mak Maromak nia Oan-Mane, ka ema bulak ka buat ne'ebé aat liu. Ita bele taka nia ibun tanba beik, ita bele tafui tan nia no oho nia hanesan anju aa; ka ita bele monu ba ninia ain no bolu nia Na'i no Maromak. Maibé mai ita labele mosu mai ho inventa ka bosok hodi la hatudu respeitu ba nia hanesan mestre boot ida. Nia la husik opsaun ne’e atu nakloke ba ita. Nia laiha intensaun” (Macmillan, 1952, p. 55–56).
Entaun, sé mak Jesus afirma ne’e? Tuir bíblia hatete Nia sé? Primeiru, Nia mak Maromak iha isin. Jesus dehan iha João 10:30 “Ha'u no Aman ida de'it.” Iha primeira vista, ne’e dalaruma la’ós afirmasaun ida nudár Maromak. Maibé, haree ba ema Judeu sira-nia reasaun ba Ninia liafuan. Sira koko atu tuda Nia “tanba hatete aat Maromak, tanba maske ó ema deit, halo an hanesan Maromak” (João 10:33). Ema Judeu sira komprende Jesus nia liafuan hanesan afirmasaun ida nudár Maromak. Iha versíkulu sira tuir mai ne’e, Jesus nunka korrije ema Judeu sira ka koko atu klarifika Ninia liafuan. Nia nunka dehan: “Ha'u la afirma nudár Maromak.” Bainhira Jesus dehan: “Ha'u no Aman ida de'it” (João 10:30), Nia dehan tebes duni katak nia hanesan ho Maromak.
Iha João 8:58 Jesus afirma pré-ezisténsia, atributu ida husi Maromak: “’Ha’u hatete loloos ba imi,’ Jesus hatán, ‘molok Abrão moris, Ha’u iha ona!’” Hodi hatán ba liafuan ne’e, ema Judeu sira foti tan fatuk atu tuda Jesus (João 8:59). Iha afirmasaun pré-ezisténsia, Jesus aplika naran ida ba Maromak ba Nia-an—HA’U MAK HA’U (haree Exodu 3:14). Judeu sira rejeita Jesus nia identidade nudár Maromak Enkarnadu, maibé sira komprende loloos saida mak Nia hatete.
Indikasaun seluk bíblika dehan katak Jesus mak Maromak iha isin inklui João 1:1, ne'ebé dehan: “Liafuan ne'e mak Maromak,” aumenta ho João 1:14, ne'ebé dehan: “Liafuan sai ona ema.” Eskolante Tomé dehan ba Jesus: “Ha'u-nia Na'i no ha'u-nia Maromak” (João 20:28), Jesus la korrije nia. Apóstolu Paulo deskreve Jesus nu'udar “ita-nia Maromak boot no Salvadór, Jesus Kristu” (Tito 2:13). Apóstolu Pedro mós dehan hanesan, nia bolu Jesus “ita-nia Maromak no Salvadór ”(2 Pedro 1:1).
Aman Maromak fó sasin kona-ba Jesus nia identidade mós: “Maibé kona-ba Oan-Mane ne'e, nia dehan:‘ Oh Maromak, Ita-Boot nia kadunan sei hela to’o tinan ba tinan, no hahalok loos mak sei sai ai-tonka ba Ita-nia reinu ’(Ebreu 1:8; cf. Salmo 45:6). Profesia Testamentu Tuan sira hanesan Isaias 9:6 fó sai kona-ba Kristu nia divindade :“ Tanba ita labarik ida moris mai, ba ita entrega ona oan-mane ida, nia sei lori ukun iha ninia kabaas. No ema sei bolu nia nu'udar Konsellu-Na'in ne'ebé Kmanek, Maromak Kbiit Na’in, Aman Rohan-Laek, Ulun-Na'in ba Dame ”(énfaze aumenta).
Tanbasá mak pergunta kona-ba Jesus nia identidade ne’e importante los? Tanbasá ne’e sai kestaun karik Jesus ne’e Maromak? Razaun sira balu:
• Hanesan C. S. Lewis indika ona, se Jesus ne’e la’ós Maromak, entaun Jesus ne’e mak bosok-teen ne’ebé piór liu ona no labele fiar iha buat hotu.
• Se Jesus ne’e la’ós Maromak, entaun apóstolu sira mós hanesan bosok-teen.
• Jesus tenke sai Maromak tanba Messias promote ona atu sai “Santu” (Salmo 16:5, NASB). Tanba laiha ema ida iha mundu ne’e mak hahalok loos iha Maromak nia oin (Salmo 53:1; 143:2), Maromak rasik mak tenke tama ba mundu nudár ema.
• Se Jesus ne’e la’ós Maromak, Ninia mate sei la to’o atu selu kastigu ba mundu tomak nia sala (1 João2:2). Maromak Rasik deit mak bele fó sakrifisiu no valor rohan-laek (Roma 5:8; 2 Korintu 5:21).
• Maromak mak úniku Salvadór (Hosea 13:4; cf. 1 Timóteo 2:3). Se Jesus mak nudár Salvadór, entaun Nia tenke Maromak.
Jesus tenke sai Maromak no mós ema. Nu'udar Maromak, Jesus bele halo kontente Maromak nia hirus. Nu'udar ema ida, Jesus iha kbiit atu mate. Nu'udar Maromak-ema, Jesus mak Mediadór perfeitu entre lalehan no rai (1 Timóteo 2:5). Ema bele hetan salvasaun liuhusi fiar ba Jesus Kristu. Nu'udar Nia fó sai ona, “Ha'u mak dalan, lia-loos no moris. Ema ida labele hakbesik ba Aman, só deʼit liuhusi Haʼu” (João 14:6).
English
Jesus Kristu mak sé?