Ka’at chi:
Nikimanyisa ki okugira enkwatanisa nungi na Mukama Ruhanga waawe orikurabira omu kwikiriza Yesu Kristo?
Núuc t’aan:
Nikimanyisa ki kwikiriza Yesu nk'Omujuni waawe?
Orikirize Yesu Kristo nk'Omujuni waawe? Okwetegereza gye ekibuuzo eki, oine kubanza wamanya ebigambo "Yesu Kristo," " omuntu buntu," na "Omujuni."
Yesu Kristo nooha? Abantu baingi nibaza kwikiriza Yesu Kristo nk'omuntu omurungi, omwegyesa mukuru, nari entumwa ya Ruhanga. Ebi byoona ebirikugambwa ahari yesu, bihikire, kwonka tibirikutushoborora gye eki Yesu ari. Baibuli netugambira ngu Yesu ni Ruhanga omu mubiri, Ruhanga omu kyeshusha ky'omuntu (reeba Yohaana 1:1, 14). Ruhanga akaija omu nsi kutwegyesa, okututambira, okutuhabura, okutusaasira, n'okutufeera! Yesu Kristo ni Ruhanga, Omuhangi, Mukama ow'obushoboorozi bwona. Waikirize Yesu ogu?
Omujuni nooha?, kandi ahabwenki nitwetenga omujuni? Baiburi neetugambira ngu twena tusiisire; twena tukozire ebikorwa bibi (Abarooma 3:10-18). Ahabw'ebyokushisha byaitu,tushemereire ekiniga kya Ruhanga n'okucwerwa orubanja. Ekibonerezo kyonka eky'oburingaaniza ahabw'ebibi ebikozirwe ahari Ruhanga ow'ebiro n'ebiro, n'ekifubiro ekitarikuhwaho (Abarooma 6: 23; Okushuuruurwa 20: 11-15). Niyo nshonga ahabw'enki nitwetenga omujuni!
Yesu akaija omu nsi yaafa omu mwanya gwaitu. Okufa kwa Yesu kukaba okushashura ebibi byaitu (2 Abakorinso 5:21). Yesu akafa kushashura ekiheneso ky'ebibi byaitu (Abarooma 5:8). Yesu akashashura omuhendo kugira ngu titurikuza kushashura. Okuzooka kwa Yesu kuruga omu bafu nikyoreka ngu okufa kwe kukaba nikumara kushashura ekiheneso ky'ebibi byaitu. Niyo nshonga ahabw'enki Yesu niwe mujuni wenka (Yohaana 14: 6; Ebyakozirwe 4: 12)! Noyesiga Yesu nk'omujuni waawe?
Yesu niwe 'mujuni' waawe? Abantu baingi nibareeba obukristaayo nk'okuza omu kanisa, okukora emikoro, n'obutakora ebibi ebimwe. Ekyo tikirikukwata aha Bukristaayo. Obukristaayo obwabuzima n'omukago gwawe na Yesu Kristo. Okwikiriza Yesu nk'omujuni waawe nikimanyisa okuta okwikiriza kwawe n'obwesigye omuri we. Tihaine orikujunwa okwikiriza kw'abandi. Tihaine omuntu orikusaasirwa ahabw'okukora ebikorwa ebimwe. Omuringo gwonka ogw'okujunwa n'okwikiriza Yesu nk'omujuni waawe, okwesiga okufa kwe nk'okushashura ebibi byaawe, n'okuzooka kwe nk'obuhame bw'amagara agatahwaho (Yohaana 3:16). Yesu n'omujuni waawe?
Ku oraabe noyenda kwikiriza Yesu nk'omujuni waawe, gambira Ruhanga ebigambo ebirikukurataho. Ijuka, okugamba eshaara egi nainga endiijo, tikirikwija kukukiza. Okwikiririza omuri Yesu Kristo hamwe n'omurimo gwe ogwahwaire aha musharaba, nikyo kyonka ekirikubaasa kukukiza ebibi. Eshaara egi n'omuringo gw'okworeka Ruhanga okwikiriza kwawe omuri we, n'okumwebaza ahabw'okureeberera okujunwa kwawe. "Ruhanga, nimanya ngu nkakucumuraho kandi nshemereire kufubirwa. Kwonka ninyikiriza ngu Yesu Kristo akatwara ekifubiro ekyanshemereire kugira ngu okurabira omu kumwikiriza mbaase kusaasirwa. Nkatunga okusaasirwa kwawe kandi nkateeka obwesigye bwangye omuriiwe, okwangira okujunwa. Ninyikiriza Yesu nk'omujuni wangye! Webare embabazi zaawe ez'omutaano n'okusaasira, ekirabo ky'amagara agatahwaho! Amiina!
Waacwiremu kwikiriza Kristo ahabw'ebi waashomire aha? Ku kiraabe nikwo kiri, yimata aha eipesha 'Nkaikiriza Kristo eri izooba' eriri ahansi. English
Oine ebibuuzo?