سُؤَالْ:
شْكُونْ هُوَ يَسُوعْ الْمَسِيحْ؟
الجَوَابْ:
عَكْسْ السُّؤَالْ دْيَالْ "وَاشْ اللهْ كَايْنْ؟" وَاحْدْ الْعَدَدْ قْلِيلْ نِسْبِيَّا دْيَالْ النَّاسْ كَيْسْوّْلُوا وَاشْ يَسُوعْ الْمَسِيحْ كَايْنْ. الأَغْلَبِيَّةْ كَيْقْبْلْ أَنَّ يَسُوعْ كَانْ فِي الْحَقِيقَيةْ وَاحْدْ الرَّاجْلْ لِّي عَاشْ فْ إسْرَائِيلْ قْبْلْ 2000 عَامْ. كَيْبْدَا النِّقَاشْ بْ الْهُوِّيَّة دْيَالْ يَسُوعْ الكَامْلَةْ. كُلّْ الدِّيَانَاتْ الرَّئِيسِيَّة تْقْرِيبًا كَتْعْلّْمْ أَنَّ يَسُوعْ كَانْ نْبِي أُولَّا مُعَلِّمْ مْزْيَانْ أُولاَّ رَاجْلْ تْقِي. وَلَكِنّ الْكْتَابْ الْمُقَدَّسْ كَيْقُولْ لِينَا أَنَّ يَسُوعْ كاَنْ أُو بْلاَ حْدّْ كْثْرْ مْنْ مُجَرَّدْ نْبِي أُولاَّ مُعَلِّمْ مْزْيَانْ أُولاَّ رَاجْلْ تْقِي.
سِي إِسْ لْوِيسْ. إسْ فْ الْكْتَابْ دْيَالُو "الْمَسِيحِيّة الْمُجَرَّدَة كْتْبْ "كَنْحَاوْلْ هْنَا نْمْنْعْ أَيّ وَاحْدْ إقولْ دَاكْ الشِّيء دْيَالْ الْحْمَاقْ فْ الْحَقِيقَة اللِّي كَيْقُولُوهْ النّاسْ عْلِيهْ فْ الغَالِبْ ]يَسُوعْ الْمَسِيحْ[: "أَنَا" مْسْتَعْدْ نْقْبْلْ يَسُوعْ بِأَنَّهُ مُعَلِّمْ أَخْلاَقِي كْبِيرْ، وَلَكِنْ مَنْقْبْلْشْ الإِدِّعَاءْ دْيَالُو بِأَنَّهُ هُوَ اللهْ". هَذِه هْيَّ الْحَاجَة الْوَحِيدَة لِّي مَا خَاصّْشْ نْقُولُوهْ. الرَّاجْلْ اللِّي كَانْ غِيرْ رَاجْلْ أُو قَالْ هَادْ الْحْوَايْجْ اللِّي قَالْ يَسُوعْ مَا غَادِيشْ إيكُونْ مُعَلِّمْ أَخْلاَقِي كْبِيرْ. إمَّا إيكُونْ مْجْنُونْ - عَلَى مُسْتَوَى رَاجْل كَيْقُولْ أَنَّهُ بِيضَةْ مْسْلُوقَة - أُولاَّ غَايْكُونْ شِيطَانْ جَهَنّمْ. الإخْتِيَارْ دْيَالْكْ خَاصُّو إكُونْ إمَّا أَنَّ هَادْ الرَّاجْلْ كَانْ أُو بَاقِي وْلْدْ اللهْ، أُولاَّ هُوَ شِي وَاحْدْ مْجْنُونْ أُولاَّ كْفْسْ مْنُّو. إمْكْنْ تْسْكّْتُو عْلَى الْحْمَاقْ، إيمْكْنْ لِيكْ تْدْفْلْ عْلِيهْ أُو تْقْتْلُوا بْحَالْ الشّيطَانْ. أُولاَّ إيمْكْنْ لِيكْ تْطِيحْ عْلَى رْجْلِيهْ أُو تْعْيّْطْ لِيهْ بْالرَّبّْ أُولَّا بْ اللهْ. وَلَكِنّ خْلِّيوْنَا مَانْجِيبُوشْ شِي حَاجَة دْ الْحْمَاقْ عْلِيهْ بِأَنُّو مُعَلِّمْ بَشَرِي كْبِيرْ. أُو مَاخْلاَّشْ لِينَا دَاكْ الإخْتِيَارْ مْحْلُولْ. مَا كَانْشْ كَايْنْوِي دَاكْشِّي" (ماكميلان، 1952، ص 55–56).
