Kapas ais
Mi wor Kot? Mi wor pisekin pwarata pwe mi wor Kot?
Peluwan
Ei kapas ais are pwe mi wor Kot ika ese wor iei eu me lein ekkewe auwenamen me auchean kapas ais emon aramas a tongeni ekieki. Memef ren lapalapan Kot, nge peluweni ewe kapas ais “mi wor Kot? E achimwa watten ach fansoun nge esapw chek fitu seken me mei pachelong chommong sokofesenin ekiek me pisekin pwarata. Saingolon, met sia kuna lon met aramas ra tolong lon me mefi, lon pekin tipachemen me nonomun mettochun fenufan me masowan meinisin, lon miritin me nipwakeochun mettoch meinisin me uruwon mettoch a emweni ngeni kich ach lukuluk lon peluwan ei kapas ais: Ewer, mi wor Kot.
Fan chommong, ei kapas ais a katou lon ititin “Ifa usun ka tongeni pwari ngeni kich pwe mi wor Kot?” Osukosuken pwe, are mwo pwe ewe enlet mi wesen pwung, nge wesen wor pisekin pwarata me sipwe tongeni kuna me lukun met mi maseoch ngeni ach ekiek me pekin artimetik. Ren ena wewe, pekin kapwung rese achimwa an epwe unus pisekin pwarata ar repwe tongeni filata pwungun kapwung; nge met ra kan fori, ra fori an esapw wor “tipemwaramwar” me an epwe wor ekieki met a “forata ika apachata” ekkewe mettoch.
Lupwen sia fikar an epwe wor “pisekin pwarata” ren ion Kot nge kich mi silei pwe sise tongeni ach sipwe pepeoni ekkei pisekin pwarata ei sokkun ese pwung. Lon wesewesen nonomun aramas, ese wor ar repwe achimwa ane pwe wor pisekin pwarata. “Churi ika kuna” pisekin pwarata me “atiwa” mi sokofesen. Ekkewe mwo poraus mi fiti pisekin pwarata me wesen pwung, ina mwo nge mi weires ngeni ekkewe ir ra fen filata pwe resapw mwo ina luku och mettoch ar repwe luku lon. Ren Ekkewe ese kon nien wor ar lukuluk esapw pwokiten ese wor “pisekin pwarata”, ina mwo ika pwe lape ngeni repwe luku met sia pwarata. Met emon aramas a mochen e kon nien pechekulen seni met pisekin pwarata epwe wor.
Wewen pwe epwe wor “lukuluk” – nge esapw chek ren faniten ika pwe mi wor Kot. Mirit mi unuseoch a luseni ach tufich. Pusin ach memef me usun ach nenengeni mettoch iei met e afatangawa ach ekiek. Epwe chek fokkun wor eu lefil lefilen met sia tongeni “silei” met sia “luku”. Ei mi wewe fengen chek ren ekkewe ir mi tipemwaramwar me ekkewe mi wor ar luku. Ese tufich ach sipwe osen sileieochu tichikin mettoch meinisin iteiten fansoun ach mwot won efoch sear, mongo, ika tota won efoch latte. Ei sokkun mwokutukut nge epwe chek wor eu aukukun lukuluk. Sia fori met sia fori ina mwo ika sise silei mettoch meinisin nge pwokiten met sia silei. Iei usun ei lukuluk lon Paipel, pachelong ewe lukuluk pwe mi wor emon Kot. Sia luku lon met sia silei, a emweni ngeni ach fofor, ina mwo ika sise kon nien weweiti (Ipru 11:6).
Ika pwe emon mei atiwa ika ese atiwa Kot, eu sokkun filata mi achimwa epwe wor lukuluk. Luku lon Kot ese achimwa an epwe wor omw kopwe lukuluk lon wewengaw (John 20:29), nge ese pwal tongeni epwe chek likitalo ika amenungawelo (John 5:39-40). Met a apochokula lukuluk ikei met aramas re tolong lon, ekieki, pisekin pwarata, meinisin ekkei ra alilis fengen le peluweni ewe kapas ais ika pwe mi wor Kot?
Mi wor Kot? — Met aramas ra tolong lon ika churi.
Poporaus won ika pwe mi wor Kot e kan poputa won ekkoch anini mei feito seni met sia ekieki. Mi eoch, nge esapw iei usun met kich aramas sikan fori ika poputani. Ese wor ekan poputani an anini ika poraus won ese alongolong won mettoch, mwirin a witi an epwele afisata met epwe poraus won. Aramas re aweweni ei fenufan alongolong won met re nom lon ika met e pwalir. Iwe ach nengeni usun an wor Kot epwe poputa won met sia mefi, kuna ika tolong lon. Mwirin sia aia ach ekiek le ekieki me tafa met sia ani ekiek.
