Ɲiningali
Sira juman lo ye kisili sira nin ye?
Jaabili
Kɔngɔ b’I ra wa? Dumuni kɔngɔ tɛ, diɲɛ kɔnɔfɛnfisaman dɔ wɛrɛ kɔngɔ b’I ra wa? Fɛn dɔ b’I ka dusu kɔnɔ min ti sɔn k’ifa kɛlɛkɛlɛ wa? N’o lo,Yezu ye sira nin ye!
Yezu ko, “Ne le ye dumunifɛn ye min be nii kura don mɔgɔ la. Ni mɔgɔ min sɔnna ne ma, kɔngɔ t’o tigi minɛ tugu. Ni min lara ne la, minnɔgɔ t’o tigi minɛ tugu. ”(Zan 6:35)
I ye malobagatɔ lo wa? I ti ni sira walima malobagatɔ ye i ka diɲɛ kɔnɔ wa ? A kɛra komi mɔgɔ dɔ y’i ka yeelen faga anii ti se ka kurandinan nin ye tugu wa? N’o lo, Yezu ye sira nin ye! Yesu kofɔra koo, “Ne ye diɲɛ ka yeelen ye. Ni mɔgɔ min sɔnna ne ma, o tigi tena taama dibi la. A bena to yeelen na min be taga don sini hɛrɛ yɔrɔ la.”(Zan 8:12).
I kɔnɔnako k’o y’i bila kaso la i ka diɲɛ kɔnɔ wa ? I tannan ka daaw caman yɛlɛ, ka sɔrɔ ko fɛn foyi b’o kɔfɛ, bɛɛ ye kolon lo drɔn wa? I b’a fɛ ka don diɲɛ duman ani dondala kɔnɔ wa ? N’o lo, Yezu ye sira nin ye! Yezu y’a fɔ koo,“Ne le ye donda ye. Ni mɔgɔ min donna n’o daa ye, o tigi bena kisi. A bena don, ka bɔ, k’a ka dumuni sɔrɔ.” (Zan 10:9).
Mɔgɔ wɛrɛw b’I fantori lo wa? I ka mɔgɔninfinya an’I ka teriya ni mɔgɔ wɛrɛw ye kolon lo wa? A kɛra komi mɔgɔ bɛɛ b’a fɛ ka nanbara kɛ ele ye wa? N’o lo Yezu ye sera nin ye! Yezu y’a fɔ,“Ne ye sagaw dɛndɛnbagaɲuman ye. Sagaw dɛndɛnbaga ɲanaman b’a nii di a ka sagaw kɔsɔn.”(Zan 10:11, 14).
I b’I yɛrɛɲiningala ka lɔn ko mun lo be nin diɲɛ nin kɔfɛ? I ye fɛn minw bi fɔsɔn nin ɲinin lon bɛɛI diɲɛlatigɛ nin kɔnɔka dɛsɛ wa? Siga b’i la waati dɔ ra ko diɲɛlatigɛ ti ni kɔrɔ ye wa ? I b’a fɛ ka balo I ka saya kɔfɛ wa? N’o lo Yezu ye sira nin ye!
Yezu y’a fɔ a ye ko:“Ne le be suuw kunun, ne be nii di, ni mɔgɔ min lara ne la hali n’o tigi sara, a bena kunu.Ani ka mɔgc to nii na, n’a lara ne la, a tena sa fewu.”(Zan 11:25-26).
Juman lo ye sira nin ye ? Juman lo ye tiɲɛ nin ye ? Juman lo ye nii ye? Yezu y’a jaabi ko: “Ne le ye sira, ni tiɲɛ, ani nii dibaga ye. Mɔgɔ ti se ka na n Faa fɛ ni ne sababu tɛ.”(Zan 14:6).
Kɔngɔ min b’I la nin a ye nii ko kɔngɔ ye, Yezu drɔn lo bi se k’I fa. Yezu drɔn lo bi se ka dibi nin wuli. Yezu drɔn lo ye kunnadiya diɲɛlatigɛdonda ye. Yezu ye teri nin ani gwɛnnikɛla min I tun b’a ɲinina nin. Yezu ye nii dibaga ye—nin duniyan nin na ani duniyan nata nin. Yezu ye kisili sira ye!
Sabuya min kɛɛra ko kɔngɔ b’I ra nin, min kɛɛra ko I tunnuna dibi la, min kɛɛra ko I diɲɛlatigɛ ye kolon nin, I janyana Ala ka nɔɔra la. Bibulu ni y’a fɔ ko mcgɔbɛɛ ye hakɛ kɛ, ani o janyana Ala ka nɔɔrɔ la(Waajukɛla 7:20; Ɔrɔmukaw 3:23).Lakolonya min b’I dusu nin na o kɔrɔ ko Ala tanyala i dusu nin na. Ala ye an dan ka teriya sɔrɔ n’A ye. An ka jurumuw kɔsɔn , an janyana ni Ala ka teriya ye. Katuguni, an ka jurumuw bena an faran ni Ala ye waati bɛɛ, nin diɲɛ kɔnɔ ani diɲɛ nata nin kɔnɔ(Ɔrɔmukaw 6:23; Zan 3:36).
Nin gwɛlɛya bena ɲanabɔ cogo di? Yezu ye sira nin ye! Yezu ye an hakɛw ta a yɛrɛ kan. (2 Korɛntikaw 5:21). Yezu sara an kɔsɔn (Ɔrɔmukaw 5:8), ka ɲangili min an ka kan nin ta. Tile saba kɔfɛ, Yezu kunnuna suuw cɛma, ka yira k’a ye sebaga jurumuw ani saya kan (Ɔrɔmukaw 6:4-5). Mun na a ye o kɛ? Yezu yɛrɛ jaabila ten: “K’I yɛrɛ nii di I teriw kɔsɔn, kanuya wɛrɛ te yen min ka fisa n’o ye.”(Zan15:13). Yezu sara ka sɔrɔ ka nii di an ma. Ni an ye an lannaya la Yezu ra, ka l’a ra ko a sara ka an ka jurumu ka ɲangili nin sara, an ka jurumuw bɛ yafara a y’o bɛɛko ka gwɛ. An ka kɔngɔ nin bena ban. An ka yeelen bena bɔ. An ka diɲɛlaitgɛ bena yiriwa. An ben’an ka teri ni ani gwɛnnikɛla sɔbɛ nin lɔn. An be na lɔn ko nin diɲɛ kɔfɛ an bena nii kura sɔrɔ—a bena kunu ka to ni Yezu abada.
“Ala ye diɲɛ kanu haali, fɔɔ a y’a Deen kelepe ci mɔgɔw ma, waasa ni min y’a jigi la a kan, o tigi kana halaki, nga o ka nii banbali sɔrɔ.” (Zan 3:16).
Aw sɔnnɔ Yezu la aw ye fɛn min kalan siti nin kɔnɔ? Nin aw sɔnna, aw ye “ne sɔnna Yezu ra bi” digi.
English
Sira juman lo ye kisili sira nin ye?