Sungkunsungkun:
Aha do lapatanna manjalo Jesus songon Sipalua dirinta?
Tangiang:
Nunga hea dijalo ho Jesus Kristus gabe Sipalua dirim? Asa denggan mangantusi sungkunsungkun on, ingkon jumolo do antusanta hata “Jesus Kristus,” “diri,” dohot “Sipalua.”
Ai ise do Jesus Kristus i? Godang do jolma na mandok Jesus Kristus i jolma na burju, guru na mansai denggan, manang panurirang ni Debata. Angka hatorangan on toho do taringot tu Jesus, alai ndang na singkop i patoranghon ise do Ibana sasintongna. Bibel i paboahon tu hita Debata di pardagingon do Jesus i, Debata di rumang ni manisia (taida ma di Johannes 1:1, 14). Nunga ro Debata tu portibi on laho mangajari hita, pamalumhon hita, patingkoshon hita, manesa hita—jala mate tu hita! Debata do Jesus Kristus i, Panompa, Tuhan na marhuaso. Nunga tajalo Jesus on?
Aha do Sipalua i, jala boasa ringkot di hita Sipalua i? Bibel i paboahon tu hita nunga sude hita mardosa; nunga sude hita mangulahon na jahat (Rom 3:10-18). Alani dosanta, tama do hita manjalo muruk dohot panguhumon ni Tuhan i. Holan sada do panguhumon na tama alani dosanta maralohon Debata na manongtong jala salelengna i i ma panguhumon na manongtong jala salelengna (Rom 6:23; Pangungkapon 20:11-15). I do umbahen na ringkot di hita Sipalua i!
Nunga ro Jesus Kristus tu portibi on jala mate mangganti hita. Hamaten ni Jesus i ma garar na manongtong tu angka dosanta i (II Korint 5:21). Jesus mate laho manggarar panguhumon ni angka dosanta i do (Rom 5:8). Nunga digarar Jesus argana asa unang pola gararonta. Haheheon ni Jesus sian hamatean patuduhon hamateanNa i nunga sae laho manggarar panguhumon ni angka dosanta. I do umbahen holan Jesus do Sasadasa Sipalua i (Johannes 14:6; Ulaon ni Apostel 4:12)! Ai tahaporseai do Jesus i Sipalua hita?
Ai Jesus do Sipalua “dirinta”? Godang do jolma marnida Hakristenon i molo laho tu gareja, mambahen angka ulaon, dohot/manang ndang mangulahon angka dosa. Ndang i hakristenon. Hakristenon na tutu i ma parsaoran ni diri dohot Jesus Kristus. Manjalo Jesus gabe Sipalua dirinta lapatanna mambahen haporseaonta di Ibana dohot manghaposi Ibana. Ndang adong na malua alani haporseaon ni halak na asing. Ndang adong na disesa alani na mangulahon angka na denggan. Holan sada do dalan asa malua i ma marhite na manjalo Jesus gabe Sipalua, manghaporseai hamateanNa na manggarar angka dosanta dohot haheheonNa na patupahon ngolu salelengna (Johannes 3:16). Ai Jesus do Sipalua dirim?
Molo lomo roham manjalo Jesus Kristus gabe Sipalua dirim, dok ma angka hata on tu Tuhan i. Ingot ma, mandok tangiang on dohot tangiang na asing ndang na paluahon ho i. Holan na manghaporseai Kristus do na boi paluahon ho sian dosa. Tangiang on holan dalan sambing do laho patuduhon tu Tuhan i haporseaonta tu Ibana jala mandok mauliate tu Ibana ala paradehon haluaonta i. “Tuhan, huboto do nunga mardosa ahu maradophon Ho jala tama do ahu hona uhum. Alai nunga dibuat Jesus Kristus panguhumon na tama jaloonki asa marhite haporseaon di Ibana boi ma ahu disesa. Huhaporseai ma Ho laho tu haluaonhu. Mauliate ma tu denggan basaM na sumurung i dohot panesaonMu di dosangku – silehonlehon ngolu salelengna! Amen!”
Nunga dibahen ho haputuson tu Kristus ala naung manjaha na dison? Molo songon i, klik ma di "Nunga hujalo Kristus i sadaraion" di toru on.
English
Ai adong sungkunsungkunmu?