settings icon
share icon
Question

Isá Alla ne? Isá ye honó din Alla hoói dabi goijjé ne?

Answer


Zetará Isá Alla de yían inkár goré, ítará hoóde, Isá ye honó din Íba Alla de yían dabi noó goré. Yián sóyi de ki Baibéle Isár sothík hotá yián no leké ki, "Añí Alla.” Yían or maáni honó endillá noó de ki, Isá ye honó din Íba Alla de yían dabi noó goré.

Isá Alla ne? — Isá Alla de yián Isá ye dabi goijjé.

Isá ye Yuhúnna 10:30 ot hoiyé de hotá yían oré forí “Añí edde Añár Baf Ek.” Añára Isá ye hotá hoiyé de yián ot maze Ibá Nize Alla dabi goijjé de yían zani bollá Yuhúdi ókkol or hálot oré saái. Isá ye hotá yían hoiyé de hetólla Yuhudi ókkole Isá re cíl or dolá maittóu saáil ar hoóil de: “Tuñí ek zon manúic ói, Nizoré Nize Alla dabi gorór.” (Yuhúnna 10:33) Yián ot Isá ye Nizore Alla dabi goijjé de yían Yuhúdi ókkolé sáf gorí buijjé. Isá ye zeéñtte hotá yián hoiyé “Añí edde Añár Baf Ek,” yían llói buzáitóu saiye de, Íba edde Baf fitórot ot edde hasílot ot ek. Yuhúnna 8:58 óilde arekkán saabut: “Isá ye hoódde, “Añí tuáñra ré sóiyi-sóiyi hoóir, Ibrahím zormo óibar age lóti Añí así!” Yián Hízorot 3:14, Alla ye Nizore “AÑÍ” hoói zahér goijjíl. Zeéñtte Yuhúdi ókkole hotá yían fuinné héeñtte Musayi córiyot mozin (Imamikaanun 24:16) Isá ye kuféri goijjé hoói dola maittóu cíl or dola feñçái lóil.

Isá Alla ne? — Isár saáñti (Sahába) ókkolé Íba Alla de yían hoiyé.

Yuhúnna ye Isá Alla de yían or baabute bíci thaim hoiyé: “Kalam {Isá} Alla accíl” edde Kalam Insan boinné”(Yuhúnna 1:1, 14). Ayát iíne Isá Alla montor insan or jisím loiyé de yían sáf gorí dehá. Paráksis 20:28 ot añára re hoóde, “Allar zomát or soroya bono, ziyán Íba ye nizor lou loi kinné.” Zomát oré nizor lou di honé kinné de? “Isá Moósi ye”. E ayát ibá ye hoóde, Alla ye Nizor lou di Íbar zomát oré kinné. Yían ólla, Isá Alla de yían añára sáf gorí dekí farí.

Isár sahába Toómase Isá re hoiyé de, “Añár Malik edde añár Alla” ( Yuhúnna 20:28). Toómase Isá re Malik edde Alla hoiyé de yála Isá ye ítare Añí Malik edde Alla noó hoói maná noó goré. Titus 2:13 ayáte, añárá re añárár taakot ola Alla edde Nejat doiya Isá Moósir kudurutir zahérir uzu díyan rakibólla yó cíkka de (2 Fitor 1:1 ayat ot óu loót faa). Hibraniyól 1:8 , Bafe Isá re hoódde, “Montor Íba ye Fua ré hoóde ki, “Ó Alla, tuáñr toktó abadulabad táke, Ar Tuáñr raijjor loçí óilde insáf or loçí.” Bafe Isá re Alla hoói dháikké ziyáne dehá de Isá Alla.

Zahérit, eggwá Firísta ye Aásaf Yuhúnna re baná Alla re sóida goittóu hoiyé (Zaheri 19:10). Pak Kalam ot añára bicí thaim ot Isá re maincé sóida goijjé de dekí.

(Moti 2:11;14:33;28:9,17; Lukás 24:52; Yuhúnna 9:38). Maincé zeéñtte Isá re sóida goittóu héeñtte Isá ye ítara re Añáre sóida no goijjó hoói mana no goittóu. Zodi Isá Alla no de óile Isá manúic zetará Isá re sóida goittóu itára re Añáre sóida no goijjó hoói mana goittóu, zendillá Zaherit firísta ye Yuhúnna re hoiyé. Iín baade Allar Kalam (Baibél) ot aró bicí rukú edde ayát ókkol asé ziíne Isá Alla de yían saabut goré.

Isá Alla ne? — Waja iíne dehá de Isá Alla.

Bíci zorúri waja óilde yián ki , Zodi Isá Alla nóo de óile, Íbar morá ye fura duniyáir manúic or gunár dam fúñji no faittóu (1 Yuhúnna 2:2). Zodi Isá Alla noi manúic oitóu toóile Íbar morá ye ofúrani Allar uldhá manúice guná goijjé de dam híin fúñji no faittóu, kiyólla hoilé ofúrani cáñzar dam híin baná ofúrani Alla ye fúñji faré de. Baná Alla ye duniyáir guná re dúr gorí faré de (2 Kórintiyól 5:21), morá edde morá ttú zinda uwá ye guná edde moot oré Isá ye zitté de yían saabut goré.

Isá Alla ne? Ói, Isá Alla. Isá Alla de yían Íba nize dabi goijjé. Íbar sahába ókkolé Íba Alla de yían biccác goijjé. Nejat Isá Alla de yían ólla dií faijjé de. Isá Alla montor insan or jisím loiyé, Íba ofúrani Alfa edde Omíga (Zahéri 1:8;22:13), edde Íba añárár Alla nejat doiya (2 Fitor 1:1).

English



Ruwáingga gór or fatat firí zov

Isá Alla ne? Isá ye honó din Alla hoói dabi goijjé ne?
© Copyright Got Questions Ministries