Ne ye n ka lannaya bla Yezu kan…mun le toora sisan?


I ni kunnadiya! I ye ŋaniya min ta o y’i ka diɲɛlatigɛ yɛlɛmani ye! Adɔrɔ i b’i ɲinanga, “Mun le tora sisan? Ne bi n ka tagama kɛ Ala yɔrɔ cogo di?” Bibuli ye sɛgɛsɛgɛli duuru d’i ma. Ni i bi nin ɲiningali ye i ye taa siti https://www.gotquestions.org/Dyula nin kan.

1. I ye la ra k’i ye faamuyani kɛ kisili ko kan.

1 Zan 5:13ko, “Ne ye nin sɛbɛn ka ci aw ma, aw minw lanin be Ala dencɛ la, waasa aw k’a lɔn ko nii banbali ye aw ta ye.”Ala b’a fɛ ko an ka faamuyani kɛ kisili kan. Ala b’afɛ ko anw ka lɔn ko anw kisira. An bena kuma sɛgɛsɛgɛli duuru nin kan.

(a) Anw bɛɛ ye jurumu kɛ. An bɛɛ ye ko dɔw kɛ minw ma bɛn Ala ma. (Ɔrɔmukaw 3:23).).

(b) An ka jurumuw kama, an ka kan ni ɲangili banbali ye ni o yi faran banbali ye ni Ala ye (Ɔrɔmukaw 6:23).

(c) Yezu sara gwengwen yiri kan an ka jurumu ɲangilikosɔn (Ɔrɔmukaw 5:8, 2 Korɛntikaw 5:21). Yezu sara anw nɔɔna ni ɲangilimin ka kan anw ma. A kunnu suuw cɛma b’a yira ko a ka saya ye labɔli kɛ ka se ka an ka ɲangili sara.

(d) Ala b’I yafali kɛ minw bɛɛ ye lannaya kɛ Yezu ra – la la ra ko a ka saya tun ye an ka ɲangili sara ye (Zan 3:16; Ɔrɔmukaw 5:1; Ɔrɔmukaw 8:1).

O le ye kisili ka kunnafoli ye! Ni I lara Yezu Krista ra ko I ka Kisiba lo, I kisila! I ka jurumuw bɛɛ yafara, Ala b’I daa ta ko a t’I labla (Ɔrɔmukaw 8:38-39; Matiyo 28:20). I hakili jigi ko I ka kisi kɔrɔsilin lo Yezu fɛ (Zan 10:28-29). N’I lara Yezu drɔn na ko I ka Kisiba lo, I bi se ka la ra k’I bina to nii banbali ye ni Ala arijina kɔnɔ!

2. Aw ye Ala ka eglisi ɲuman yala min bi bi Bibulu kuma fɔ aw ye.

Aw kana miri ko eglisi dannin lo bon drɔn nin ma. Eglisi ye mɔgɔw lo ye. Aw kan ka lɔn kosɔbɛ ko mɔgɔw minw bi tugu Yezu kɔ kan ka jɛɲɔgɔn na. O le ye eglisi ka saliya fɔlɔ ye. Komi aw y’a ka lannaya bla Yezu Krista kan,an bi ladilikan min d’aw ma aw ka eglisi yala min be aw ka dugu kɔnɔ ka se ka kuma Pastɛri fɛ. Aw ye kuma a fɛ n’aw lannaya kura ye Yezu Krista kan.

Eglisi ka baara filanan o ye ka mɔgɔw kalan Bibulu la. I bi se ka lɔn I kan ka Ala ka bato cogo min na. Ni I ye Bibulu lɔn I bi diɲɛlatigɛɲuman sɔrɔ I ka Ala minɛ bolo sira la. 2 Timote 3:16-17 ko, “Ala ka kuma bɛɛ sɛbɛnna Ala yɛrɛ ka sebagaya barika la. Nafa b’o la ka mɔgɔw kalan n’a ye, ani ka galon ban, ani ka mɔgɔw bila siraɲuman kan, k’u tilen. Waasa Ala ka baarakɛla ka kɛ mɔgɔdafanin ye ka se ka ɲuman sifa bɛɛ kɛ.”

Eglisi ka baara sabanan ye alabato ye. Ka Ala bato o ye barika ka di Ala ma a ye fɛn min bɛɛ kɛ. Ala ye anw kisi. Ala bi anw kanu. Ala ye ne ka minandila ye. Ala b’an bla sira ka sira yira an ma. Mun na n t’a barikala. Ala ye senuma le ye, hɔrɔye, makaritigi, a be ni nɛɛma caman ye. Yirali 4:11 , “An Matigi n’an ka Ala, I ka kan ni bonya ni tandoli ye, k’I ka sebagaya koo fɔ! Bari ele ye fɛn bɛɛ dan, a diyara I ye, e y’u bɛɛ dan.”

