Biblia inasemaje kuhusu tabia?


Swali: "Biblia inasemaje kuhusu tabia?"

Jibu:
Tabia inaweza kuelezewa kama "kitu kinachofanyika mara nyingi, na hivyo, kwa kawaida hufanyika kwa urahisi, kitendo ambacho kinapatikana na kimetokea moja kwa moja." Sisi sote tuna tabia fulani, iwe nzuri au mbaya. Hata watoto wachanga wanaweza kuja ulimwenguni na tabia ya kunyonya vidole vyao tayari. Hata hivyo, kwa ajili ya Wakristo, maisha yao yote ni ya kubadilishwa kwa upyaji wa mawazo yetu (Warumi 12: 2). Hii ina maana ya kubadilisha tabia za zamani (mbaya) kwa mpya (nzuri), ili kumpendeza Bwana. Kwa mfano, " Yatendeni mambo yote pasipo manung'uniko wala mashindano" (Wafilipi 2:14) inaweza kutaka tabia mpya kwa upande wetu.Tunaweza kuendeleza muundo mpya wa kufikiri, kutoka maovu na kufikiria mema "tukiangusha mawazo na kila kitu kilichoinuka, kijiinuacho juu ya elimu ya Mungu; na tukiteka nyara kila fikira ipate kumtii Kristo."(2 Wakorintho 10: 5).

Amri ya Mungu "Usiibe" inamaanisha kwamba tunapaswa kuendeleza tabia ya kuwa waaminifu katika vitu vyote. Hii inaweza kuhitaji tabia mpya kwa baadhi yetu. Ni "kuzima" asili yetu ya kale na "kuvaa" asili mpya tunayopewa wakati tulizaliwa kiroho katika familia ya Mungu (Wakolosai 3: 9-10). Hii sio rahisi kufanya na kwa kweli haiwezekani kwa nguvu zetu wenyewe. Lakini Paulo anatukumbusha, " Nayaweza mambo yote katika yeye anitiaye nguvu." (Wafilipi 4:13).

Kuhusu tabia zinazohusu masuala ya afya, kama vile kutumia madawa ya kulevya, sigara, kunywa, uasherati, nk, tunaambiwa, "Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe; maana mlinunuliwa kwa thamani. Sasa basi, mtukuzeni Mungu katika miili yenu." (1 Wakorintho 6: 19-20). "Tena msilewe kwa mvinyo, ambamo mna ufisadi; bali mjazwe Roho" (Waefeso 5:18).

Kwa wale ambao ni wa Yesu Kristo, kuunda tabia mpya kwa kudhibitiwa na Roho Mtakatifu huwa njia ya uzima. Tabia hizi mpya zinaelezwa na Yesu kama kumpenda. Yesu akajibu, "Yesu akajibu, akamwambia, Mtu akinipenda, atalishika neno langu; na Baba yangu atampenda; nasi tutakuja kwake, na kufanya makao kwake." (Yohana 14:23). Jambo muhimu zaidi, tunaambiwa, "Na chochote unachofanya, fanya yote kwa utukufu wa Mungu ..." (Wakolosai 3:17).

English


Rudi kwa ukurasa wa nyumbani wa Kiswahili

Biblia inasemaje kuhusu tabia?