Ka’at chi:
Yesu Kristo nooha?
Núuc t’aan:
Oyihireho ekibuuzo "Ruhanga ariho?", ekibuuzo ky'okumanya yaaba Yesu Kristo yaabaire ariho nikibuuzibwa abantu bakye munonga. Baingi nibaikiriza ngu Yesu buzima akaba ari omushaija owaabaire naatuura omuri Israeli emyaka 2,000 enyima. Okuhakana nikutandika n'okugamba ahari Yesu omu bwijwire. Haihi buri diini nkuru neyegyesa ngu Yesu akaba ari omurangi nari omwegyesa murungi nari omushaija orikutiina Ruhanga. Kwonka Baiburi neetugambira ngu Yesu akaba ari ekirikukira nabi, omwegyesa murungi, nari omushaija orikutiina Ruhanga.
C.S. Lewis omu kitabo kye Mere Christianity nahandiika ebirikukurataho ati: "Ndiyo ningyezaho kuzibira omuntu weena kugamba ekintu ky'obushema eki abantu barikukira kugamba ahariwe [Yesu Kristo]: 'Nyeteekateekire kwikiriza Yesu nk'omwegyesa w'emitwarize, kwonka tindikwikiriza ngu ni Ruhanga.' Eki nikyo kintu kimwe eki tutashemereire kugamba. Omuntu owaabaire ari omushaija kandi akagamba ebintu nk'ebi Yesu yaagambire akaba atarikubaasa kuba omwegyesa w'emitwarize. Akaba naabaasa kuba ari omushema - orikushushana n'omuntu orikugira ngu n'eizi ry'omushekye - nari akaba naabaasa kuba Sitaane w'omuriro ogutaraara. Oine kukora encwamu yaawe. Nari omushaija ogu akaba ari, kandi ari, Omwana wa Ruhanga, nari omushema nari ekirikukiraho. Noobaasa kumusiba nk'omushaija w'obushema, noobaasa kumucwera amacwante kandi omwitwe nka sitaane; nari noobaasa kugwa aha bigyere bye kandi okamweta Mukama Ruhanga.Kwonka ka turekye kugamba ebitaine mugasho ngu akaba ari omwegyesa w'abantu omukuru. Taratutsigiireho bushoboorozi obwo. Akaba ataine kigyendererwa ky'okukikora" (Macmillan, 1952, p.55-56)
Mbwenu, Yesu akagira ngu nooha? Baiburi neegira ngu nooha? Eky'okubanza, ni Ruhanga omu mubiri. Yesu akagamba omuri Yohaana 10:30, ati: "Nyowe na Taata turi bamwe." Omu kubanza, eki tikirikubaasa kureebeka nk'ekigyendererwa ky'okugira ngu ni Ruhanga. Kwonka, reeba oku Abayudaaya baatwarize ebigambo bye. Bateireho kwenda n’okumuteera amabaare "ahabw'okujuma, ahabw'okuba iwe, omuntu, noyetwara kuba Ruhanga" (Yohaana 10:33). Abayudaaya bakateekateeka ebigambo bya Yesu nk'ekigyendererwa ky'okugira ngu ni Ruhanga. Omu mishororongo erikukurataho, Yesu tarateireho kuhabura Abayudaaya nari kugyezaho kushoboorora ebigambo bye. Tarateireho kugira ngu, "Tindikugira ngu ndi Ruhanga." Obu Yesu yaagira ati: "Yohaana na Taata turi bamwe" (Yohaana 10:30), buzima akaba naagamba ngu naingana na Ruhanga.
Omuri Yohaana 8:58 Yesu naagira ngu akabaho ira, ekirikumanyisa Ruhanga: "Buzimazima ninkugambira nti," Yesu akagarukamu ati, "Abrahamu atakabaireho, nyowe nkaba ndiho!"Omu kugarukamu ebigambo ebi, Abayudaaya bakahayo amabaare okuteera Yesu amabaare (Yohaana 8:59). Omu kugamba ngu akaba yabaireho, Yesu akakoresa eiziina rya Ruhanga kwegambaho "NINYEI" (Reeba Okuruga 3:14). Abayudaaya bakanga okumanya Yesu nka Ruhanga owaazaire omu mubiri, kwonka bakakyenga gye eki yaabaire naagamba.
