Ano ba ang ang sistematikong Teolohiya?

Tanong: "Ano ba ang ang sistematikong Teolohiya?"

Sagot: Ang salitang “Teolohiya” ay nagmula sa dalawang Griyegong salita na nangangahulugang “Diyos” at “salita.” Kung pagsasamahin, ang salitang Teolohiya ay nangangahulugang “pag-aaral sa Diyos.” Ang salitang sistematiko ay tumutukoy sa isang bagay na inilalagay sa maayos na pamamaraan. Ang sistematikong Teolohiya ay, samakatuwid, isang bahagi ng Teolohiya na nagpapaliwanag sa ilang bahagi nito. Kagaya halimbawa, maraming mga aklat sa Bibliya ang nagbibigay ng impormasyon tungkol sa mga anghel. Subalit wala naman ni isa sa mga librong ito ang nagbibigay ng lahat lahat na impormasyon tungkol sa mga anghel. Ang sistematikong Teolohiya ang kumukuha sa lahat ng impormasyon tungkol sa mga anghel sa lahat ng mga aklat sa Bibliya, at isinasaayos ito sa isang sistematikong pamamaraan na kung tawagin ay angeology. Iyan ang ibig sabihin ng sistematikong Teolohiya – isinasaayos ang itinuturo ng Bibliya sa iba’t ibang kategorya.

Ang Theology Proper o Paterology ay ang pag-aaral sa Diyos Ama. Ang Christology ay ang pag-aaral sa Diyos Anak, na si Hesu Kristo. Ang Pneumatology ay ang pag-aaral sa Banal na Espiritu. Ang Bibliology ay ang pag-aaral sa Bibliya. Ang Soteriology ay ang pag-aaral sa kaligtasan. Ang Ecclesiology ay ang pag-aaral sa simbahan. Ang Eschatology ay ang pag-aaral sa katapusan ng panahon. Ang Angeology ay ang pag-aaral sa mga anghel. Ang Christian Demonology ay ang pag-aaral sa mga demonyo mula sa Kristiyanong pananaw. Ang Christian Anthropology ay ang pag-aaral sa sangkatauhan. At ang panghuli, ang Hamartiology ay ang pag-aaral sa kasalanan.

Ang Teolohiyang Biblikal ay ang pag-aaral sa isang patikular na libro (o mga libro) ng Bibliya at binibigyang-diin ang iba’t-ibang aspeto ng Teolohiya na tinututukan nito kagaya halimbawa, ang Ebanghelyo ni Juan ay napaka-Christological sapagkat ito’y pangkalahatang nakatuon sa pagiging Diyos ni Kristo (Juan 1:1,14; 8:58; 10:30; 20:28). Ang Teolohiyang Historikal ay ang pag-aaral sa mga doktrina at kung papaano ito nagbabago sa loob ng isandaang taon ng kristiyanong simbahan. Ang Teolohiyang Dogmatic ay ang pag-aaral sa mga doktrina ng ilang mga kristiyanong grupo na mayroong sistematikong doktrina, kagaya halimbawa ng Calvinistic Theology at dispensational Theology. Ang Contemporary Theology naman ay ang pag-aaral sa mga doktrinang naglabasan sa ngayong panahon. Ang Sistematikong Teolohiya ay isang importanteng kasangkapan upang matulungan tayong maunawaan at maituro ang Bibliya sa organisadong paraan.

Balik sa Tagalog Home Page