Kapas ais
Mi wor reom manau ese mwuch?
Peluwan
Ewe Paipel a aiti ngeni kich eu al mei fateoch ngeni manau ese mwuch. Aewin, sipwe asila nge kich aramas mi tipis mwen Kot: “Pwun aramas meinisin ra tipis o rese mwo tori ewe lingen Kot” (Rom 3:23). Kich sa chon fori mettoch ese apwapwaii Kot, mi fich ngeni ach sipwe angei liwinin. Pwokiten meinisin ach tipis mi asapa kich seni ewe Kot mi manau, iei popun mi fich ach sipwe angei kapwung ese mwuch. “Pwun liwinin tipis mallo, nge liffangen Kot manau ese mwuch lon Kraist Sises ach Samol” (Rom 6:23).
Nge eu chek, Sises Kraist, ewe ese wor tipisin (1 Peter 2:22), noun Kot ewe Alaemon a wiliti emon aramas (John 1:1,14) me mallo pwe epwe meoni ach tipis. "Kot a pwari ngeni kich usun An ei tong: pwun lupwen sia chiwen tipis, Kraist a fen mallo fanitach” (Rom 5:8). Sises Kraist a mallo won ewe irapenges (John 19:31-42), a wiseni ani ach kapwung (2 Korinit 5:21). Mwirin ulungat ran A manau sefal seni mallo (1 Korinit 15:1-4), pwari an akufu tipis me mallo. "Lon An we umeumeoch mi chapur, a fen aupwusefali kich ngeni eu apilukuluk allim mi manau ren an Sises Kraist we manau sefal seni mallo (1 Piter 1:3).
Ren luku, sipwe fokkun siwili ach ekiek usun Kraist – I ion, met E fori, me pwata – faniten manau (Fofor 3:19). Ika pwe sia walong ach lukuluk lon I, luku an we mallo won ewe irapenges pwe epwe meoni ach tipis, iwe ach tipis epwe mwuselo me sipwe angei ewe pwon ren manau ese mwuch lon lang. "Pwea chek iei usun an Kot tongeni fenufan pwe A fangelo neun ewe Alaemon pwe meinisin mi luku I resapw peutmwalilo nge repwe ani ewe manau ese mwuch" (John 3:16). "Are pwe ka pwarata ren awom, “Sises I Samol” me luku lon letipom pwe Kot a auta ii seni mallo, kopwe manau” (Rom 10:9). Luku chek lon unuseochun an Kraist we angang won ewe irapenges iei chek ewe enletin al ngeni manau ese mwuch! Pwun ami ouwa kuna amanauen ngunumi ren ewe chen pwokiten luku – nge esapw seni pusin ami, pwe liffangen Kot ngeni kemi – sapw ren angang, pwe esapw wor epwe sikasini" (Efisus 2:8-9).
Ika pwe en mi mochen atiwa Sises Kraist pwe epwe omw chon Amanau, iei ei awewen iotek. Chechemeni, omw kopwe apasa ei iotek, ika ekkoch iotek esapw amanawok. Fokkun chek luku lon Kraist a tongeni amanawok seni tipis. Ei iotek eu chek alen omw kopwe pwari ngeni Kot omw luku lon I me kilisou ngeni I ren an awora ewe chon Amanau. “Kot, uwa silei pwe ngang emon chon tipis ngonuk me a fich ai upwe kuna kapwung. Nge Sises a wisen ani ewe kapwung ita ururun upwe ani pwe lon ai luku lon I upwe tongeni kuna amusomusen tipis. Uwa walong ai lukuluk lon En faniten manauwen nguni. Killisou ren omw umoumeoch mi murine me omusaeilo – iei ewe liffangen manau ese mwuch! Amen!”
Ka fori omw filata faniten Kraist pwokiten met ke aleani me ikei? Ika pwe ewer, kose mochen tikki awenewenen ewe mak “Uwa atiwa Kraist ikenai”.
English
Mi wor reom manau ese mwuch?