Nakamit mo na ba ang buhay na walang hanggan?

Tanong: "Nakamit mo na ba ang buhay na walang hanggan?"

Sagot: Ang Biblia ay nagsasaad ng malinaw na daan patungo sa buhay na walang hanggan. Una, kailangan nating maisip na tayong lahat ay nagkasala sa Diyos: “Ito ay sapagkat ang lahat ay nagkasala at hindi nakakaabot sa kaluwalhatian ng Diyos” (Mga Taga Roma 3:23). Tayong lahat ay gumawa ng mga bagay na hindi angkop sa kagustuhan ng Diyos at dahil dito, tayo ay nararapat sa walang hanggang kaparusahan. “Ito ay sapagkat ang kabayaran nga ng kasalanan ay kamatayan ngunit ang walang bayad na kaloob ng Diyos ay buhay na walang hanggan kay Cristo Jesus na ating Panginoon” (Mga Taga Roma 6:23).

Ngunit si Kristo Hesus, na walang kasalanan (1 Pedro 2:22) at walang hangganang anak ng Diyos ay nagkatawang-tao (Juan 1:1,14) at namatay upang mabayaran ang ating mga parusa. “Ngunit ipinakita ng Diyos ang kaniyang pag-ibig sa atin na nang tayo ay makasalanan pa, si Cristo ay namatay para sa atin.” (Mga Taga Roma 5:8). Si Kristo Hesus ay namatay sa krus (Juan 19:31-42) upang akuin ang kaparusahang ayon para sa atin (2 Mga Taga Corinto 5:21). Pagkaraan ng tatlong araw siya ay muling nabuhay (1 Mga Taga Corinto 15:1-4), patunay na tagumpay niyang nasakop ang kasalanan at kamatayan. “Purihin ang Diyos at Ama ng ating Panginoong Jesucristo sapagkat sa kanyang dakilang kahabagan ay ipinanganak niya tayong muli patungo sa isang buhay na pag-asa. “Ito ay sapagkat sa biyaya kayo naligtas sa pamamagitan ng pananampalataya ng pagkabuhay muli ni Jesucristo mula sa mga patay” (1 Pedro 1:3).

Itakwil natin ang kasalanan at tayo ay lumapit kay Cristo para sa ating kaligtasan gamit ang ating pananampalataya (Mga Gawa 3:19). Kung ilalagay natin ang ating pananampalataya sa kanya at naniniwalang ang kanyang pagkamatay sa krus ay para sa kabayaran ng ating mga sala, tayo’y mapapatawad at mapapangakuan ng buhay na walang hanggan sa langit. “Ito ay sapagkat sa ganitong paraan inibig ng Diyos ang sanlibutan kaya ipinagkaloob niya ang kaniyang bugtong na Anak upang ang sinumang sumampalataya sa kaniya ay hindi mapahamak kundi magkaroon ng buhay na walang hanggan” (Juan 3:16). “Ipahayag mong si Jesus ay Panginoon at sampalatayanan mo sa iyong puso na binuhay siyang mag-uli ng Diyos. Kapag ginawa mo ito, ikaw ay maliligtas” (Mga Taga Roma 10:9). "Tanging ang ating pananampalataya sa tinapos niyang gawain sa krus ay ang kaisa-isa at tunay na daan patungo sa buhay na walang, at ito ay hindi sa inyong sarili, ito ay kaloob ng Diyos. Ito ay hindi dahil sa gawa upang hindi magmalaki ang sinuman” (Mga Taga Efeso 2:8-9).

Kung nais mong tanggapin si Kristo Hesus bilang iyong tagapagligtas, heto ang isang simpleng panalangin. Pakatandaan lamang na ang pagbigkas sa panalangin na ito o iba pang uri ng panalangin ay hindi magliligtas sa iyo. Tanging ang pagtitiwala lamang kay Cristo ang pwedeng magligtas sa kasalanan. Ang panalanging ito ay isa lamang paraan upang ipahayag natin sa Diyos ang ating pananampalataya sa kanya at pagbigay pasasalamat sa kanya dahil sa ginawa niyang daan para sa ating kaligtasan. “Panginoon ko, alam kong ako’y nagkasala laban sa iyo at nararapat lamang na maparusahan. Ngunit inako ni Kristo Hesus ang kaparusahang ito na nararapat sa akin upang sa pananampalataya sa kanya, ako’y mapapatawad sa aking mga kasalanan. Ako’y lumalayo sa aking mga kasalanan at inilalagay ko ang aking paniniwala sa iyo para sa aking kaligtasan. Salamat sa iyong kaaya-ayang biyaya at kapatawaran – ang handog na buhay na walang hanggan! Amen!

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page