Ano ba ang premillennialism?

Tanong: "Ano ba ang premillennialism?"

Sagot: Ang premillennialism ay ang pananaw na ang muling pagparito ni Kristo ay magaganap bago pa man ang Kanyang Millenial na Kaharian, at ang millennial na hari ay literal na maghahari sa loob ng isan-libong taon. Upang maunawaan at ma-interpreta ang mga talata sa Bibliya na tumutukoy sa mga pangyayari sa pagtatapos ng sanlibutan, mayroong dalawang bagay na dapat malinaw na maunawaan: (1) ang tamang paraan ng pag-iinterpreta ng Kasulatan, at (2) ang pagkaka-iba sa pagitan ng Israel (Mga Hudyo) at ang Simbahan (Katawan ng mga mananampalataya kay Hesu Kristo).

Una, ang tamang paraan ng pag-iinterpreta sa Banal na Kasulatan ay nangangailangan na ang paraan ng pag-iinterpreta rito ay naaayon sa konteksto nito. Ito’y nangangahulugang ang isang talata ay nararapat lamang na isalin sa paraang tugma sa mga kung kaninong grupo ng tao ito isinulat, kung sino ang tinutukoy nito, at iba pa. napakahalagang malaman kung sino ang sumulat, kung sinong grupo ng tao ang tumanggap ng mensahe, at ang historikal na pinagmulan ng bawat talata. Kung minsan ang historikal at kulturang pinagmulan ay ang siyang naghahayag ng tamang kahulugan ng talata. Napaka-importante ring tandaan na ang Kasulatan ang nag-iinterpreta sa Kasulatan. Kung minsan ang isang talata na sumasakop sa isang paksa na binigyan rin ng kasagutan sa ibang bahagi ng Bibliya. Napaka-importanteng iinterpreta ang lahat ng ito na may pagkakatugma sa bawat isa.

Ang pinaka-importante, nararapat lamang na ang mga talata ay tanggapin sa kanilang normal, regular at literal na kahulugan kung ang konteksto ng talata ay hindi nagpapahiwatig na ito ay isang malikhaing kaanyuan. Ang literal na interpretasyon ay hindi inaalis ang posibilidad ng paggamit ng malikhaing pananalita. Sa halip, hinihikaya’t nito ang nag-iinterpreta na huwag basahin ang malikhaing pananalita sa kahulugan ng talata kung hindi ito naaayon sa ganoong konteksto. Napaka-importanteng huwag maghanap ng “malalim, higit na espritwal” na kahulugan kumpara sa kung ano ang iprinisenta. Ito ay delikado, sapagkat kung ito ay nangyari, ang basehan ng tumpak na interpretasyon ay inilagay sa isipan ng bumabasa, sa halip na nanggaling sa Kasulatan. Sa ganitong kaso maaaring walang objective standard na interpretasyon, sa halip, ang Kasulatan ay nagiging ayon na lamang sa impresyon ng bawat tao at kung ano ang kahulugan nito para sa kanya. Ipinapaalala sa atin ng 2 Peter 1: 20-21 ang “…Na maalaman muna ito, na alin mang hula ng kasulatan ay hindi nagbuhat sa sariling pagpapaliwanag. Sapagka't hindi sa kalooban ng tao dumating ang hula kailanman: kundi ang mga tao ay nagsalita buhat sa Diyos, na nangaudyokan ng Espiritu Santo.”

Kung susundin ang prinsipyong ito ng Biblikal na Interpretasyon, nararapat lamang na makitang ang Israel (ang pisikal na lipi ni Abraham) at ang Simbahan (lahat ng mga mananampalataya) ay dalawang magkaibang grupo. napakaimportanteng maunawaan na ang Israel at ang simbahan ay magkaiba, dahil kung ito ay hindi maunawaan, maaaring ma-interpreta ng mali ang Kasulatan. Partikular ang mga talatang tumutukoy sa mga pangako na ginawa sa Israel (yaong mga natupad na at hindi pa natutupad) malaki ang posibilidad na hindi ito nauunawaan ng maayos at mali ang interpretasyon kung ang isang tao ay magtangkang ilapat ito sa Simbahan, o kabaligtaran. Tandaan, ang konteksto ng talata ay ang siyang magdedetermina kung kanino ito tumutukoy, at ang siyang magtuturo sa pinakatumpak na interpretasyon.

Habang ang mga konseptong iyon ay nasa isipan, titingnan natin ang ilang mga talata sa Bibliya na tumutukoy sa Premillenial view. Umpisahan natin sa Genesis, sa Kabanata 12, talata 1-3. mababasa natin, “Sinabi nga ng Panginoon kay Abraham, Umalis ka sa iyong lupain, at sa iyong mga kamag-anak, at sa bahay ng iyong ama, na ikaw ay pasa lupaing ituturo Ko sa iyo:At gagawin kitang isang malaking bansa, at ikaw ay Aking pagpapalain, at padadakilain Ko ang iyong pangalan; at ikaw ay maging isang kapalaran: At pagpapalain Ko ang mga magpapala sa iyo, at susumpain Ko ang mga susumpa sa iyo: at pagpapalain sa iyo ang lahat ng angkan sa lupa.”

