Sino ang lumalang sa Diyos? Saan ba nagmula ang Diyos?

Tanong: "Sino ang lumalang sa Diyos? Saan ba nagmula ang Diyos?"

Sagot: Isinulat ng isang hindi naniniwala sa Diyos na si Bertrand Russel sa kanyang libro na “Why I am Not a Christian” na kung totoo na ang lahat ng bagay ay nangangailangan ng sanhi samakatuwid ang Diyos ay nangagailangan din ng sanhi. Winakasan niya ito sa kung ang Diyos ay nangangailangan ng sanhi kung gayon ang Diyos ay hindi Diyos (at kung ang Diyos ay hindi Diyos samakatuwid talagang walang Diyos). Ito ay isang komplikadong pagtatanong na kahalintulad sa katanungan ng mga bata na, “Sino ang lumalang sa Diyos?” kahit na ang mga bata ay nakakaalam na ang mga bagay ay hindi nagmula sa wala, dahil dito kung ang Diyos ay “bagay” samakatuwid dapat mayroon din Siyang pinagmulan o sanhi, tama?

Ang katanungan ay mapanglinlang, dahil ito ay pumasok ng panakaw sa hindi totoong palagay na ang Diyos ay nagmula sa isang lugar at pagkatapos tatanungin kung saan maari ito. Ang kasagutan ay, ang katanungan ay walang saysay. Ito ay parang nagtatanong ng, “Ano ba ang amoy ng kulay asul?” ang Asul ay wala sa kategorya ng mga bagay na mayroong amoy, dahil dito ang katanungan mismo ay hindi wasto. Sa kaparehong sitwasyon, ang Diyos ay wala sa kategorya ng mga bagay na nilalang, o may sanhi. Walang sanhi ang Diyos at hindi nilalang – Siya nabubuhay ng walang simula at wakas.

Papaano natin malalaman ito? Alam nating lahat na mula sa wala, walang mangyayari. Kung gayon kung mayroon mang panahon na wala talagang umiiral o nabubuhay samakatuwid wala ring mabubuhay o iiral. Subalit ang mga bagay ay totoong umiiral. Samakatuwid, sapagkat hindi kailanman posible na wala talagang umiiral o nabubuhay, may isang bagay na palaging umiiral o nabubuhay. Ang palaging umiiral o nabubuhay na iyon ay ang ang Diyos.

Balik sa Tagalog Home Page