إذَنْ، أَشْ كَايْقُولْ يَسُوعْ أَنُّهُ هُوَ؟ شْكُونْ لِّي كَايْقُولْ الْكْتَابْ الْمُقَدَّسْ أَنَّهُ هُوَ؟ أَوَّلاً، هُوَ اللهْ الْمْتْجْسّْدْ. قَالْ يَسُوعْ فْ يُوحَنَّا 10: 30 "رَاهْ أَنَا وْالْآبْ وَاحْدْ". فْ الْوْهْلَة الأُوّْلَى، إمْكْنْ مَايْبَانْشْ هَادْشِّي بِأَنُّو ادِّعَاءْ بْلِّي هُوَّ اللهْ. وَاخَّا هَكَّاكْ، شُوفْ كِيفَاشْ رْدُّو لِيهُودْ عْلَى دَاكْشِّي لِّي قَالْ. حَاوْلُوا إرْجْمُوهْ "عْلَى قْبَلْ كْلَامْ الْكُفْرْ دْيَالْكْ، حِيتْ نْتَ غِيرْ بْنَادْمْ وْرْدِّيتِي رَاسْكْ إِلَاهْ"! (يوحنا 10: 33). لِيهُودْ فْهْمُو الْكْلاَمْ دْيَالْ يَسُوعْ عَلَى أَنُّو ادِّعَاءْ بْلِّي هُوَ اللهْ. فْ الآيَاتْ اللِّي جَايَّة، يَسُوعْ مَا صْحَّحْشْ لْ لِيهُودْ نِهَائِيَّا أُولاَّ إيحَاوْلْ إوْضّْحْ كْلاَمُو. مَقَالْشْ نِهَائِيَّا: "مَاكَانْدَّاعِيشْ أَنِّي أَنَا هُوَ اللهْ". مْلِّي قَالْ يَسُوعْ: "رَاهْ أَنَا وْالْآبْ وَاحْدْ" (يوحنا 10: 30)، كَانْ فْ الْحَقِيقَة كَيْقُولْ أَنُّو بْحَالْ اللهْ.
فْ يُوحَنَّا 8: 58 كَيْقُولْ يَسُوعْ أَنُّو كَايْنْ مْنْ اللَّوّْلْ، أُو هْيَّ صِفَة مْنْ الصِّفَاتْ دْيَالْ اللهْ: "نْݣُولْ لِيكُمْ الْحَقّْ: رَاهْ قْبَلْ مَا يْكُونْ إِبْرَاهِيمْ، أَنَا كْنْتْ!" أُو فْ الْجَوَابْ دْيَالْهُومْ عْلَى هَادْشِّي لِّي قَالْ، هْزُّوا لِيهُودْ مْرَّة أُخْرَى الْحْجْرْ بَاشْ إرْجْمُو يَسُوعْ (يوحنا 8: 59). فْ الْقُولْ بْ الْوُجُودْ دْيَالُو مْنْ الّلوّْلْ، طْبّْقْ يَسُوعْ وَاحْدْ الاِّسْمْ دْيَالْ اللهْ لْرَاسُو – أَنَا هُوَ (شُوفْ خُرُوجْ 3: 14). الْيَهُودْ رْفْضُوا الْهُوِّيَّة دْيَالْ يَسُوعْ عْلَى أَنُّو إلَهْ جَاء فْ الْجَسَدْ، وَلَكِنْ فْهْمُوا بِالضَّبْطْ أَشْ كَانْ كَيْقُولْ.
مْنْ الأَدِلَّة الْأُخْرَى دْيَالْ الْكْتَابْ أَنَّ يَسُوعْ هُوَّ اللهْ للِّي تّْجْسّْدْ يُوحَنَّا 1: 1 اللِّي كَتْقُولْ: "وْالْكْلْمَة كَانْ هُوَ اللَّهْ.". زِيدْ عْلِيهَا يُوحْنَّا 1: 14 اللِّي كَيْقُولْ: "وْالْكْلْمَة وْلَّى بْنَادْمْ". تُومَا التِّلْمِيذْ كَيْعْيّْطْ لْيَسُوعْ، "رْبِّي وْ إلَهِي" (يُوحَنَّا 20: 28)، يَسُوعْ مَاكَايْصْحّْحْشْ لِيهْ. الرَّسُولْ بُولُسْ كَيْوْصْفْ يَسُوعْ بْ "إِلَاهْنَا الْعْظِيمْ وْمُنَجِّينَا يَسُوعْ الْمَسِيحْ،" (تيطس 2: 13). كَيْقُولْ الرَّسُولْ بُطْرُسْ نْفْسْ الشِّيء، أُو كَيْعْيّْطْ لْيَسُوعْ "ِلَاهْنَا وْمُنَجِّينَا يَسُوعْ الْمَسِيحْ" (2 بطرس 1: 1).
