Ano ba ang predestination? Naaayon ba sa Bibliya ang predestination?

Tanong: "Ano ba ang predestination? Naaayon ba sa Bibliya ang predestination?"

Sagot: Sinasabi sa atin ng aklat ng Roma 8: 29-30 ang, “Sapagka't yaong mga nang una pa'y Kaniyang nakilala, ay itinalaga naman Niya na maging katulad ng larawan ng Kaniyang Anak, upang siya ang maging panganay sa maraming magkakapatid: At yaong mga itinalaga Niya, ay Kaniyang tinawag naman: at ang mga tinawag ay inaring-ganap naman Niya: at ang mga inaring-ganap ay niluwalhati din naman Niya.”

Sinasabi rin ng aklat ng Efeso 1:5 at 11 ang, “Na tayo'y itinalaga Niya nang una pa sa pagkukupkop na tulad sa mga anak sa pamamagitan ni Hesu Kristo sa ganang Kaniya, ayon sa minagaling ng Kaniyang kalooban..Tayo rin naman sa Kaniya ay ginawang mana, na itinalaga na Niya tayo nang una pa ayon sa pasiya niya yaong gumagawa ng lahat ng mga bagay ayon sa pasiya ng Kaniyang kalooban” Maraming tao ang may pagkagalit sa doktrina ng predestination. Gayon man, ang predestination ay isang Biblikal na doktrina. Ang susi ay unawain kung ano ang ibig sabihin ng predestination ayon sa Bibliya.

Ang salitang isinalin sa salitang “predestined” sa Kasulatan ay mula sa Griyegong salita na “proorizo,” na nangangahulugang “nalaman na noon pa man,” “itinakda,” “napagdesisyunan na bago pa man nangyari.” Kaya nga, ang predestination ay ang pagdedetermina na ng Diyos sa partikular na bagay bago pa man ito mangyari. Ano ba ang dinetermina ng Diyos noon pa man? Ayon sa aklat ng Roma 8: 29-30, dinetermina ng Diyos na ang partikular na tao ay maging kahalintulad ng Kanyang Anak na si Hesu Kristo, at tinawag na binigyang-matuwid at kaluwalhatian. Ang Diyos ang nagdetermina sa kung ang isang tao ay maliligtas. Maraming mga talata sa Bibliya ang tumutukoy sa isang mananampalataya kay Kristo na pinili siya ng Diyos (Mateo 24:22, 31; Marcos 13:20, 27; Roma 8:33; 9:11; 11:5-7,28; Efeso 1:11; Colosas 3:12; 1 Thessalonica 1:4; 1 Timoteo 5:21; 2 Timoteo 2:10; Tito 1:1; 1 Pedro 1:1-2; 2:9; 2 Pedro 1:10). Ang predestination ay isang doktrina na naaayon sa Bibliya na kung saan ang Diyos sa pamamagitan ng Kanyang Kadakilaan at pagiging Diyos ang pumupili sa kung sinong tao ang maligtas.

Ang pinaka-karaniwang pagtutol sa doktrina ng predestination ay ito umano ay hindi makatarungan. Bakit pipiliin ng Diyos ang ilang tao samantalang ang iba ay hindi? Ang pinaka-importante nating tandaan ay walang sinuman ang karapat-dapat na maligtas. Lahat tayo ay nagkasala (Roma 3:23) at nararapat lamang sa walang hanggang kaparusahan (Roma 6:23). Bilang resulta, Matuwid lamang para sa Diyos na hayaan tayong pagdusahan ang ating mga kasalanan sa impiyerno. Gayon man, pinili ng Diyos na iligtas ang ilan sa atin. Hindi natin masasabing ang Diyos ay hindi makatarungan sa mga taong hindi niya piniling iligtas sapagkat tinatanggap lamang nila ang nararapat sa kanila. Ang pagiging mapagbiyaya ng Diyos sa iba ay hindi nangahuhulugang hindi siya makatarungan sa iba. Walang sinuman ang nararapat na makatanggap ng anuman mula sa Diyos-samakatuwid walang sinuman ang maaaring magreklamo kung hindi sila makatanggap ng anuman mula sa Diyos. Maaring halimbawa nito ay: nagbibigay ako ng pera sa limang tao sa isang grupo na binubuo ng dalawampung katao. Nararapat bang ang labinlima katao na hindi nakatanggap ng pera na mula sa akin ay manibugho? Maaari. May karapatan ba silang manibugho? Wala. Bakit? Sapagkat, wala akong perang utang kanino man sa kanila. Mas pinili ko lang na mapagbiyaya sa iilan.

Kung ang Diyos ang pumipili sa kung sino ang maligtas, hindi ba nito sinasalungat ang ating kalayaang pumili at manampalataya kay Kristo? Sinasabi ng Bibliya na mayroon tayong kalayaang pumili-ang tanging gagawin lamang natin ay manampalataya kay Hesu Kristo at tayo ay maliligtas (Juan 3:16; Roma 10:9-10). Hindi kailanman inilarawan ng Bibliya na binabalewala ng Diyos ang sinumang nanampalataya sa Kanya o lumalayo sa mga naghahanap sa Kanya (Deuteronomio 4:29). Maaring, sa pagiging misteryoso ng Diyos, ang predestination nagtatrabaho kaalinsabay ng isang tao na tinawag ng Diyos (Juan 6:44) at tumanggap ng kaligtasan (Roma 1:16). Dinetermina na ng Diyos kung sino ang maliligtas, at nararapat nating piliin si Kristo upang tayo ay maligtas. Ang dalawang katotohanan ay kapwa totoo. Pinoproklama ng aklat ng Roma 11:33 ang, “Oh kalaliman ng mga kayamanan ng karunungan at ng kaalaman ng Diyos! oh di matingkalang mga hatol Niya, at hindi malirip na Kaniyang mga daan!”

Balik sa Tagalog Home Page