Ebindi ebiri omu Baiburi ebirikworeka ngu Yesu ni Ruhanga omu mubiri, nibitwariramu Yohaana 1: 1, erikugira ngu, "Kigambo akaba ari Ruhanga," hamwe na Yohaana 1: 14, erikugira ngu, "Kigambo akahinduka omuntu." Tomasi omwegi akagira Yesu ati, "Mukama wangye kandi Ruhanga wangye" (Yohaana 20: 28), Yesu taramuhabwire. Entumwa Paulo naagamba ahari Yesu nka "Ruhanga waitu kandi Omujuni waitu, Yesu Kristo" (Tito 2: 13). Entumwa Petero nawe nikwo arikugamba, arikweta Yesu "Ruhanga waitu kandi Omujuni" (2 Petero 1: 1).
Ruhanga Taata nawe naahamya ebirikukwata ahari Yesu ati: "Kwonka ahari Mwana akagira ati: Ekitebe kyawe ky'obukama, Ai Ruhanga, n'eky'obutwire n'obutwire, kandi obutegyeki bwawe n'obw'okuhikiirira" (Abaheburaayo 1: 8; zaaburi 45: 6). Obunabi bw'omu Ndagaano Enkuru nka Isaaya 9: 6 nibworeka obwaruhanga bwa Kristo: "Ahabw'okuba twazairwe omwana, twahairwe omwana w'omwojo, kandi obutegyeki bube aha mabega ge. Kandi aryayetwa omujurizi w'okutangaaza, Ruhanga ow'amaani, Taata ow'ebiro byona, Omukama w'obusingye" (okukomoora kwahandiikirwe).
Ahabw'enki ekibuuzo ky'okumanya Yesu kiri kikuru? Ahabw'enki kiri kikuru yaaba Yesu ni Ruhanga? Hariho enshonga nyingi:
• Nk'oku C.S. Lewis yaagambire, Yesu ku araabe atari Ruhanga, Yesu n'omubeihi orikukirayo kandi tarikubaasa kwesigwa omu miringo yoona.
• Yesu ku araabe atari Ruhanga, entumwa ze nazo zikaabaire ziri ez’ebishuba .
• Yesu akaba aine kuba Ruhanga ahabw'okuba Mesia akaba araganiisiibwe kuba "Omurikwera" (Zaaburi 16: 5, NASB). Obu hatariho n'omwe omu nsi ohikiriire omu maisho ga Ruhanga (Zaaburi 53: 1; 143: 2), Ruhanga wenka akaba aine kuza omu nsi nk'omuntu.
• Yesu ku araabe atari Ruhanga, okufa kwe kukaabaire kutarikumara kushashura omushango gw'ebibi by'ensi yoona (1 Yohaana 2: 2). Ruhanga wenka niwe yaabaire naabaasa kuhayo ekitambo ekitarikubaasa kuhwaho, kandi eky'omuhendo gw'ebiro byoona (Abarooma 5: 8; 2 Abakorinso 5: 21).
Ruhanga niwe mujuni wenka (Hosea 13: 4; 1 Timoseo 2: 3) Yesu kubaasa kuba omujuni, ashemereire kuba ari Ruhanga.
Yesu akaba aine kuba Ruhanga n'omuntu. Nka Ruhanga, Yesu akaba naabaasa kuhikiiriza ekiniga kya Ruhanga. Nk'omuntu, Yesu akaba aine obushoboorozi bw'okufa. Nka Ruhanga-omuntu, Yesu niwe rutindo ahagati y'eiguru n'ensi (1 Timoseo 2:5). Okujunwa nikubaasa nikubaho kurabira omu kwikiriza omuri Yesu Kristo. Nk'oku yaagizire ati: "Niinye muhanda, amazima, n'amagara; tihariho oija ahari Taata, atarikuraba omuriinye" (Yohaana 14:6).
English
Oine ebibuuzo?