கேள்வி
வேதாகமத்தின்படி உண்மையான நட்பு என்றால் என்ன?
பதில்
கர்த்தராகிய இயேசு கிறிஸ்து ஒரு உண்மையான சிநேகிதனின் வரையறையை நமக்குத் தந்திருக்கிறார்: "ஒருவன் தன் சிநேகிதருக்காகத் தன் ஜீவனைக் கொடுக்கிற அன்பிலும் அதிகமான அன்பு ஒருவரிடத்திலுமில்லை. நான் உங்களுக்குக் கற்பிக்கிற யாவையும் நீங்கள் செய்வீர்களானால், என் சிநேகிதராயிருப்பீர்கள். இனி நான் உங்களை ஊழியக்காரரென்று சொல்லுகிறதில்லை, ஊழியக்காரன் தன் எஜமான் செய்கிறதை அறியமாட்டான். நான் உங்களைச் சிநேகிதர் என்றேன், ஏனெனில் என் பிதாவினிடத்தில் நான் கேள்விப்பட்ட எல்லாவற்றையும் உங்களுக்கு அறிவித்தேன்" (யோவான் 15:13-15). இயேசு ஒரு உண்மையான சிநேகிதனின் நல்ல உதாரணமாகும், ஏனென்றால் அவர் தனது "சிநேகிதர்களுக்காக" தனது ஜீவனைக் கொடுத்தார். மேலும், எவரும் அவரை தனது சொந்த இரட்சகராக அவரை நம்பி, மறுபடியும் பிறந்து, அவரில் புதிய ஜீவனைப் பெறுவதன் மூலம் அவருடைய சிநேகிதராகலாம்.
தாவீதுக்கும் சவுலின் குமாரனாகிய யோனத்தானுக்கும் இடையே உள்ள உறவு உண்மையான நட்புக்கு ஒரு உதாரணமாய் உள்ளது, அவர் தனது தந்தை சவுல் தாவீதைத் துரத்தினாலும், அவரைக் கொல்ல முயன்றாலும், அவரது நண்பருக்கு ஆதரவாக நின்றார். நீங்கள் அந்தக் கதையை 1 சாமுவேல் 18 ஆம் அதிகாரம் முதல் 20-ஆம் அதிகாரம் வரை காணலாம். சில பொருத்தமான பகுதிகள் 1 சாமுவேல் 18:1-4; 19:4-7; 20:11-17, 41-42.
சிநேகிதர்களைப் பற்றிய ஞானத்தின் மற்றொரு நல்ல ஆதாரம் நீதிமொழிகள் புத்தகமாகும். "சிநேகிதன் எல்லாக் காலத்திலும் சிநேகிப்பான்; இடுக்கணில் உதவவே சகோதரன் பிறந்திருக்கிறான்" (நீதிமொழிகள் 17:17). "சிநேகிதருள்ளவன் சிநேகம் பாராட்டவேண்டும்; சகோதரனிலும் அதிக சொந்தமாய்ச் சிநேகிப்பவனுமுண்டு" (நீதிமொழிகள் 18:24). இங்கே பிரச்சினை என்னவென்றால், ஒரு சிநேகிதனைப் பெற, ஒருவர் சிநேகிதராக இருக்க வேண்டும். "சிநேகிதன் அடிக்கும் அடிகள் உண்மையானவைகள்; சத்துரு இடும் முத்தங்களோ வஞ்சனையுள்ளவைகள்" (நீதிமொழிகள் 27:6). "இரும்பை இரும்பு கருக்கிடும்; அப்படியே மனுஷனும் தன் சிநேகிதனுடைய முகத்தைக் கருக்கிடுகிறான்" (நீதிமொழிகள் 27:17).
நட்பின் பிரமாணம் ஆமோஸ் புத்தகத்திலும் காணப்படுகிறது. "இரண்டுபேர் ஒருமனப்பட்டிருந்தாலொழிய ஒருமித்து நடந்துபோவார்களோ?" (ஆமோஸ் 3:3). சிநேகிதர்கள் ஒத்த எண்ணம் கொண்டவர்கள். ஒரு சிநேகிதர் நீங்கள் முழு நம்பிக்கையுடன் நம்பக்கூடிய ஒருவர். ஒரு சிநேகிதர் என்பது நீங்கள் மதிக்கும் மற்றும் உங்களை மதிக்கும் ஒருவர், தகுதியின் அடிப்படையில் அல்ல, ஆனால் மனதின் ஒற்றுமையின் அடிப்படையில்.
இறுதியாக, ஒரு உண்மையான சிநேகிதனின் உண்மையான விளக்கம் அப்போஸ்தலனாகிய பவுலிடமிருந்து வருகிறது: "நீதிமானுக்காக ஒருவன் மரிக்கிறது அரிது; நல்லவனுக்காக ஒருவேளை ஒருவன் மரிக்கத் துணிவான். நாம் பாவிகளாயிருக்கையில் கிறிஸ்து நமக்காக மரித்ததினாலே, தேவன் நம்மேல் வைத்த தமது அன்பை விளங்கப்பண்ணுகிறார்" (ரோமர் 5:7-8). “ஒருவன் தன் சிநேகிதருக்காகத் தன் ஜீவனைக் கொடுக்கிற அன்பிலும் அதிகமான அன்பு ஒருவரிடத்திலுமில்லை" (யோவான் 15:13). இப்போது அதுதான் உண்மையான நட்பு!
English
வேதாகமத்தின்படி உண்மையான நட்பு என்றால் என்ன?
