Ni nani aliyekuwa Yesu halisi wa kihistoria?



Swali: "Ni nani aliyekuwa Yesu halisi wa kihistoria?"

Jibu:
Bila shaka, mojawapo ya maswali yanahuulizwa mara kwa mara ni "Yesu alikuwa nani?" Hakuna shaka kwamba Yesu ana jina lililo na sifa kubwa zaidi duniani kote. Theluthi ya idadi ya watu duniani-karibu watu bilioni 2.5-wanajiita Wakristo. Uislamu, ambao una watu karibu 1.5 bilioni, hutambua Yesu kama nabii mkuu wa pili baada ya Mohammed. Kwa watu 3.2 bilioni waliobaki (karibu nusu ya wakazi wa dunia), wengi wamesikia jina la Yesu au kujua kuhusu Yeye.

Ikiwa mtu angeweka pamoja muhtasari wa maisha ya Yesu tangu kuzaliwa kwake hadi kifo chake, itakuwa ni kidogo sana. Alizaliwa na wazazi wa Kiyahudi huko Bethlehemu, mji mdogo kusini mwa Yerusalemu, wakati eneo hilo lilikuwa chini ya utawala wa Kirumi. Wazazi wake walihamia kaskazini kwenda Nazareti, ambako alikulia; kwa hiyo alikuwa anajulikana kama "Yesu wa Nazareti." Baba yake alikuwa selemala, hivyo Yesu alijifunza taaluma hiyo katika miaka yake ya mapema. Alipokuwa na umri wa miaka thelathini, alianza huduma ya umma. Alichagua watu kumi na wawili wa sifa mbaya kama wanafunzi wake na kufanya kazi kutoka Kapernaumu, kijiji kikubwa cha uvuvi na kituo cha biashara kwenye pwani ya Bahari ya Galilaya. Kutoka huko alisafiri na kuhubiri katika kanda ya Galilaya, mara nyingi akihamia miongoni mwa watu wa mataifa mengine na Wasamaria walio na safari za kwenda Yerusalemu.

Mafundisho ya kawaida ya Yesu na mbinu zake ziliwashtua na kuwasubua wengi. Ujumbe wake wa mapinduzi, pamoja na miujiza ya ajabu na uponyaji, ulivutia umati mkubwa. Utukufu wake kati ya watu ulikua kwa haraka, na, kwa sababu hiyo, ulikuwa umeonekana na viongozi wenye ustadi wa imani ya Kiyahudi. Hivi karibuni, viongozi hawa wa Kiyahudi wakawa na wivu na hasira ya mafanikio Yake. Wengi wa viongozi hawa waligundua mafundisho Yake yenye chuki na waliona kuwa mila yao ya dini na sherehe zilikuwa zimeatalishwa. Hivi karibuni walipanga na watawala wa Kirumi kumwua Yeye. Ilikuwa wakati huu kwamba mmoja wa wanafunzi wa Yesu alimsaliti Yesu kwa viongozi wa Kiyahudi kwa kiasi cha fedha. Muda mfupi baadaye, walimkamata, wakapanga kwa ukali mfululizo wa majaribio ya kukejeli, naye akahukumiwa kwa kusulubiwa.

Lakini tofauti na historia yeyote, kifo cha Yesu sio mwisho wa hadithi yake; ilikuwa, kwa kweli, mwanzo. Ukristo upo kwa sababu ya kile kilichotokea baada ya Yesu kufa. Siku tatu baada ya kifo chake, wanafunzi wake na wengine wengi wakaanza kudai kwamba alikuwa amefufuliwa kutoka kwa wafu. Kaburi lake lilipatikana tupu, mwili ulienda, na maonyesho mengi yalishuhudiwa na makundi mengi ya watu, mahali tofauti, na kati ya hali tofauti.

Kama matokeo ya yote haya, watu walianza kutangaza kwamba Yesu alikuwa Kristo, au Masihi. Walisema ufufuo wake ulithibitisha ujumbe wa msamaha wa dhambi kupitia dhabihu yake. Mara ya kwanza, walitangaza habari njema hii, inayojulikana kama Injili, huko Yerusalemu, jiji lile ambalo aliuawa. Huu umati mpya hivi karibuni hukajulikana kama Njia (ona Matendo 9: 2, 19: 9, 23, 24:22) na kupanuka kwa haraka. Kwa muda mfupi, ujumbe huu wa injili wa imani ulienea hata zaidi ya mkoa, ukapanuka mpaka Roma na hata nje ya ufalme wake mkubwa.

Yesu bila shaka alikuwa na athari kubwa katika historia ya ulimwengu. Swali la "Yesu halisi wa kihistoria" linaweza kujibiwa vizuri kwa kujifunza athari za Yesu kwenye historia. Maelezo pekee ya athari isiyolinganiswa ambayo Yesu alikuwa nayo ni kwamba Yesu alikuwa zaidi kuliko mtu tu. Yesu alikuwa, na ni, hasa ambaye Biblia inasema Yeye ni-Mungu kuwa mtu. Mungu pekee ambaye aliumba ulimwengu na udhibiti wa historia anaweza kuathiri ulimwengu kwa kiasi kikubwa.


Rudi kwa ukurasa wa nyumbani wa Kiswahili

Ni nani aliyekuwa Yesu halisi wa kihistoria?