Ipinangako ng Diyos kay Abraham ang tatlong bagay dito: na si Abraham ay magkakaroon ng maraming lipi, na ang bansang ito ay magkakaroon lupain, at magkakamit ang sangkatauhan ng pandaigdigang pagpapala, na magmumula sa lahi ni Abraham (Mga Hudyo). Sa aklat ng Genesis 15: 9-17, inaprubahan ng Diyos ang Kanyang kasunduan kay Abraham. Sa pamamagitan nito, inilagay ng Diyos ang buong responsibiidad sa kasunduan sa Kanyang sarili. Iyon ay, walang magagawa si Abraham o hindi magagawa na magreresulta sa pagkakabalewala sa kasunduang ginawa ng Diyos. Sa talata ring ito, ang mga hangganan ng lupain na nakatakdang ukupahin ng mga hudyo ay inilatag na. para sa detalyadong listahan ng naturang mga hangganan, tingnan ang Deuteronomio 34. ang iba pang mga talata na tumutukoy sa pangakong lupain: Deuteronomio 30:3-5 and Ezekiel 20:42-44.

Ang aklat ng 2 Samuel Kabanata 7 ay tumutukoy sa pamumuno ni Kristo sa panahon ng millennium, naitala ng 2 Samuel 7, talata 11-17 ang pangako na ginawa ng Diyos kay Haring David. Dito, ipinangako ng Diyos kay David na magkakaroon siya ng lipi, at mula sa liping iyon itatatag ng Diyos ang walang katapusang Kaharian. Ito ay tumutukoy sa pamumuno ni Kristo sa panahon ng millennium, at magpakailan pa man. Napaka-importanteng tandaan na ang pangako ay nararapat lamang na literal na matupad, at hindi pa nangyayari. Ang ilan ay naniniwala na ang paghahari ni Solomon ay ang siyang literal na katuparan ng propesiyang ito, subalit mayroong problema sa ganoong paniniwala: ang teritoryong pinagharian ni Solomon noon ay hindi pinanghahawakan ng Israel sa ngayon! Tandaan na ang pangako ng Diyos kay Abraham ay ang kanyang lipi ay magmamay-ari ng lupain magpakailan pa man, na hindi pa nangayayari. Sinasabi rin sa aklat ng 2 Samuel na ang Diyos ang maglalagay ng Hari na mamumuno ng walang hanggan. Samakatuwid si Solomon ay hindi ang katuparan ng pangako ng Diyos kay David. Samakatuwid ang pangakong ito ay nakatakda pang matupad.

Ngayon, habang nasa isipan natin ito, pag-aralan ang naitala sa aklat ng Pahayag 20: 1-7, “At nakita ko ang isang anghel na nananaog mula sa langit, na may susi ng kalaliman at isang malaking tanikala sa kaniyang kamay.At sinunggaban niya ang dragon, ang matandang ahas, na siyang Diablo at Satanas, at ginapos na isang libong taon,

At siya'y ibinulid sa kalaliman at sinarhan, at tinatakan ito sa ibabaw niya, upang huwag ng magdaya sa mga bansa, hanggang sa maganap ang isang libong taon: pagkatapos nito ay kailangang siya'y pawalang kaunting panahon.At nakakita ako ng mga luklukan, at may mga nagsisiluklok sa mga ito, sila'y pinagkalooban ng paghatol: at nakita ko ang mga kaluluwa ng mga pinugutan ng ulo dahil sa patotoo ni Hesus, at dahil sa salita ng Diyos, at ang mga hindi sumamba sa hayop, o sa kaniyang larawan man, at hindi tumanggap ng tanda sa kanilang noo at sa kanilang kamay; at sila'y nangabuhay, at nagsipagharing kasama ni Kristo sa loob ng isang libong taon.Ang mga iba sa mga patay ay hindi nangabuhay hanggang sa naganap ang isang libong taon. Ito ang unang pagkabuhay na maguli.Mapalad at banal ang makalakip sa unang pagkabuhay na maguli: sa mga ito'y walang kapangyarihan ang ikalawang kamatayan; kundi sila'y magiging mga saserdote ng Diyos at ni Kristo, at mangaghaharing kasama niya sa loob ng isang libong taon.At kung maganap na ang isang libong taon, si Satanas ay kakalagan sa kaniyang bilangguan.”

Ang libong taon na paulit-ulit na binanggit sa aklat ng Pahayag 20: 1-7 ay sumasang-ayon sa literal na isan-libong taong paghahari ni Kristo sa mundo. Alalahanin ang pangakong binigay kay David tungkol sa isang hari ay nararapat literal na matupad, at hindi pa nangyayari. Ang premillenialism ay nakikita ang talatang ito na naglalarawan sa darating pang katuparan ng pangakong si Kristo ang nasa trono. Ang Diyos ay gumawa ng mga walang kondisyong kasunduan kay Abraham at David. Ang dalawang kasunduang ito ay hindi pa lubusan o permanenteng natupad. Ang literal na pamumunong pisikal ni Kristo ay ang tanging paraan upang matupad ang mga kasunduan kagaya ng ipinangako ng Diyos.

Ang paglalapat ng literal na interpretasyon sa Kasulatan ay nagreresulta sa pagkakabuo ng mga bahagi ng puzzle. Ang lahat ng mga propesiya sa Lumang Tipan tungkol sa unang pagparito ni Hesus ay literal na natupad. Samakatuwid, nararapat lamang na umasa tayong ang mga propesiya tungkol sa Kanyang muling pagparito ay literal rin na matutupad. Ang premillenialism ay ang tanging sistema na sumasang-ayon sa literal na interpretasyon ng Kasunduan ng Diyos at ang mga propesiya sa katapusan ng panahon.

Balik sa Tagalog Home Page