I be ni nii banbali ye wa?


Ɲiningali: I be ni nii banbali ye wa?

Jaabili:
Bibulu ye sira tilennnin lo yira min ye nii banbali sira ye. Fɔlɔ, an kan ka lɔn k’anw ye jurumu ko kɛ Ala la: “Bari mɔgɔ bɛɛ ye hakɛ kɛ, u yɔrɔ janyana Ala ka nɔɔrɔ.” (Ɔrɔmukaw 3:23). An bɛɛ yi koo kɛ min man di Ala ye, nin b’a yira ko anw ka kan ka ni Ala ka tɔɔrɔ ye. Komi anw bɛɛ ye jurumu ko lo kɛ Ala la, an ka kan ni ɲangili banbali ye. “Bari hakɛ sara ye halakili ye, nga Ala ka nilifɛn ye nii banbali ye an ka Matigi Yezu Krista barika la.” (Ɔrɔmukaw 6:23).

O tuman, Yezu Krista, min hakɛ kɛ ka ye (1 Piyɛrie 2:22), Ala ka deen kelepe min bi n’a ye waati (Zan 1:1,1’) min saya ye anw ka ɲangili sara ye. “Nga Ala y’a yira an na ko b’an kanu. K’an to an ka hakɛ la, Krista sara an kosɔn.” (Ɔrɔmukaw 5:8). Yezu Krista sara gwengwen yiri kan (1 Zan 19:31-42), ka anw ka ɲangili nin minɛ (2 korɛntikaw 5:21). Tile saba kɔfɛ a kunnuna suuw cɛma (1 Korɛntikaw 15:1-4), k’a kunnawolo yira ni hakɛ ani saya ye. “A ka makarila an na kosɔbɛ k’an kɛ danfɛnkura ye ka jigi ɲanaman di an ma Yezu Krista ka kununni barika la ka bɔc kaburu la.” (1Piyɛri 1:3).

Ni lannaya ye, anw ka kan ka yɛlɛma ni anw ka ye ko ni Krista – mɔgɔ min lo, a ye min kɛ, mun kama a y’a kɛ- kisili kama (Cidenw 3:19). Ni an ye lannaya bla a kan, ka la a ra ko a ka saya gwengwen yiri kan bi an ka hakɛ nin tɔɔrɔ sara, an be yafali sɔrɔ ani ka daa ta nii banbali kan arijana kɔnɔ. “Ala ye diɲɛ kanu haali, fɔɔ a y’a Deen kelepe ci mɔgɔw ma, waasa ni min y’a jigi la a kan, o tigi kana halaki, nga o ka nii banbali sɔrɔ.” (Zan 3:16). “N’I sɔnna ka fɔ ko ko Yezu ye Matigi ye ani ka l’a la ko Ala y’a kunun a sanin kɔ, e bena kisi.” (Ɔrɔmukaw 10:9). Lannaya drɔn Yezu ye baara min kɛ gwengwen yiri kan o le ye nii banbala sira kelen ye! “Aw lar’a la minkɛ, o le y’a to aw kisira lanɛɛma barika la, o te aw yɛrɛ seko ye, o ye Ala ka nili ye. O ma kɛ aw ka kɛwali sababu la, janko mɔgɔ si ti se k’a yɛrɛ bonya.” (Efɛzikaw 2:8-9).

Ni i sɔnna Yezu Krista ra ko I ka Kisiba lo, segi nin seli nin kan. Kana ɲina, ko ni I segira nin seli nin kan walima seli dɔ wɛrɛ ko i bena kisi. Krista drɔn ka lannaya o lo bi kisi. Nin seli lo ye cogo ye ka yira Ala la ko I b’a barikala ka y’I e kisi. “Ala, ne b’a lɔn ko ne ye hakɛ ta ele kan, ne b’a lɔn ko ne ka kan ni ɲani ye. Nga Yezu ye ne ka ɲani minɛ ne tun ka kan nin min ye walasa ne ka lannaya ale kan ne ka yafali sɔrɔ aw fɛ. Ne i lanin lo a kan walasa n ka kisi sɔrɔ. Aw barika aw ka barika ani aw ka yafali kosɔn- aw ye nii banbali ni di ne ma! Amiina!”

Aw sɔnnɔ Yezu la aw ye fɛn min kalan siti nin kɔnɔ? Nin aw sɔnna, aw ye “ne sɔnna Yezu ra bi” digi.

English
Aw bi sekɔ Julakan siti daminɛ kan
I be ni nii banbali ye wa?