Sungkunsungkun:
Aha do dalan tu haluaon i?
Tangiang:
Ai male do ho? Ndang male di pardagingon, alai male do ho tu na asing di ngolu on? Ai adong do na bagas di ngolunta na so tarpasaut dope? Molo songon i, Jesus ma dalan i! Jesus mandok, “Ahu do roti hangoluan i. Halak na ro tu Ahu ndang male be, jala na porsea di Ahu ndang mauas be” (Johannes 6:35).
Ai bingung do hita? Boi do hita ndang hea manjumpangi dalan manang tujuan ni ngolu on? Ai songon naung adong do paintophon palito (lampu) i jala ndang boi dapot hita dalan laho pagalakhon? Molo songon i, Jesus do dalan tu haluaon i! Jesus patangkashon, “Ahu do sinondang ni portibi on. Manang ise na mangihuthon Ahu ndang hea be mardalan di na golap, alai adong ma hatiuron ni ngolu di ibana” (Johannes 8:12).
Ai hea do tahilala songon naung tarhinsu hita di luar ni ngolu on? Hea do nunga naeng tabungka manang na piga pintu, alai holan na manjumpangi aha na adong di bagasan i ma ndang adong manang aha pe jala ndang marlapatan? Ai na mangalului pintu do hita asa boi masuk tu hangoluan na gok i? Molo songon i, Jesus do dalan tu haluaon i! Jesus patangkashon, “Ahu do bahal i; malua do manang ise pe na ro marhite Ahu. Na ro ma ibana jala ruar, jala manjumpangi jampalan na lomak” (Johannes 10:9).
Ai sai dipasombu angka jolma i do hita mandate? Ai adong parsaoranta na jellek (dangkal) jala kosong? Ai songon na adong na paotootohon hita? Molo songon i, Jesus do dalan i! Jesus mandok, “Ahu do parmahan na burju i. Dilehon parmahan na burju i do ngoluna tu birubiru pinarmahanna. Ahu do parmahan na burju i; Hutanda do angka birubirungku jala ditanda angka birubirungHu do Ahu” (Johannes 10:11, 14).
Ai taboto do aha na masa dung ngolu on? Ai loja do hita di ngolunta alani angka na olo sega jala busuk? Ai sipata do hita ndang pos roha manang na adong do lapatan ni ngolu on? Ai lomo do rohanta mangolu dung mate hita? Molo songon i, Jesus do dalan tu haluaon i! Jesus patangkashon, “Ahu do haheheon dongon hangoluan. Angka na porsea di Ahu na mangolu do, nang pe naung mate ibana; jala manang ise pe na magolu jala porsea di Ahu ndang na hea mate” (Johannes 11:25–26).
Aha do dalan i? Aha do hasintongan i? Aha do hangoluan i? Jesus mangalusi, “Ahu do dalan dohot hasintongan dohot hangoluan. Ndang adong na sahat tu Ama i molo so marhite Ahu” (Johannes 14:6).
Hamaleon na tahilala i i ma hamaleon ni partondion, jala holan Jesus do na boi boi pabutonghon. Jesus do sasadasa na boi patiurhon hagolapon i. Jesus do pintu tu ngolu na gok dohot ngolu salelengna. Jesus do aleale dohot parmahan naung talului i. Jesus i do hangoluan—di portibi on dohot di ngolu na naeng ro. Jesus do dalan tu haluaon i!
Hatorangan umbahen na male tahilala, hatorangan umbahen na songon na lilu hita di hagolapon, hatorangan umbahen na so dapot hita lapatan ni ngolu on, i ma ala naung sirang do hita sian Tuhan i. Bibel i paboahon tu hita ai nunga sude hita mardosa jala gabe sirang sian Tuhan i (Parjamita 7:20; Rom 3:23). Panghilalaan na so marlapatan na tahilala di bagasan rohanta i ma naung mago do Tuhan i sian ngolunta. Ditompa do hita asa marsaor dohot Tuhan i. Alani dosanta, sirang ma hita sian parsaoaran i. Jala na rumoa, dosanta i mambahen hita sirang sian Tuhan i salelengna, di ngolu on dohot di ngolu na naeng ro (Rom 6:23; Johannes 3:36).
Beha do parsoalan on boi dipasae? Jesus do dalan tu haluaon i! Nunga dibuat Jesus dosanta i tu diriNa sandiri (II Korint 5:21). Mate do Jesus i laho mangganti hita (Rom 5:8), mambuat panguhumon na tama jaloonta. Tolu ari muse, hehe do Jesus sian hamatean, patangkashon hamonanganNa tu dosa dohot hamatean (Rom 6:4–5). Boasa diulahon Ibana i? Dialusi Jesus sandiri do sungkunsungkun on: “Ndang adong holong na umbalga sian, na dilehon ibana do ngoluna alani donganna” (Johannes 15:13). Mate do Jesus asa boi hita mangolu. Molo tahaporseai Jesus i, manghaporseai hamateanNa naung manggarar angka dosanta, sude angka dosanta i nunga disesa jala nunga dipaias. Dipabosur ma hamaleonta di partondion i. Galak ma palito i. Boi ma hita tu ngolu na gok i. Botoonta ma alealenta na dumenggan dohot parmahanta na burju. Botoonta ma adong do ngolu salelengna di hita dung mate hita—ngolu naung dipahehe di surgo i salelengna dohot Jesus!
“Ai mansai dihaholongi Tuhan i do portibi on gabe dilehon Ibana do AnakNa na sasada i, asa ganup na porsea di Ibana ndang mago alai dapotan ngolu salelengna” (Johannes 3:16).
Nunga dibahen ho haputuson tu Kristus ala naung manjaha na dison? Molo songon i, klik ma di "Nunga hujalo Kristus i sadaraion" di toru on.
English
Ai adong sungkunsungkunmu?