Kapas ais
A wor reom muselo? Ifa usun ai angei amusomusen ai tipis seni Kot?
Peluwan
Fofor 13:38 a affata, “Iei mine ami pwi, uwa mochen ami oupwe silei pwe lon Sises ewe amusomusen tipis a tori kemi.”
Met amusomusen tipis me pwata ngang mi niit?
Ei kapas “muselo” wewen pwe limeti ika teluwelo eu mecha ika pisek, amusa emon, amusalo an emon liwinimang. Luopwen ach sia fori mwal ngeni emon, sia kutta amusomus ren ach sipwe achasefali lefilach ngeni ewe emon. Muselo ese fis pwokiten an emon aramas pwung ika fofor murine. Ese wor emon ururun epwe kuna muselon an tipis. Muselo eu angangen tong, kirekireoch, me umeumeoch. Muselo eu angangen filata omw kosapw amwechu och mettoch seni emon, ina mwo ika met ra fori ngonuk.
Ewe Paipel ma aiti ngeni kich pwe kich meinisin sia niit amusomusen ach tipis seni Kot. Kich meinisin sia chon fori tipis. An Solomon Afalafal 7:20 a pwarata, “Ese wor emon a pwung won fenufan a fori mine mi pwung me ese wor an tipis.” 1 John 1:8 a apasa, “Ika pwe sia apasa pwe esor ach tipis, iwe sia pusin atupwu kich me ewe enlet ese nonom rech.” Meinisin tipis ikei angangen ach u ngeni Kot (Kolfel 51:4). Ren ei popun, sia niit amusomusen tipis seni Kot. Ika pwe ach tipis ese mwuselo, sipwe nonom lon riafeu angei liwinin ach tipis (Mattu 25:46; John 3:36).
Amusomusen Tipis – Ifa usun ai upwe angei?
Killisou chapur, Kot mi tong me umeumeoch – a fokkun pwapwaiiti an epwe amusa seni kich ach tipis! 2 Piter 3:9 apasa ngeni kich, “…A mosonotam ngeni kemi, pwe esapw mochen pwe emon epwe peutmwalilo, nge meinisin oupwe aier.” An Kot mochen pwe epwe amusalo kich, iei popun A fangeto amusomusen ach tipis.
Mallo iei ewe liwin mi fich ngeni ach tipis. Lepoputan lon ekkena wokisin lon Rom 6:23 afata, “Pwun liwinin tipis mallo…” Mallo fochofoch iei met liwinin ach tipis. Nge Kot, lon an akkot mi murine, a wiliti aramas – Sises Kraist (John 1:1,14). Sises a mallo won ewe irapenges, ani ewe nini mi fich ngeni kich iei – mallo. 2 Korinit 5:21 a aiti ngeni kich, “Kot a fori ewe Emon ese wor tipis an epwe wisen ani ach tipis, pwun lon I sia kuna pwuung ren Kot.” Sises a mallo won ewe irapenges, ani ewe nini ururun sipwe ani! Pwokiten I Kot, an ewe mallo a awora muselon tipisin chon fenufan. 1 John 2:2 a pwarata, “I ewe menin asor faniten ach tipis, esapw ren chek faniten ach tipis, nge ren tipisin unusen chon fenufan.” Sises a manau sefal seni mallo, pwarata an akufu tipis me mallo (1 Korinit 15:1-28). Mwareiti Kot, lon an Sises mallo me manau sefal, aruwen kinikinin ekkena wokisin Rom 6:23 mi enlet, “…nge liffangen Kot manau ese mwuch lon Kraist Sises ach Samol.”
En mi mochen pwe epwe muselo omw tipis? Mi wor met e ngonuk omw kopwe mefi sau ika mefi omw mwal nge ese tongeni su senuk? Amusomusen omw tipis mi kawor ngonuk ika pwe kopwe walong omw apilukuluk lon Sises Kraist pwe epwe omw chon amanau. Efisus 1:7 apasa, “Lon I sia kuna ngaselo ren chan, ewe amusomusen ach tipis, lon weun an Kot we chen.” Sises a meoni ach liwinimang, pwe ach tipis epwe tongeni muselo. Met kopwele chek fori, kopwe tungor ngeni Kot epwe amusok lon Sises, luku pwe Sises a mallo pwe epwe meoni omw tipis – iwe epwe amusok! John 3:16-17 aiti ngeni kich ei murineon poraus, “Pwe a chek iei usun an Kot tongeni fenufan pwe A fangelo neun we Alaemon, pwe iteiten aramas meinisin mi luku I resapw peutmwalilo nge repwe ani ewe manau ese much. Pwun Kot ese tinato neun we ngeni fenufan pwe epwe apwungu fenufan, nge a tinato pwe epwe amanaua fenufan lon pusin I.”
Amusomusen tipis – mi fokkun ina mecheres?
Ewer, mi mecheres! Kose tongeni kopwe angei amusomsuen tipis seni Kot pwokiten omw angang. Kose tongeni meoni seni Kot amusomusen omw tipis. Ka chek tongeni angei ren omw lukuluk, lon an Kot we umeumeoch me chen. Ika pwe en mi mochen atiwa Sises Kraist pwe epwe omw chon Amanau me angei amusomusen omw tipis seni Kot, iei ei iotek ka tongeni ani. Chechemeni, omw kopwe apasa ei iotek, ika ekkoch iotek esapw amanawok. Ren chek omw luku lon Sises Kraist a tongeni ngonuk amusomusen omw tipis. Ei iotek eu chek alen omw kopwe pwari ngeni Kot omw luku lon I me kilisou ngeni I ren omw muselo. “Kot, uwa silei pwe ngang emon chon tipis ngonuk me a fich ai upwe kuna kapwung. Nge Sises a wisen ani ewe kapwung ita ururun upwe ani pwe lon ai luku lon I upwe tongeni kuna amusomusen tipis. Uwa walong ai lukuluk lon En faniten manauwen nguni. Killisou ren omw umoumeoch mi murine me omusaeilo –Amen!”
Ka fori omw filata faniten Kraist pwokiten met ke aleani me ikei? Ika pwe ewer, kose mochen tikki awenewenen ewe mak “Uwa atiwa Kraist ikenai”.
English
A wor reom muselo? Ifa usun ai angei amusomusen ai tipis seni Kot?