3. Lon bɛɛ aw tuman bɔ Ala ye.

An ka sɛbɛn don an ka Ala ko ra lon o lon. Dɔw bi o tuman nin wele ko “limanaya waati”. Tuman min lo an bi an yɛrɛ don Ala la. Dɔw bi Ala bato sɔgɔma, dɔw ye wulafɛ. Aw bena kɛ tuman min na o wajibiyani tɛ. Aw ka kan ka se ka kɛ waati sɔrɔ drɔn Ala kama. Tuman juman lo ka ɲi aw ma?

(a) Seli. Ka seli o ye ka kuma ni Ala ye drɔn. Aw ye kuma ni Ala ye aw ka kunnasiri ni aw gwɛlɛyaw kosɔn. Ala dali hakilitigiya ra ani blasirali. Ala deli ka minandi i ra. A fɔ Ala I y’a kanu cogo min na ka yir’a la aw b’a fo cogo min na a yi min bɛɛ kɛ aw ye. Seli kɔrɔ le ye nin bɛɛ ye.

(b) Ka Bibulu kalan. Ka tɛmɛ Bibulu kalan o bi aw degi eglisi ra, hatilon kalan min kɛ, eglisi ka Bibulu kalan – I kan ka Bibulu kalan kɛ I yɛrɛ ye. Ni I ye Bibulu lɔn I bi diɲɛlatigɛɲuman sɔrɔ I ka Ala minɛ bolo sira la. Ala ka ladilikanw b’a kɔnɔ ka se ka ladilikwn ɲuman ta ani hakili ɲuman sɔrɔ, ka Ala sago lɔn, ka se ka mɔgɔw kalan, ani ka se ka bonya sɔrɔ Yezu ka sira kan. Bibulu ni ye Ala ka kumakan anu fɛ. Bibulu ye Ala ka livuruba le ye ka se ka an ka diɲɛlatigɛ sabati ani ka se ka diya Ala ye.

4. Jɛɲɔgɔn jɔn jɔnw minw bi se ka I dɛmɛ Yezu Krista ka sira kan.

1 Korɛntikaw 15:33 kofɔra an ye ko, “Aw kana aw yɛrɛ nigɛ:’Tagamaɲɔgɔnjugu b’a taamaɲɔgɔɲuman cogo cɛ.’” Bibulu be sara anw na ko ladilikanw be yen minw be an tanga ka bɔ “tagamaɲɔgɔnjugu” ma. N’an bi to ni minw tagamaɲɔgɔnjugu ye tuman bɛɛ o bi kojugu nigɛ don an na. Jogo min be an tuguɲɔgɔnw na o bi “nɔɔrɔ” an ma. O ra sa, an kan ka tugu mɔgɔ minw be Ala kanu ani minw bi baara kɛ a tɔgɔ ra.

A yala ka mɔgɔ kelen walima fila, minw be e ka eglisi kɔnɔ ka kɛ I teriw ye, mɔgɔ minw bi se k’I dɛmɛ k’I walawala (Eburuw 3:13; 10:24). I teriw dali k’I dɛmɛ na k’I ka seli waati kɔlɔsi, k’I ko kɛ taw jɛ ka ɲɛ, ani I ka Ala sira taaman. O dali ni I be se ka ɲcgɔn kɛ o ye. A ma fɔ k’I ka kan k’I yɔrɔ janya I teriw minw ma Matigi sɔn Yezu Krista kom’o Kisiba. Banba ka kɛ o teriw ye ani k’o kanu. A yira o ra ko Yezu ye e ka diɲɛ yɛlɛma e ti se ka kɛ komi fɔlɔ e tun bi min kɛ. Ala deli k’a bi dɛmɛ I ka se a ka kuman fɔ I teriw ye.

5. Batɛmuta.

Mɔgɔ caman ti Batiseli kɔrɔ lɔn. Ka Batiseli kɛ kɔrɔ b’a yira k’I “donnan jii jukɔrɔ.” Bibulu y’a fɔ k’o ka Batɛmuta k’I yɛrɛ yira jaman na k’i sɔnnan Yezu ra ani I yɛrɛ di a ma. Ka don jii jukɔrɔ kɛra komi e sutrala ni Yezu ye. Ka segi ka bɔ jii kɔnɔ a ye Yezu ka kunnu sɔrɔsuuw cɛma. Ka Batɛmu ta I y’I yɛrɛ yira Yezu ka saya ra, a ka sukoya ra, ani a ka kunnu suuw cɛma(Ɔrɔmukaw 6:3-4).

Batɛmuta ti mɔgɔ kisi. Batɛmuta ti ko ka bɔ i ka jurumu ra. Batɛmuta bi yira ko kolo Ala ye, ka yira mɔgɔ caman cɛma k’i lara Yezu kelepe ra ka kisili sɔrɔ.Batɛmuta ye koba barisa a ye Ala kolo ko ye—mɔgɔ caman cɛma ka koɔ k’i y’i lannaya la Yezu ra k’i yɛrɛ d’a ma. Ni sɔnna ka Batɛmuta a fɔ i ka pastɛri ye.

English
Aw bi sekɔ Julakan siti daminɛ kan
Ne ye n ka lannaya bla Yezu kan…mun le toora sisan?