Ka’at chi:
Watungire amagara agatahwaho?
Núuc t’aan:
Baiburi neeyoreka gye omuhanda ogurikutuhitsya omu magara agatahwaho. Eky'okubanza, twine kumanya ngu tusiisire ahari Ruhanga: "Ahakuba boona bakashiisha, tibarikuhika aha kitiinisa kya Ruhanga" (Abarooma 3:23). Twena tukakora ebintu ebitarikushemeza Ruhanga, ekirikutureetera kufubirwa. Obu ebibi byaitu byoona biri ahari Ruhanga ow'ebiro n'ebiro, ekifubiro ky'ebiro n'ebiro nikyo kirikumara. "Ebihembo by'ekibi n'okufa, kwonka ekiconco kya Ruhanga n'amagara agatahwaho omuri Yesu Kristo Mukama waitu" (Abarooma 6:23).
Kwonka, Yesu Kristo, owaabaire ataine kibi (1 Petero 2:22), Omwana wa Ruhanga ow'ebiro byona akahinduka omuntu (Yohaana 1:1,14) kandi yaafa kushashura ekifubiro kyaitu. "Ruhanga ayoreka okukunda kwe oku atukunda, ahabw'okuba ku twabaire tukiri abasiisi, Kristo yaatufeera" (Abarooma 5:8). Yesu Kristo akafeera aha musharaba (Yohaana 19:31-42), yaatunga ekifubiro eki twabaire tushemereire (2 Abakorinso 5:21). Bwanyima y'ebiro bishatu akazooka omu bafiire (1 Abakorinso 15:1-4), arikworeka obusinguzi bwe aha kibi n'okufa. "Ahabw'embabazi ze nyingi, akatuzaara busya, ngu tugire amatsiko marungi, ahabw'okuzooka kwa Yesu Kristo omu bafiire" (1 Petero 1:3).
Kurabira omu kwikiriza, twine kuhindura emiteekateekyere yaitu erikukwata ahari Kristo - n'oha, eki yaakozire, n'ahabw'enki - kubaasa kujunwa (Ebyakozirwe 3:19). Twaba nitumwikiririzamu, turikwesiga okufa kwe aha musharaba kushashura ebibi byaitu, nitwija kusaasirwa kandi tukatunga ekiraganiso ky'amagara agatahwaho omu iguru. "Ahakuba Ruhanga akakunda atyo ensi, yaahayo Omwana we omwe nyamunegyere, ngu omuntu weena orikumwikiriza arekye kuhwerekyerera, kureka atungye amagara agatahwaho" (Yohaana 3:16). "Ku oraayaturire n'akanwa kaawe oti: Yesu niwe Mukama, okaikiriza n'omu mutima gwawe ku Ruhanga yaamuzoire omu bafiire, oryajunwa" (Abarooma 10: 9). "Mumanye ngu embabazi ze nizo zaabajunire ahabw’okwikiriza, ti ahabw'okukora kwanyu, kureka nekiconco kya Ruhanga, ekitararugir mu mirimo ngu hatagira omuntu weena owaayehimbisa" (Abaefeso 2:8-9).
Ku oraabe nooyenda kwikiriza Yesu Kristo nk'omujuni waawe, aha hariho eky'okureeberaho ky'okushaba. Ijuka,okushaba oku nari okushaba okundi kwona tikurikwija kukujuna. Okwesiga Kristo kwonka nikwo kurikubaasa kukujuna ekibi. Okushaba oku n'omuringo gw'okworeka Ruhanga okwikiriza kwawe omuri We kandi nokumwebaza ahabw'okujuna. "Ruhanga, nimanya ngu nkusiisireho kandi nshemereire kufubirwa. Kwonka Yesu Kristo akatwara ekifubiro eki nshemereire kugira ngu ahabw'okwikiriza omuri We mbase kusaasirwa. Ninteeka obwesigye bwangye omuri Iwe ahabw'okujunwa. Ninkusiima ahabw'embabazi zaawe n'okusaasirwa - ekiconco ky'amagara agatahwaho! Amiina!"
Waacwiremu kwikiriza Kristo ahabw'ebi waashomire aha? Ku kiraabe nikwo kiri, yimata aha eipesha 'Nkaikiriza Kristo eri izooba' eriri ahansi. English
Oine ebibuuzo?