Ka’at chi:
Watungire okusaasirwa? Nintunga nta okusaasirwa kuruga ahari Ruhanga?
Núuc t’aan:
Ebyakozirwe13:38 nihagira hati, "N'ahabw'ekyo, ab'eishe - emwe, ninyenda mumanye ku okusaasirwa kw'ebibi nikumanywa omuri Yesu.
Okusasirwa nikimanyisa ki kandi ahabwenki ninkwetenga?
Ekigambo okusaasira' nikimanyisa okuyonnja, okusaasira, okushazamu eibanja. Ku turikushiisha aha muntu, nitushaba okusaasirwa kugira ngu omukago gugarukyeho. Okusaasira tikurikuheebwa ahabwokuba omuntu ashemereire kusaasirwa. Tihaine oshemereire kusaasirwa. Okusaasira n'ekikorwa ky'okukunda, okusaasira n'embabazi. Okusaasira n'okusharamu obutabiika ekintu kyona aha muntu ondiijo, oihireho ebibakukoreire.
Baiburi neetugambira ngu twena nitwetenga okusaasirwa kuruga ahari Ruhanga. Twena tukozire ebibi. Omubuurizi 7:20 nihagira ngu tihariho muntu ohikiriire omu nsi, orikukora ebihikire byonka kandi atshiisha. 1 Yohaana 1: 8 neegira ngu ku turikugira ngu titwine kibi, tuba nitwebeiha kandi amazima tigari omuriitwe. Ekibi kyona n'ekikorwa ky'okujeemera Ruhanga (Zaaburi 51:4). N'ekyarugiremu, nitwetenga okusaasirwa kuruga ahari Ruhanga. Ebishobi byaitu byaaba bitasaasirwe, nitwija kumara ebiro byona nitubonabona ahabw'ebibi byaitu (Matayo 25: 46; Yohaana 3: 36).
Okusasirwa- Nkakutunga nta?
Ekirungi, Ruhanga aine rukundo n'embabazi, aine ekihika ky'okusaasira ebibi byaitu! 2 Petero 3:9 nikitugambira, ...n'okugumisiriza ahariimwe, tarikwenda muntu weena kuhwerekyerera, kureka naayenda ngu boona bahikye aha kweteisa. Ruhanga nayenda kutusaasira, n'ahabw'ekyo akatubaasisa kusaasirwa.
Ekibonerezo ky'ebibi byaitu n'okufa. Ekicweka ky'okubanza ekya Abarooma 6: 23 nikigira ngu, "ebihembo by'ekibi n'okufa..." Okufa okutahwaho, nikyo twakozire ahabw'ebibi byaitu. Ruhanga, omu nteekateeka ye ehikiriire, akahinduka omuntu - Yesu Kristo. Yesu akafeera aha musharaba, yaatwara ekiheneso ekiturikwetenga - okufa. 2Abakorinso 5:21 neetwegyesa, "Oyo otarikwasaasa ekibi, Ruhanga akamuhindura ekibi ahabwaitu, ngu omuri we tuhinduke okuhikiirira kwa Ruhanga.". Yesu akafeera aha musharaba, yaatwara ekifubiro ekiturikwetenga! Nka Ruhanga, okufa kwa Yesu kukareeta okusaasirwa ebibi by'ensi yoona. 1 Yohaana 2:2 neegira ngu niwe kitambo ky'okutangirira ebibi byaitu, kandi kitari kyaitu kyonka, kureka n'eby'ensi yoona. Yesu akazooka omu bafu, arikuranga obusinguzi bwe aha kibi n'okufa (1 Abakorinso 15:1-28). Ruhanga asiimwe, kurabira omu kufa n'okuzooka kwa Yesu Kristo, ekicweka kya kabiri ekya Abarooma 6: 23 kihikire, ...kwonka ekiconco kya Ruhanga n'amagara agatahwaho kurabira omuri Yesu Kristo Mukama waitu.
Noyenda kusaasirwa ebibi byawe? Oine ekihika ky'okwerarikirira eki otarikubaasa kwihaho? Nobaasa kusaasirwa ebibi byawe waata okwikiriza kwawe omuri Yesu Kristo nk'omukiza waawe. Abaefeeso 1: 7 nihagira ngu omuri we twine okucungurwa kurabira omu shagama ye, okusasirwa ebibi byaitu, kurugiirira aha bugaiga bw'embabazi ze. Yesu akashashura eibanja ryaitu, kugira ngu tusasirwe. Eki oshemereire kukora n'okushaba Ruhanga akusasire kurabira omuri Yesu, orikwikiriza ngu Yesu akafa kushashura okusasirwa kwawe kandi naija kukusaasira! Yohaana 3:16-17, erimu obutumwa obu obw'omutaano, "Ahabw'okuba Ruhanga akakunda ensi, akahayo Omwana we omwe nyamunegyere, ngu omuntu weena orikumwikiriza arekye kuhwerekyerera, kureka atungye amagara agatahwaho.". Ahakuba Ruhanga tarasindikiire omwana we omu nsi kucwera ensi orubanja, kureka ngu akize ensi.
Okusaasira - n'okwanguhi munonga?
Eego kyanguhi ekyo! Torikubaasa kutunga okusaasirwa kuruga ahari Ruhanga. Torikubaasa kushashurira okusaasirwa kwawe kuruga ahari Ruhanga. Nobaasa kukitunga kurabira omu kwikiriza, kurabira omu mbabazi n'embabazi za Ruhanga. Ku oraabe noyenda kwikiriza Yesu nk'omujuni waawe, otungye okusaasirwa kuruga ahari Ruhanga, hariho eshaara ei orikubaasa kushaba. Okushaba eshaara egi nainga endiijo, tikirikwija kukujuna. Okwesiga Yesu Kristo nikyo kyonka ekirikubaasa kureeta okusaasirwa kw'ebibi. Eshaara egi n'omuringo gw'okworeka Ruhanga okwikiriza kwawe omuri we n'okumwebaza ahabw'okukuha okusaasirwa. "Ruhanga, nimanya ngu nkakucumire kandi nshemereire kufubirwa. Kwonka Yesu akatwara ekibonerezo ekyangabereire kugira ngu okurabira omuri we nsaasirwe. Nkwesiga ahabwa okujunwa. Yebare embabazi zaawe ez'omutaano n'okusaasira kwawe! Amiina!/
Waacwiremu kwikiriza Kristo ahabw'ebi waashomire aha? Ku kiraabe nikwo kiri, yimata aha eipesha 'Nkaikiriza Kristo eri izooba' eriri ahansi. English
Oine ebibuuzo?