Pisekin pwarata pwe mi wor Kot mi chommong mi wor lon met aramas re mefi, tolong lon me churi. (Rom 1:19–20; Kolfel 19:1; An Solomon Afalafal 3:11). Ekkei a pachelong ach monomonen memef, silei, me met sia rong o kuna. E pwa lon ululun ei lang me fenufan mi pwali kich. Manawen aramas e pwarauu lukuluk pwe enlet, chofona, tong, koput, me ekkoch mi wor me wor wewen. Lape ngeni aramas lon ururwon fenufan re kon nien luku pwe mi wor eu mettoch mi lap, lap seni met sia kuna.
Met sia kuna, mefi, silei me churi esapw iei wesewesen pisekin pwarata. Nge Kot a aia sokopaten alen pwarata an epwe pwari ngeni kich (Pwarata 3:20). Met sia tolong lon ika churi e fori ach sipwe kukuta peluwan ach kapas ais (Mattu 7:7–8). Ekkewe rese atiwa ika rese pwapwaiiti an Kot katiw ngeni kich resapw tongeni tipi ngeni ar amenungaw seni mettoch. (Rom 1:18; Kolfel 14:1).
Mi wor Kot? — An aramas ekiek
Ulungat ika fen chommong sokkun ekiek mi pochokul e pwari nge mi wor emon Kot ikei, ewe kokotun fenufan me lang me masower, ririfengenin mettoch meinisin me fisitar, kapas ais usun met mi mwal me pwung.
Ewe memef faniten kokotun fenufan, lang me masower e nengeni usun met e afisata me forata mettoch. Fisitan mettoch meinisin e feito seni an mettoch for, me eu me eu foritan mettoch e kawor seni met a fis me mwan. Ngee u chek ei ekiek ika alapalap ese tongeni epwe sopwosopwelo tori lom, pwokiten ika pwe epwe iei usun iwe melipw ese wor lepoputan mettoch. Weweochun ekiek e ekiekieta nge mi wor och mettoch e fisita me lomw nge ei mettoch esapw iei met a afisata lepoputan mettoch meinisin. Fenufan me lang mi fat nge esapw mettoch mi nonom feilfeilo ika esapw mettoch a fisita won pusin an. Weweochun ekiek e itingeni kich Kot: Ewe ese wor lepoputan me sopwolon, ewe aewin forutan mettoch meinisin.
Ewe memef ren ririfengenin me fisitan mettoch e nenengeni usun kokotun fenufan me lang. Ei watten lang, me masowen lang meinisin, ach DNA (met a forata ululuch aramas), kukunin pisekisekin foritan inisich – mettoch meinisin a pwarata pwe ra for lon lapelapeoch me tetelioch. Ei lapalap a kon nien pochokul pwe ekkewe mwo ese wor ar luku lon Kot nge re resin ekieki me aweweni met e ateteliochu me aleniaeochu mettoch meinisin.
Ese mwo wor och lupwen ach nengeni kukunin mettoch epwe pwari ngeni kich nge re pusin tetelioch won pusin ar. Nge ika pwe rese fisita ika tetelioch usun ach nengenir, iwe mettoch mi aweires – me manau – epwe weires. Chommong mettochun fenufan me lang ra mase ngeni met ach akiek ra fokkun kokotoch pwun ra fori an manau epwe fis, wesewesen manau. Kaeo usun manau (Science) ese mwo pwari ngeni kich nge manau a tongeni fisita seni esapw manau, nge a aiti ngeni kich nonomun sokkopaten menin lon inisich mi fokkun amwarar. Ekkoch mwichen chon kaeo ngeni fau re kuna ewe kapas “ngang mi nom ikei” won etipen eu achau repwe ekieki nge mi wor emon ika och mettoch e fori ewe mak. Nge an aramas DNA (ika met e forata aramas) e kawor seni sokkun mettoch mei lap seni angochun aramas me an aramas silelap le fori mettoch. Ika si nengeni pwe ekkei meinisin pisekin pwarata e pwari ngeni kich nge mi wor emon chon fori ika Alapalapa mettoch mi Tipachem – Kot-iei awewen.
Ewe memef ren faniten pwung me mwal, e nengeni usun eoch me ngaw, nonomun aramas, me meta kan. Sipwe silei nge ekkewe poraus faniten “met epwe”, nge esapw “meta”. Sokofesenin met mi pwung me met mi mwal ese karap ngeni ewe akiek pwe emon menumanau mi tongeni chek pwusin fisita won an ika wiliti eu sokkun likilik pwokiten chek an achocho ngeni an epwe manau. Ei ekiek pwe aramas repwe tongeni ekieki och mettoch nge esor met re ekieki ngeni, lon ei lapalapen mettoch mi pwung me mwal mi sokolo. Me lukun, lupwen sipwe nengeni uruwon an aramas ekiek ren met mi mwal me pwung iwe mi chek sopwosopwelo lon uruwon fenufan me lon unusen pekin eoreni me nonomwun aramas.
