Question
Gunár maf faiyó ne? Añí Alla ttú añár gunár maf keéngori faiyúm?
Answer
Paráksis 13:38 ye hoóde, “Hétolla, óu báiyain, tuáñra yián zani loo de ki, Isár duara tuáñrár hañsé guná maf faibár baabute tobolik gorá zar.”
Gunár maf hoóde yían ki edde yían añáttu kiyólla lagé?
“Maf” maáni, fuñsí sáf gorón, kóoma gorón, hozzó fúñzon. Zeéñtte añára ekzon llói ekzon búl gorí, héeñtte añára maf sáai zeéne añárár taalukot boní táke. Maf gorá maf fáibar laayek de hetólla gorá zaa de noó. Honó kiyé maf faibár laayek noó. Maf gorá ekkán, muhábbot, doiya edde rahámot or ham. Maf gorá ekkán, ar-ekzone hosúri goijjé de yían oré uldha gorí no dóribar faiséla.
Baibéle añára re hoóde, añára ttú añárár gunár maf Allar háñsottú saá foribóu. Añára fottí ekzone guná goijjí. Waázi 7:20 hoóde, “Duniyáit endillá ekzon manúic nái, zee honó din guná no gorí gom ham goré”. 1 Yuhúnna 1:8 hoóde, “Zodi añára hoói, añára ttú guná nái, toóile añára nizore nize duká diír, ar sóyi añárár bútore nái.” Fottí ekkán guná óilde Allar uldhá ham (Zobur 51:4). Añára ttú hetólla hamahá Allar háñsottú maf saá foré. Zodi añárár guná maf gorá no zaa, tóoile abadulabad añára ttú añárár gunár cáñza faa foribóu, maáni, zuzúk ot zola foríbou (Moti 25:46; Yuhúnna 3:36).
Gunár maf — Yían añí keéngori faiyúm?
Alla re cúkuria gorí. Alla óilde Muhábbot olá edde Doiya olá – Íba ye añárár guná maf gorí ditóu saá! 2 Fitor 3:9 hoóde, “Íba tuáñra llá sobór gorédde, kiyólla hoilé honó ekzon dónco óde yián Íba ye no saá, bólke fottí ekzon touwár hañsé firí aiyé de yían saá.” Alla ye añárár guná maf gorí ditóu saá, yían ólla Íba ye maf faibár rasta milái diyé.
Siríf añárár gunár insáfi dam óilde ‘moot’. Romiyól 6:23 cúrur ekdók ot hoóde, “Kiyólla hoilé gunár dam óilde moot…” Añárár guná llá hámaiyi de yían óilde ofúrani moot. Alla ye Íbar sóyi mossús lói, ekzon Manúic boinné – Íba óilde Isá Moósi (Yuhúnna 1:1,14). Isá ye añára faitám de cáñza híin loi kúruc or uore moijjé. 2 Kórintiyól 5:21 añára re cíka de, “Alla ye añára llá bóuli guná sára Wa re guná óla banáiye, zeéne añára Íbar bútore Allar dórmik boni fari.” Isá ye añára faitám de cáñza híin loi kúruc or uore moijjé! Alla ye dede héndilla, Isár moote furá duniyáir gunágar or guná llá maf milái diyé. 1 Yuhúnna 2:2 hoóde, “Ar Íba Nize añárár gunár koffára, sírif añárár noó, bólke fura duniyáir guná llá yó.” Isá ye moot ottú zinda ói uçí deháiye de Íba ye guná edde moot oré zitté. (1 Kórintiyól 15:1-28). Allar taarif oúk. Isár mora ye edde zinda ói uçá ye, añára re Romiyól 6:23 or edók ot sóyi hoó de, “…montor añárár Malik Moósi Isár duara Allar hádiya óilde ofúrani zindigi.”
Tuñí tuáñr guná maf fáitou soó ne? Tuáñttu endillá ekda afsús or bafáni asé ne ziyán oré tuñí dúr gorí no farór? Zodi tuñí Isá re iman llói tuáñr nizor Basáiloiya ísafe gosóu tóoile tuñí tuáñr gunár maf faibá. Íficiyól 1:7 hoóde, “Moósir lou wór duara añára uddár faiyí, Allar dhoóñr rahámot lói añárár guná maf faiyí,.” Isá ye añárár gunár hozzó fuiñjjé zeéne añárár guná maf fái. Yála tuáñttu gorá foribóu de baná ki, tuñí Alla re Isá Moósir bútore dií tuáñr guná maf goittóu hoó, ar Isá ye tuáñr guná maf goittóu moijjé de yían biccác goró — baade Íba ye tuáñr guná maf gorí dibóu! Yuhúnna 3:16-17 ayáte e taajuippa hóbor yían dee, “Kiyólla-hoilé Alla ye duniyái ré bicí muhábbot gorí Nizor siríf ek Fua ré Íba yé diyé, zeéne zee kiyé Hé Fuar uore iman ané, íte nac noó bólke ofúrani zindigi fa. Kiyólla-hoilé Alla ye duniyáir maincór hosúr dóri bollá Íbar Fua ré duniyáit difeçáiye dé noó, bólke duniyáir maincé Hé Fuar duara nejat fai bollá.”
Gunár maf — Sóyi yían asán?
Ói, yían asán! Tuñí tuáñr gunár maf Alla ttú kessú dií hamái no faribá. Tuñí tuáñr gunár maf Alla ttú kini yo no faribá. Baná tuñí gunár maf yían tuáñr iman llói edde Allar rahámot edde doiya lói hásil gorí faribá de.
Zodi tuáñttú Isá Moósi re nizor Basáiloiya ísafe gositóu edde gunár maf hasíl goittóu mone hoó toóile dua ibá gorí faribá. Dua ibá yatóu honó dua gorí tuñí guná ttú maf noó faibá. Baná Moósir uore iman rakíle tuáñr gunár maf faibá. Dua iba eggwá ende dua tuáñr iman oré zahér gorí bollá edde tuáñr guná re Alla ye maf goijjé de yían ollá cúkuria goríbollá.
“Oú Alla, añí zani de, añí Tuáñr uldhá guná goijjí edde cáñza faibár laayek boinní. Montor Isá Moósi ye añár cáñza Íbar uore loiyé zeéne Íbar uore iman aní añár guná maf fái. Nejat fai bollá añár iman Tuáñr uore raikkí. Tuáñr taajuippa rahámot ollá edde guná maf gorá llá Tuáñre cúkuria! Amín!”
Eçé foijjó de híin ólla tuñí Moósi re gosí loibá hoói faiséla goijjó ne? Zodi goró, toóile doiya gorí “Añí Moósi re aijjá gosí loiyí” hoói lamát bothón asé de ibár uoré sibán maró.
English
Gunár maf faiyó ne? Añí Alla ttú añár gunár maf keéngori faiyúm?