Ka’at chi:
Omuhanda gwokujunwa niguuha?
Núuc t’aan:
Oine enjara ? Etari njara y'omubiri, kwonka oine enjara y'okwongyera ahabintu ebindi omu magara gaawe? Hariho ekintu ekiri omunda yaawe ekitarikumara? Ku kiraabe nikwo kiri, Yesu niwe muhanda! Yesu akagira ati: Niinye mugaati gw'amagara. Orikwija ahariinye tarigira njara, kandi orikwikiriza omuriinye tarigira eiriho (Yohaana 6:35).
Oyeshobiire? Nooshusha ngu torikubaasa kureeba omuhanda nainga ekigyendererwa omu magara gaawe? Nikishusha ngu nk’omuntu ararize etaara kandi tokumanya ahari kugigaruriraho? Ku kiraabe nikwo kiri, Yesu niwe muhanda gw'okujunwa! Yesu akagira ati: "Niinye mushana gw'ensi. Orikunkuratira taritamburira omu mwirima, kureka naija kugira omushana gw'amagara agatahwaho (Yohaana 8:12).
Obumwe noohurira nk'orikukingwa omu magara gaawe? Ogyerizeho enyigi nyingi, kwonka okashanga enyima yaazo hariyo busha kandi zitaine makuru? Nooronda omuryango gw'okutunga amagara marungi? Ku kiraabe nikwo kiri, Yesu niwe muhanda gw'okujunwa! Yesu akagira ati: "Ninye muryango; weena orikuraba omuriinye, naija kujunwa. Naija kutaahamu agarukye ashohore kandi atungye eby’okurya (Yohaana 10: 9)
Abantu abandi buriijo nibakuteganisa? Enkoragana yaawe etwire etari nungi kandi etarikukugasha? Nooreebeka nk'omuntu weena orikugyezaho kukoresa omugisha gwawe? Ku kiraabe nikwo kiri, Yesu niwe muhanda! Yesu akagira ati: Niinye omuriisa murungi. Omuriisa murungi naahayo amagara gye ahabw'entaama ze. Niinye omuriisa murungi; nimanya entaama zangye, n'entaama zangye zimanya. (Yohaana 10:11,14)
Noyebuuza ekirikubaho ahanyima y'amagara aga? Oruhire kubaho ahabw'ebintu ebirikujunda nainga ebirikukyerenya? Obumwe noobangaanisa yaaba amagara gaine ekigyendererwa kyoona? Nooyenda kutunga amagara agatahwaho bwanyima y'okufa? Ku kiraabe nikwo kiri, Yesu niwe muhanda gw'okujunwa! Yesu akagira ati: "Niinye kuzooka n'amagara. Orikwikiriza omuriinye, nobu yaakuba yafiire, naija kuba ohuriire, kandi orikwikiriza omuriinye, tarikwija kufa (Yohaana 11:25-26).
Omuhanda ni guuha? Amazima ni gaahi? Amagara ni gaahi? Yesu yamugarukamu ati: "Niinye muhanda, n'amazima, n'amagara. Tihariho o3ija ahari Taata, okwihaho orikuraba omuriinye (Yohaana 14: 6.)
Enjara ei orikuhurira n'enjara y'eby'omwoyo, kandi neebaasa kwijuzibwa Yesu wenka. Yesu niwe wenka orikubaasa kwihaho omwirima. Yesu niwe rwigi orurikuza omu magara agatahwaho. Yesu niwe munywani kandi omuriisa ou otwire nooronda. Yesu niwe magara g'ensi egi n'ensi erikwija. Yesu niwe muhanda gw'okujunwa!
Enshonga ahabw'enki orikuhurira enjara, enshonga ahabw'enki orikureebeka nk'oburire omu mwirima, enshonga ahabw'enki otarikubaasa kutunga ekigyendererwa omu magara gaawe, n'ahabw'okugira ngu okataanisibwa ahari Ruhanga. Baiburi neetugambira ngu twena tusiisire n'ahabw'ekyo tutanire na Ruhanga (Omubuurizi 7:20; Abarooma 3:23). Ekichweka eki orikuhurira omu mutima gwawe, nikimanyisa ngu toine Ruhanga omu magara gaawe. Okahangwa kugira omukago na Ruhanga. Ahabw'ekibi kyaawe, Otaanisibwe n'omukago ogwo. Ekibi munonga,ebibi byawe nibiija kukureetera okutaana na Ruhanga ebiro byona, omu magara aga n'agarikwenda kwija (Abarooma 6: 23; Yohaana 3: 36).
Ekizibu eki nikibaasa kumarwaho kita? Yesu niwe muhanda gw'okujunwa! Yesu akeetwarira ebibi byawe (2Abakorinso 5:21). Yesu akafa omu mwanya gwawe (Abarooma 5:8), yaatwara ekifubiro ekikushemereire. Bwanyima y'ebiro bishatu, Yesu akazooka omu bafu, arikworeka obusinguzi bwe aha kibi n'okufa (Abarooma 6:45). Ahabwenki yakikozire? Yesu akagarukamu ekibuuzo ekyo: "Tihariho rukundo erikukira egi, omuntu kuhayo amagara gye ahabwa banywani be" (Yohaana 15: 13). Yesu akafa ngu otungye amagara. Ku orate okwikiriza kwawe omuri Yesu, okesiga okufa kwe nk'okushashura ebibi byawe, ebibi byawe byona nibisasirwa kandi bwogibwa. Obwo noija kumarwa enjara y’eby'omwoyo. Etaara neija kwaka. Noija kutunga amagara agarikumara. Noija kumanya munywani waawe owaabuzima kandi omuriisa murungi. Noija kumanya ngu oine amagara bwanyima y'okufa - amagara g'okuzooka omu iguru na Yesu ebiro byona!
"Ahakuba oku nikwo Ruhanga yaakunzire ensi, akahayo Omwana we omwe nyamunegyere, ngu omuntu weena orikumwikiriza arekye kuhwerekyerera, kureka atungye amagara agatahwaho" (Yohaana 3:16).
Waacwiremu kwikiriza Kristo ahabw'ebi waashomire aha? Ku kiraabe nikwo kiri, yimata aha eipesha 'Nkaikiriza Kristo eri izooba' eriri ahansi. English
Oine ebibuuzo?