Kapas ais
Sises I Kot? Sises mi mwo ura nge I Kot?
Peluwan
Ekkoch rese atiwa pwe Sises I Kot ra pwal apasa pwe Sises ese mwo apasa nge I Kot. Mi pwung pwe ewe Paipel ese pwa me lon an Sises apasa lon feufeun kapas pwe, “Ngang Kot.” Nge esapw wewen pwe Sises ese mwo pwarata nge I Kot.
Sises I Kot? — Sises mi apasa nge I Kot.
Awewe ren pusin an Sises kapas lon John 10:30, “Ngang me Semei, am chek emon” Sichek niit ach sipwe nengeni usun an ekkwe re Sus memef ngeni an Sises ei kapas, ach sipwe silei nge mi pwarata pwe I Kot. Ra ekiekin monei ngeni fau ren ei wewe: “En, emon aramas, nge ka pwusin foruk pwe en Kot” (John 10:33, aporausa fichi). Ekkewe re Sus ir mi weweiti met ewe Sises a pwarata – emon kot. Lupwen Sises a pwarata, “Ngang me Semei am chek emon,” A apasa pwe I me ewe Sam ir eu chek lon sokosokur me ululur. John 8:58 iei pwal eu awewe, Sises a parata, “Upwe apasa ngonuk ewe enlet – me mwen an Eperiam esamwo uputiw, Uwa fen nomw!”. Ei e poraus usun lon Exodus 3:14 luopwen Kot a pwari I lon an apasa “NGANG IO NGANG.” Ekkewe re Sus re rong ei kapas ra peluweni ren an angei fau pwe repwe monei ngeni pwun ra apasa pwe a kapas lamalam tekia le apasa pwe I Kot, usun Allukun Moses a affata (Leviticus 24:16).
Sises I Kot? — Neun kewe chon kaeo ra pwarata pwe I Kot.
John a aporausa fichi usun lapalapen Sises: “Ewe Kapas [Sises] I Kot” me “[ewe Kapas a wiliti futuk” (John 1:1, 14). Ekkei wokisin m ra affata ngeni kich pwe Sises I Kot lon futuk. Fofor 20:28 a aiti ngeni kich, “Kopwe chon masan an Kot kewe mwichefel, A meoni ren pusin chan.” Ion ewe a meoni ewe mwichefel ren pusin chan? Sises Kraist. Iei pwal ewe wokisin e affata pwe Kot a meoni an ewe mwichefel ren pusin chan. Iei popun, Sises I Kot.
Tomas ewe chon kaeo a pwarata usun Sises, “Ai Samol me ai Kot” (John 20:28). Sises ese apwungu. Titus 2:13 a pesei ngeni kich ach sipwe witiwiti wareton ach ewe Kot me chon Amanau, Sises Kraist (pwal nengeni 2 Piter 1:1). Lon Ipru 1:8, ewe Sam a pwarata usun Sises, “nge ren ewe Nau apasa, “Omw ewe lenien mwotun King, O Kot, epwe nonom feilfeilo chek, me ekkewe chon pwung repwe chooni mwum ewe.” Ewe Sam a kapas usun Sises pwe I Kot, pwarata pwe wesewesen Sises I Kot.
Lon Pwarata, emon chon lang a afalafal ngeni ewe apostel John an epwe fel ngeni chek Kot (Pwarata 19:10). Chommong fansoun me lon ewe pwuk a pwarata usun ar fel ngeni Sises (Mattu 2:11; 14:33; 28:9, 17; Luk 24:52; John 9:38). Ese apwungu aramas lupwen ar fel ngeni. Ika pwe Sises esapw I Kot, iwe epwe ureni ekkewe aramas pwe resapw fel ngeni I, usun chek an ewe chon lang apasa lon pwuken Pwarata. Me lukun ekkei, mi pwal chommong ekkoch poraus me lon ekkewe pwuk ra anini pwe Sises I Kot.
Sises I Kot? – Popun Epwe Pwung pwe Sises I Kot.
Ewe popun ma kon auchea an Sises epwe I Kot pwe ika pwe esapw I Kot, iwe an we mallo esapw naf an epwe meoni liwinin tipisin fenufan (1 John 2:2). Och mettoch mi manau mi foruta, melipw epwe iei Sises, ika pwe esapw I Kot, esapw tongeni meoni liwinin ach tipis ese lea mwen mesen Kot. Kot chek a tongeni an epwe meoni ewe ukukun ren liwinin ach tipis. Kot chek a tongeni mwarei tipisin fenufan (2 Korinit 5:21), mallo, me manau sefal pwarata an akufu tipis me mallo.
Sises I Kot? Ewer. Sises a pwusin pwarata pwe I Kot. Neun kewe chon kaeo ra luku pwe I Kot. Ewe porausen manauen ngunuch epwe chek fi sika pwe Sises I Kot. Sises I Kot lon lapalapen aramas, ewe ese mwuch Alpha me Omega (Revelation 1:8; 22:13), me Kot ach chon Amanau. (2 Peter 1:1).
English
Sises I Kot? Sises mi mwo ura nge I Kot?