الله الآبْ كَيْشْهْدْ عْلَى الْهُوِّيَّة دْيَالْ يَسُوعْ حْتَّا هُوَ: "أَمَّا عْلَى الْوَلْدْ دْيَالُه ݣَالْ: "الْعَرْشْ دْيَالْكْ يَا اللَّهْ تَابْتْ دِيمَا وْعْلَى الدّْوَامْ. وْكَتْحْكَمْ الشَّعْبْ دْيَالْكْ بْالْعَدْلْ"" (عبرانيين 1: 8؛ قارن مْزْمُورْ 45: 6). كَتْقُولْ النُّبُوءَاتْ دْيَالْ الْعْهْدْ الْقَدِيمْ بْحَالْ (إشْعِيَاء 9: 6) عْلَى الأُلُوهِيَّة دْيَالْ الْمَسِيحْ: "حِيثْ غَايْتّْزَادْ لِينَا وَاحْدْ الْوْلْدْ، وْ يْتّْعْطَى لِينَا، وْ يْكُونْ الحُكْمْ بِينْ إدِّيهْ وْ يْتّْسْمَّى الْعَجِيبْ الْمُشِيرْ، اللهْ الْقَدِيرْ، الآبْ الأَبَدِي، رَئِيسْ السَّلاَمْ" (التَّأكِيدْ تّْزَادْ).
عْلاَشْ كاَتّْعْتَابْرْ مْسْأَلَةْ هُوِّيَّةْ يَسُوعْ مُهِمَّة بْزَّافْ؟ عْلاَشْ كَايْهْمّْ إلاَ كَانْ يَسُوعْ هُوَّ اللهْ؟ بْزَّافْ دْيَالْ الأَسْبَابْ:
• كِيمَّا شَارْ سِّي إسْ لْوِيسْ، إلاَ مَاكَانْشْ يَسُوعْ هُوَّ اللهْ، غَادِي إيكُونْ يَسُوعْ هُوَّ كْذَّابْ كْبِيرْ أُو مَاتّْدَارْشْ فِيهْ الثِّقَة فْ كُلّْ شِيء.
• كُونْ مَكَانْشْ يَسُوعْ هُوَّ اللهْ، كُونْ كَانُو الرُّسُلْ حْتَّا هُومَا كْذَّابِينْ.
• كَانْ عْلَى يَسُوعْ أَنَّهُ إيكُونْ هُوَّ اللهْ لأنَّ الْمَسِيَّا وْعْدْ أّنُّو إيكُونْ "القُدُّوسْ" (مْزْمُورْ 16: 5) مْلِّي مَاكَايْنْشْ حْتَّى وَاحْدْ عْلَى هَاد الأَرْضْ بَارّْ قُدَّامْ اللهْ (مْزْمُورْ 53: 1؛ 143: 2) كَانْ عْلَى اللهْ بْرَاسُو أّنُّو إدْخْلْ الْعَالَمْ كَإنْسَانْ.
• كُونْ مَكَانْشْ يَسُوعْ هُوَّ اللهْ، كُونْ مَكَانْتْشْ الْمُوتْ دْيَالُو كَافْيَة تْدْفْعْ ثَمَنْ الْخَطَايَا دْ الْعَالَمْ كُولُّو (يُوحْنَّا اللّْوْلَى 2: 2) اللهْ بُّوحْدُو هُوَّ اللِّي إقْدْرْ إقْدّْمْ ذّْبِيحَة مَمْحْدُودَاشْ أُو عْنْدْهَا قِيمَة دَايْمَة (رُومْيَة 5: 8؛ كُورِنْثُوسْ الثَّانْيَة 5: 21).
• اللهْ هُوَّ الْمُخَلِّصْ الْوَحِيدْ (هُوشَعْ 13: 4؛ شُوفْ تِيمُوثَاوْسْ اللّْوْلَى 2: 3) إلاَ كَانْ يَسُوعْ هُوَّ الْمُخَلِّصْ، فَلاَ بُدَّ أَنُّو هُوَّ اللهْ.
كَانْ عْلَى يَسُوعْ أَنُّو إكُونْ اللهْ وْالإنْسَانْ. كَإلَاهْ، يَسُوع قَادّْ إرْضِي الْغَضَبْ دْيَالْ اللهْ. كَإنْسَانْ، كَانْ عْنْدْ يَسُوعْ الْقُدْرَة عْلَى الْمُوتْ. كَإلَهْ -إنْسَانْ، يَسُوعْ هُوَّ الْوَسِيطْ الكَامْلْ بِينْ السّْمَاء وْالأَرْضْ (تِيمُوثَاوْسْ اللَّوْلَى 2: 5). الْخَلاَصْ مُوجُودْ غِيرْ مْنْ خِلاَلْ الإيمَانْ بْيَسُوعْ الْمَسِيحْ. كِيمَّا قَالْ، "أَنَا هُوَ الطّْرِيقْ وْالْحَقّْ وْالْحَيَاةْ، حْتَّى وَاحْدْ مَا يْقْدَرْ يْجِي لْعَنْدْ الْآبْ بْلَا بِيَّ" (يُوحْنَّا 14: 6).
English
شْكُونْ هُوَ يَسُوعْ الْمَسِيحْ؟