Pergunta
Jesus mak Maromak ka? Jesus afirma nudár Maromak ka?
Hatán
Ema balu ne'ebé nega katak Jesus mak Maromak, reklama katak Jesus nunka dehan katak Nia mak Maromak. Ne’e los duni katak Bíblia nunka hakerek Jesus dehan liafuan ne’ebé loloos, “Ha’u mak Maromak.” Maibé, ne'e la signifika katak Jesus nunka afirma nudár Maromak.
Jesus Maromak ka? — Jesus afirma nudár Maromak.
Porezemplu, Jesus nia liafuan iha João 10:30 “Ha'u no Aman ida de'it.” Ita presiza haree de'it ema Judeu sira-nia reasaun ba Ninia liafuan atu hatene katak Nia afirma nudár Maromak. Sira koko atu tuda Nia ho razaun tuirmai ne'e: “Ó ema baibain de'it, afirma nudár Maromak” (João 10:33, énfaze liu tan). Ema Judeu sira hatene ho loloos saida mak Jesus afirma—divindade. Kuandu Jesus dehan: “Ha'u no Aman ida de'it,” Nia ko'alia katak Nia no Aman iha natureza no esénsia ida de'it. João 8:58 ne'e ezemplu seluk. Jesus dehan: “Ha'u hatete loloos ba imi … molok Abrão moris, Ha'u iha!” Ida-ne'e sai referénsia ida fila fali ba Exodu 3:14 bainhira Maromak hatudu Ninia an nu'udar “HA’U.” Ema Judeu sira ne'ebé rona liafuan sira-ne'e hatán hodi foti fatuk atu oho Nia tanba ko'alia aat Maromak, hanesan Ukun-Fuan Mosaiku nian ne'ebé fó sai ona (Levítiku 24:16).
Jesus Maromak ka? — Ninia eskolante sira fó sai Nia nudár Maromak.
João repete fali konseitu kona-ba Jesus nia divindade: “Liafuan [Jesus] ne'e mak Maromak” no “Liafuan sai isin” (João 1, 14). Versíkulu hirak ne’e hatudu ho momoos katak Jesus mak Maromak iha isin. Apóstolu 20:28 hatete ba ita: “Sai bibi-atan ba Maromak nia igreja ne'ebé Nia sosa ho Ninia raan rasik.” Sé mak sosa igreja ne'e ho Ninia raan rasik? Jesus Kristu. No versíkulu ne’ebé hanesan dehan nune'e duni katak Maromak sosa Ninia igreja ho Ninia raan rasik. Tan ne'e, Jesus mak Maromak.
Tomé eskolante haklaken kona-ba Jesus, “Ha'u-nia Na'i no ha'u-nia Maromak” (João 20:28). Jesus la korrije nia. Tito 2:13 enkoraja ita atu hein ba ita-nia Maromak no Salvadór, Jesus Kristu ne'ebé atu mai (haree mós 2 Pedro 1:1). Iha Ebreu 1:8, Aman fó sai kona-ba Jesus: “Maibé kona-ba Oan-Mane, Maromak dehan: 'Oh Maromak, Ita-Boot nia kadunan sei iha tinan ba tinan ba nafatin, no hahalok loos sei sai liurai nia ai-tonka. ’Aman refere ba Jesus nu'udar Maromak, hodi hatudu katak Jesus mak Maromak duni.
Iha Apokalipse, anju ida haruka ninia apóstolu João atu adora de'it Maromak (Apokalipse 19:10). Dala barak iha Eskritura Jesus simu adorasaun (Mateus 2:11; 14:33; 28:9, 17; Lukas 24:52; João 9:38). Nia nunka korrije ema tanba adora Nia. Se Jesus la'ós Maromak, Nia haruka ona ema atu la adora Nia, hanesan anju halo iha Apokalipse. Liután ne'e, iha pasajen barak seluk husi Eskritura ne'ebé argumenta kona-ba Jesus nu'udar Maromak.
Jesus Maromak ka? — Razaun Jesus tenke sai Maromak.
Razaun ne'ebé importante liu katak Jesus tenke sai Maromak, se Nia la'ós Maromak, Ninia mate sei la sufisiente atu selu kastigu ba mundu nia sala sira (1 João 2:2). Ema kriatura ida, ne'ebé sai nudár Jesus se Nia la'ós Maromak, la iha kbiit atu selu kastigu infinitu tanba sala kontra Maromak ne'ebé laiha rohan. Maromak de'it mak bele selu ema nia kastigu infinitu ne'e. Maromak de'it mak bele simu sala sira iha mundu ne'e (2 Korintu 5:21), mate, no hetan moris-hi 'as, hatudu katak Nia manán ona sala no mate.
Jesus mak Maromak ka? Sin. Jesus fó sai ona Ninia an nudár Maromak. Ninia eskolante sira fiar katak Nia mak Maromak. Provizaun salvasaun ne’e funsiona se Jesus mak Maromak, Jesus mak Maromak enkarnadu, Alfa no Ómega rohan laek (Apokalipse 1:8; 22:13), no Maromak ita-nia Salvadór (2 Pedro 1:1).
English
Jesus mak Maromak ka? Jesus afirma nudár Maromak ka?