Lupwen e lapelo poraus fangen faniten ekiek ren met mi pwung me mwal meinisin mi chek itifengen ika riri fengen; Melip ekkei ekiek e pusin feito seni an emon me emon memefi, iwe melipw esapw wor wewen, ika melipw e feito seni eu pekin ese wor kasiwil lon. Nge lon ach nengeni met aramas re tolong lon, mefi ika silei pwe ese mase ngeni ewe ekiek pwe met mi pwung met mi mwal ese wor wewen. Weweeochun popun an aramas silei met repwe ani ekiekeoch me aititi mettoch, e feito seni eu ekiek pwe melipw mei wor emon chon Awora Alluk mi pwung (awewe Kot), I a awora ngeni aramas ewe tufichin silei met mi mwal me met mi pwung.
Mi wor Kot? — An aramas kaeo ngeni pekin manau
Ekkewe sokkun anini ika poraus fengen lefilen aramas ren pekin kaeo re feito seni met ar kuna ika nenengeni. Ekkewe sokkun ekiek ren awewe ewe Big Bang Theory e awewei, usun pekin kaeo ngeni manau nge re achifouwa nge mi wor met e forata ekkewe lang me fenufan. Usun chek forutan inisin me ululun aramas ika ekkewe DNA. Poraus mi lewoto me lomw ika kawor a achifouwa ewe ekiek usun e afat lon paipel nge mi wor emon a fori lang me fenufan, pachelong ekkewe ekoch awewe ren kafisitan fenufan.
Ekkewe chon kaeo ngeni pekin sokopaten fau ra pwal alisi ewe ekiek mei affat lon Paipel. Aramas, fansoun, me leni ekkewe ra affat lon ekkewe pwuk ra fen fan fitu ar pwalo ngeni aramas. Lape ngeni ekkei mettoch re kuna e feito me mwirin an ekkewe rese lukuluk re apasa nge met ekkewe e mak lon Paipel nge tutunlap chek.
Uruwo me poraus, ir mi pwal alisi ewe ekiek pwe mi wor emon Kot. Sipwe chek nengeni usun nonomwun ewe Paipel, iei eu awewe e alisi kich ach sipwe tongeni nengeni sefali feiton ika uruwon ekkewe pwuk arap ngeni ewe fansoun e affat me lon Paipel pwe fansoun fisitan mettoch. Ekkewe chon Sus me ekkewe souleng ar alilis ngeni pekin eoreni, pekin manawen aramas, me fisitan ika lepoputan kaeo ngeni manawen aramas ekkei meinisn mi mase ngeni met mi enlet.
Mi wor Kot? — Kot lon kich.
Eu me eu ekkewe pekin mi affat me asan re alongolong won pekin kaeo me met aramas ra makketiw lon ngereun pwuk. Nge ei kapas ais ika pwe mi wor Kot a kon nien awewe, ngeni chommong aramas lon ar pusin mefi me tolong lon memefin. Awewe, ese tufich omw kopwe “pwari” ngeni ekkoch pwe en mi mefi omw pwapwa, nge esapw ita wewen pwe kose pwapwa. Esapw wewen pwe met memefin lon letipen emen e auchea seni met sia kuna me lukun, nge lapengeni mettoch a kon nien alolol a chek tongeni awewe ren an emon me emon aramas memef me met re mefi ika churi. Akasiwilen manawen emon, siwilin nonomun emon, me peluwan an emon iotek ekkei meinisin iei met an emon me emon aramas memef me met re mefi iei met e pwari ika masowen met sia silei kuna me weweiti usun an Kot fi sika wor.
Ach silei ika mefi met mi enlet iei met e pwari ngeni kich nge mi wor Kot, me an Kot mochen pwe meinisin aramas repwe mefi ena sokkun memef. Kot a feito ngeni fenufan lon lapalapen aramas (2 Korinit 4:6) pwun epwe wor ewe lefil rech me Kot (John 14:6). Ekkewe ra kuta Kot ren letiper repwe kuna I (Mattu 7:7-8) epwe pwalo lon an ewe Ngun mi Fel nom rer (John 14:26-27).
Ewe kapas ais mi wor Kot?, ese tongeni an epwe pelu ren pisekin pwarata, nge sia tongeni nengeni ukukun ekkewe pisekin pwarata ren ar pwarata pwe mi wor Kot. Atiwa pwe mi wor Kot esapw alongolong won eu angangen luku sia chek luku lon rochopwak ika mesechun. Eu angangen luku mi tou seni eu rochopwak tolong lon eu ;eni mi saram ikewe chommong mettoch ra fateoch me ie.
English
Mi wor Kot? Mi wor pisekin pwarata pwe mi wor Kot?